ವಿಶ್ವದ ಮೊದಲ AI ಆಧರಿತ MMG ಗನ್​​; ಗಡಿ ನುಸುಳು ಕೋರರ ಶೂಟ್​​​​​ ಮಾಡೋಕೆ ನೀಡುತ್ತೆ ಸಿಗ್ನಲ್​...! | AI MMG GUN

ಭಾರತೀಯ ಸೇನೆಯು ಅಸಾಧಾರಣ ಭೂ ದಾಳಿ ಸಾಮರ್ಥ್ಯವನ್ನು ಹೊಂದಿರುವ AI ಆಧಾರಿತ MMG(ಮೀಡಿಯಮ್​ ಮಶೀನ್​ ಗನ್​​) ಅಭಿವೃದ್ಧಿ ಪಡಿಸಿದೆ. ಸೆಕೆಂಡರಿ ವಿಷನ್ ತಂತ್ರಜ್ಞಾನವನ್ನು ಬಳಸಿಕೊಂಡು AI ಆಧಾರಿತ MMG ಗನ್​​ ತಯಾರಿಸಿದ ಮೊದಲ ರಾಷ್ಟ್ರ ನಮ್ಮ ಭಾರತವೆಂಬ ಹೆಗ್ಗಳಿಕೆಗೂ ಪಾತ್ರವಾಗಿದೆ.

ವಿಶ್ವದ ಮೊದಲ AI ಆಧಾರಿತ ಶಸ್ತ್ರಾಸ್ತ್ರವನ್ನ ಭಾರತೀಯ ಸೇನೆಯ ಕರ್ನಲ್​​ ಆಶಿಷ್​​ ಡೋಗ್ರಾ, ಬಾಂಬೆಯ ಐಐಟಿ ಪ್ರೊಫೆಸರ್ ಕುಲಕರ್ಣಿ, ಲೆಫ್ಟಿನೆಂಟ್​​​ ಕರ್ನಲ್​ ಪ್ರಶಾಂತ್​​ ಅಗರ್ವಾಲ್​, ಜಮ್ಮು ಕಾಶ್ಮೀರದ MIET ಕಾಲೇಜಿನ ವಿದ್ಯಾರ್ಥಿಗಳು, ​​ ಮತ್ತು ಜಮ್ಮು- ಕಾಶ್ಮೀರದ 610 EME ಬೆಟಾಲಿಯನ್​ನ ತಂತ್ರಜ್ಞರು ಈ ಕೃತಕ ಬುದ್ಧಿಮತೆ ಹೊಂದಿದ ವೆಪನ್​ ಸಿಸ್ಟಮ್​​​​​ ಅನ್ನು ಅಭಿವೃದ್ಧಿ ಪಡಿಸಿದ್ದಾರೆ.

ಸೆಕೆಂಡರಿ ವಿಷನ್​​ ತಂತ್ರಜ್ಞಾನ ಎಂದರೇನು?

ಸೆಕೆಂಡರಿ ವಿಷನ್​​ ತಂತ್ರಜ್ಞಾನವನ್ನು ಬಳಸಿಕೊಂಡು ಗಡಿಯನ್ನ ದಾಟಲು ಮುಂದಾಗುವ ನುಸುಳುಕೋರರನ್ನ 2 ಕಿಲೋಮೀಟರ್​​​ನಿಂದಲೂ ನಿಖರವಾಗಿ ಶೂಟ್​​ ಮಾಡಬಹುದಾದ ಸಾಮರ್ಥ್ಯ ಹೊಂದಿದ ತಂತ್ರಜ್ಞಾನವನ್ನು ಗನ್​ಗ​​ನಲ್ಲಿ ಅಳ ವಡಿಸಲಾಗಿದೆ. ಇದು ರಿಯಲ್​ ಟೈಮ್​ನಲ್ಲಿ, ನುಸುಳುಕೋರರ ಚಲನ-ವಲನ ಪತ್ತೆ ಹಚ್ಚಲಿದೆ.

ಈ ತಂತ್ರಜ್ಞಾನ ಎಲ್ಲಿ ಬಳಸಲಾಗುತ್ತೆ?

ಇನ್ಫೆಂಟರಿ ಸೈನಿಕರು ಲೈನ್​ ಆಫ್​ ಕಂಟ್ರೋಲ್​ನಲ್ಲಿ MMG ಗನ್​​​ಗಳನ್ನ ಬಳಸುತ್ತಾರೆ.ಲೈನ್​ ಆಫ್​ ಕಂಟ್ರೋಲ್​ನಲ್ಲಿ ಅತೀ ಹೆಚ್ಚು ಬೆಟ್ಟ- ಗುಡ್ಡಗಳಿರುವುದರಿಂದ ಭಾರತೀಯ ಸೇನೆಯ ಕಣ್ಣು ತಪ್ಪಿಸಿ ಉಗ್ರರು ಒಳ ನುಸುಳುತ್ತಾರೆ. ಹೆಚ್ಚು ಪೊದೆ, ಬೆಟ್ಟ-ಗುಡ್ಡಗಳಿರೋದ್ರಿಂದ ಅಲ್ಲಿ ಉಗ್ರರ ಪ್ರತಿಯೊಂದು ಹೆಜ್ಜೆ ಅಥವಾ ಚಲನ-ವಲನವನ್ನ ಪತ್ತೆ ಹಚ್ಚೋದು ಕಷ್ಟ ಸಾಧ್ಯ. ಆದ್ದರಿಂದ ಅಂತಹ ಜಾಗಗಳಲ್ಲಿ ಈ AI ವೆಪನ್​​ ಸಿಸ್ಟಮ್​​ ಅಳವಡಿಸಲಾಗುತ್ತೆ. ಪ್ರಮುಖವಾಗಿ ಕ್ಯಾಮೆರಾಗಳನ್ನ ಎತ್ತರದ ಜಾಗದ ಎಲ್ಲಾ ದಿಕ್ಕುಗಳಲ್ಲಿ ಅಳವಡಿಸಲಾಗುತ್ತದೆ.

ಹೀಗೆ ಅಳವಡಿಸಿದ AI ವೆಪನ್​​ ಸಿಸ್ಟಮ್​​ ಗಡಿಯೊಳಗೆ ನುಸುಳುವ ಉಗ್ರರ ನಿಖರ ಮಾಹಿತಿಯನ್ನು ನೀಡಲಿದೆ. ಕ್ಯಾಮೆರಾ MMG ಗನ್ ಎರಡರಲ್ಲೂ AI ತಂತ್ರಜ್ಞಾನವನ್ನ ಅಳವಡಿಸಲಾಗಿರುತ್ತೆ. ಆದ್ದರಿಂದ ಕ್ಯಾಮೆರಾಗಳಿಗೆ ಅಳವಡಿಸಲಾದ AI ತಂತ್ರಜ್ಞಾನ ಸೆರೆ ಸಿಕ್ಕ ಉಗ್ರರರನ್ನ ಶೂಟ್ ಮಾಡುವಂತೆ MMG ಗನ್​​ಗೆ ಸೂಚಿಸಲಿದೆ. ಇದರಿಂದ ನುಸುಳುಕೋರರನ್ನ ಬಹಳ ಸುಲಭವಾಗಿ ಸೆದೆ ಬಡಿಯಬಹುದು.

ಭಾರತೀಯ ಸೇನೆಗೆ ಪೂರೈಕೆಯಾಗಲಿದೆ AI ಆಧಾರಿತ MMG ಗನ್​..!

ಬೆಂಗಳೂರಿನಲ್ಲಿ ನಡೆದ ಏರ್​​​ ಶೋನಲ್ಲಿ AI ಆಧಾರಿತ MMG ಗನ್​​ ಪ್ರದರ್ಶನಕ್ಕೆ ಇಡಲಾಗಿತ್ತು, ಸದ್ಯ ಭಾರತೀಯ ಸೇನೆ ಇದನ್ನ ಹೆಚ್ಚಿನ ಸಂಖ್ಯೆಯಲ್ಲಿ ತಯಾರು ಮಾಡಲು ಆದೇಶಿಸಿದೆ.

ಅಂತಾರಾಷ್ಟ್ರೀಯ ಮಟ್ಟದಲ್ಲೂ AI ಆಧಾರಿತ MMG ಗನ್​ಗೆ ಮೆಚ್ಚುಗೆ..!

ಯುಎಸ್​​​, ಇಸ್ರೇಲ್​​ ಮತ್ತು ಫ್ರಾನ್ಸ್​​ನ ಅಧಿಕಾರಿಗಳು ಬೆಂಗಳೂರಿನ ಏರ್​​ ಶೋನಲ್ಲಿ ಪ್ರದರ್ಶನಕ್ಕೆ ಇಡಲಾಗಿದ್ದ AI ಆಧಾರಿತ MMG ಗನ್​​ನ ನಿಖರತೆ, ಮತ್ತು ಶತ್ರುಗಳ ಹೊಡೆದುರುಳಿಸುವ ಸಾಮರ್ಥ್ಯವನ್ನ ಕಂಡು ಆಶ್ಚರ್ಯ ಚಕಿತರಾಗಿದ್ದಾರೆ .ಮೀಡಿಯಮ್​ ಮಶೀನ್​ ಗನ್​​ 2 ಕಿಲೋಮೀಟರ್​​ನವರೆಗೂ ನಿಖರವಾಗಿ ಶೂಟ್​​ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.