ಭಾರತ, ಆತಿಥೇಯ ಇಂಗ್ಲೆಂಡ್ ಹಾಗೂ ಶ್ರೀಲಂಕಾ ಒಳಗೊಂಡ ತ್ರಿಕೋನ ಏಕದಿನ ಸರಣಿಯೇ ನಾಟ್ವೆಸ್ಟ್. ಅಂತಿಮವಾಗಿ ಭಾರತ-ಇಂಗ್ಲೆಂಡ್ ಫೈನಲ್ ಪ್ರವೇಶಿಸಿದವು. ಮೊದಲು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ ತಂಡ 5 ವಿಕೆಟ್ಗೆ 325 ರನ್ ಕಲೆಹಾಕಿತು. ಈ ಬೃಹತ್ ಮೊತ್ತ ಬೆನ್ನಟ್ಟಿದ ಭಾರತ ತಂಡಕ್ಕೆ ಆರಂಭಿಕರಾದ ವೀರೇಂದ್ರ ಸೆಹ್ವಾಗ್ (45ರನ್, 49 ಎಸೆತ, 7 ಬೌಂಡರಿ) ಹಾಗೂ ನಾಯಕ ಸೌರವ್ ಗಂಗೂಲಿ (60ರನ್, 43 ಎಸೆತ, 10 ಬೌಂಡರಿ, 1 ಸಿಕ್ಸರ್) ಜೋಡಿ ಮೊದಲ ವಿಕೆಟ್ ಗೆ 87 ಎಸೆತಗಳಲ್ಲಿ 106 ರನ್ ಕಲೆಹಾಕಿತು. ಈ ಜೋಡಿ ನಿರ್ಗಮನದ ಬಳಿಕ ದಿನೇಶ್ ಮೊಂಗಿಯಾ (9), ಸಚಿನ್ ತೆಂಡುಲ್ಕರ್ (14), ರಾಹುಲ್ ದ್ರಾವಿಡ್ (5) ಪೆವಿಲಿಯನ್ ಪರೇಡ್ ನಡೆಸಿದರು. ಇದರಿಂದ 146 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡ ಭಾರತ ಸೋಲಿನತ್ತ ಮುಖಮಾಡಿತು. ಭಾರತದ ಈ ಸಂಕಷ್ಟದ ಸ್ಥಿತಿ ಕಂಡ ಹಲವು ಮಂದಿ ಇಂಗ್ಲೆಂಡ್ ಗೆದ್ದಾಯಿತು ಎಂದು ನಿರೀಕ್ಷಿಸಿದವರೇ ಜಾಸ್ತಿ.
