ನವದೆಹಲಿ: ಪ್ರವಾಸಿ ಆಸ್ಟ್ರೇಲಿಯಾ ವಿರುದ್ಧ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಏಕದಿನ ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯದಲ್ಲಿ ಟೀಮ್ ಇಂಡಿಯಾದ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಿದ್ದಾರೆ.
ಏಕದಿನ ಮಾದರಿ ಪಂದ್ಯದಲ್ಲಿ ವೇಗವಾಗಿ 9 ಸಾವಿರ ದಾಖಲಿಸಿದ ಮೂರನೇ ಆಟಗಾರನೆಂಬ ಕೀರ್ತಿಯನ್ನು ರೋಹಿತ್ ಗಳಿಸಿದ್ದಾರೆ. ವಿಶೇಷವೆಂದರೆ ಅತಿ ನಿಧಾನವಾಗಿ 2000 ರನ್ ಗಳಿಸಿದ 3ನೇ ಭಾರತೀಯ ಆಟಗಾರನೆಂಬ ದಾಖಲೆಯು ರೋಹಿತ್ ಹೆಸರಿನಲ್ಲೇ ಇದೆ.
ರಾಜ್ಕೋಟ್ನಲ್ಲಿ ನಡೆದ ಎರಡನೇ ಏಕದಿನ ಪಂದ್ಯದಲ್ಲಿ 42 ರನ್ಗೆ ಔಟಾಗುವ ಮೂಲಕ ಕೇವಲ 4 ರನ್ ಅಂತರದಲ್ಲಿ ಸೌರವ್ ಗಂಗೂಲಿ ದಾಖಲೆ ಸರಿಗಟ್ಟುವಲ್ಲಿ ವಿಫಲರಾಗಿದ್ದರು. ಇಂದಿನ ಪಂದ್ಯದಲ್ಲಿ ಒಳ್ಳೆಯ ಆರಂಭ ಪಡೆಯುವುದರೊಂದಿಗೆ ವೇಗವಾಗಿ 9 ಸಾವಿರ ರನ್ ಗಳಿಸಿದ ಮೂರನೇ ಆಟಗಾರ ಎಂಬ ಕಿರ್ತಿಗಳಿಸಿದಲ್ಲದೆ, ಭಾರತದ ಎರಡನೇ ಆಟಗಾರನೆಂಬ ದಾಖಲೆ ನಿರ್ಮಿಸಿ ಗಂಗೂಲಿ ದಾಖಲೆಯನ್ನು ಹಿಂದಿಕ್ಕಿದ್ದಾರೆ.
9 ಸಾವಿರ ರನ್ ಗಡಿ ಮುಟ್ಟಲು ರೋಹಿತ್ 217 ಇನ್ನಿಂಗ್ಸ್ ತೆಗೆದುಕೊಂಡಿದ್ದರೆ, ಗಂಗೂಲಿ 228, ಸಚಿನ್ ತೆಂಡೂಲ್ಕರ್ 235 ಹಾಗೂ ಬ್ರಿಯಾನ್ ಲಾರಾ 239 ಇನ್ನಿಂಗ್ಸ್ ತೆಗೆದುಕೊಂಡಿದ್ದಾರೆ.
ಸದ್ಯ ಆಸೀಸ್ ಪಡೆ ನೀಡಿರುವ 287 ರನ್ ಗುರಿ ಬೆನ್ನತ್ತಿರುವ ಇಂಡಿಯಾ ರೋಹಿತ್ ಶರ್ಮ(119) ಮತ್ತು ಕೆ.ಎಲ್.ರಾಹುಲ್(19) ವಿಕೆಟ್ ಕಳೆದುಕೊಂಡು ಗೆಲುವಿನ ಕಡೆ ದಾಪುಗಾಲು ಇಡುತ್ತಿದೆ. (ಏಜೆನ್ಸೀಸ್)
Another day, another milestone for Rohit Sharma!#INDvAUS pic.twitter.com/hEf9rXHBnf
— ICC (@ICC) January 19, 2020