ಮಹಿಳೆಯರ ಏಷ್ಯಾಕಪ್: ಸೆಮಿಫೈನಲ್​ ತಲುಪಿದ ಭಾರತ- ಫೈನಲ್ ನಲ್ಲಿ ಪಾಕಿಸ್ತಾನ ಎದುರಾಳಿ?!

ಕೊಲಂಬೋ: ಶ್ರೀಲಂಕಾದಲ್ಲಿ ನಡೆಯುತ್ತಿರುವ ಮಹಿಳಾ ಏಷ್ಯಾ ಕಪ್ 2024 ರಲ್ಲಿ ಭಾರತ ತಂಡವು ಸೆಮಿಫೈನಲ್ ತಲುಪಿದೆ. ಮಂಗಳವಾರ ನಡೆದ ಅಂತಿಮ ಲೀಗ್ ಹಂತದ ಪಂದ್ಯದಲ್ಲಿ ನೇಪಾಳ ವಿರುದ್ಧ 82 ರನ್‌ಗಳಿಂದ ಗೆದ್ದು ಟೂರ್ನಿಯಲ್ಲಿ ಹ್ಯಾಟ್ರಿಕ್ ಗೆಲುವು ದಾಖಲಿಸಿದೆ. ಇದರಿಂದಾಗಿ ಎ ಗುಂಪಿನಲ್ಲಿ ಅಗ್ರಸ್ಥಾನದೊಂದಿಗೆ ಸೆಮಿಫೈನಲ್ ಪ್ರವೇಶಿಸಿದೆ.

ಇದನ್ನೂ ಓದಿ: ಇವನು ಅಂತಿಂಥ ಆಸಾಮಿಯಲ್ಲ, ಫುಡ್​ ಡೆಲಿವರಿ ಬಾಯ್ ಸೋಗಿನಲ್ಲಿ ಮಾಡುತ್ತದ್ದ ಕೆಲಸ..?!

ಮೊದಲ ಸೆಮಿಫೈನಲ್‌ನಲ್ಲಿ ಭಾರತ ಜುಲೈ 26 ರಂದು ಥಾಯ್ಲೆಂಡ್ ಅಥವಾ ಬಾಂಗ್ಲಾದೇಶವನ್ನು ಎದುರಿಸುವ ಸಾಧ್ಯತೆಯಿದೆ. ಭಾರತದೊಂದಿಗೆ ಪಾಕಿಸ್ತಾನ ಕೂಡ ಸೆಮಿಫೈನಲ್ ತಲುಪಿದೆ.

ಮೊದಲ ಪಂದ್ಯದಲ್ಲಿ ಸೋದರ ಸಂಬಂಧಿ ಪಾಕಿಸ್ತಾನವನ್ನು ಸೋಲಿಸಿದ ಭಾರತ ಮಹಿಳಾ ತಂಡವು, ಎರಡನೇ ಪಂದ್ಯದಲ್ಲಿ ಯುಎಇಯನ್ನು ಸೋಲಿಸಿತು. ಬಳಿಕ ನೇಪಾಳವನ್ನು ಸೋಲಿಸಿ ಹ್ಯಾಟ್ರಿಕ್ ಗೆಲುವು ದಾಖಲಿಸಿತು. ಪರಿಣಾಮವಾಗಿ, ತಂಡವು ಗುಂಪು-ಎ ನಿಂದ ಅಗ್ರ ಸ್ಥಾನದೊಂದಿಗೆ ಸೆಮಿಫೈನಲ್ ತಲುಪಿದೆ.

ಟೂರ್ನಿಯಲ್ಲಿ ಸತತ ಮೂರನೇ ಗೆಲುವು ದಾಖಲಿಸಿರುವ ಭಾರತ, ಸೆಮಿಫೈನಲ್ ಸ್ಥಾನವನ್ನು ಅಂತಿಮಗೊಳಿಸಿದೆ. ಮಹಿಳಾ ಏಷ್ಯಾ ಕಪ್ 2024 ರಲ್ಲಿ ಅಗ್ರ-4 ಸ್ಥಾನವನ್ನು ಪಡೆದುಕೊಂಡ ಮೊದಲ ತಂಡವಾಗಿ ಹೊರಹೊಮ್ಮಿದೆ. ಭಾರತ ಲೀಗ್ ಹಂತವನ್ನು ಗ್ರೂಪ್-ಎಯಲ್ಲಿ ಅಗ್ರಸ್ಥಾನದಲ್ಲಿ ಬಂದು ನಿಂತಿದೆ. ಇದರೊಂದಿಗೆ ಪಾಕಿಸ್ತಾನವೂ ಸೆಮಿಫೈನಲ್‌ಗೆ ಅರ್ಹತೆ ಪಡೆದುಕೊಂಡಿದೆ. ಎ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆಯುವ ಮೂಲಕ ನಾಕೌಟ್‌ಗೆ ಅರ್ಹತೆ ಪಡೆದಿದೆ.

ಜುಲೈ 26 ರಂದು ಭಾರತ ಸೆಮಿಫೈನಲ್ ಪಂದ್ಯವನ್ನು ಆಡಲಿದೆ. ಥಾಯ್ಲೆಂಡ್ ಅಥವಾ ಬಾಂಗ್ಲಾದೇಶ ತಂಡಗಳು ತಂಡವನ್ನು ಎದುರಿಸಲಿವೆ. ಎರಡನೇ ಸೆಮಿಫೈನಲ್‌ನಲ್ಲಿ ಪಾಕಿಸ್ತಾನ ತಂಡ ಶ್ರೀಲಂಕಾವನ್ನು ಎದುರಿಸುವ ಸಾಧ್ಯತೆಯಿದೆ.

https://www.vijayavani.net/drug-case-against-mamta-kulkarni-vicky-goswami-bombay-high-court