IND vs PAK: ದುಬೈ ಸ್ಟೇಡಿಯಂನಲ್ಲಿ ಜಾಸ್ಮಿನ್​ ವಾಲಿಯಾ ಪ್ರತ್ಯಕ್ಷ! ಕಡೆಗೂ ಹರಿದಾಡುತ್ತಿರುವ ವದಂತಿಗಳಿಗೆ ಬಿತ್ತು ತೆರೆ?

IND vs PAK: ಪ್ರಸ್ತುತ ದುಬೈನಲ್ಲಿ ನಡೆಯುತ್ತಿರುವ ಭಾರತ ಮತ್ತು ಪಾಕಿಸ್ತಾನ ನಡುವಿನ ಹೈವೋಲ್ಟೇಜ್ ಪಂದ್ಯದಲ್ಲಿ ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿರುವ ಪಾಕಿಸ್ತಾನ, ಭಾರತಕ್ಕೆ ಬೌಲಿಂಗ್ ಮಾಡುವಂತೆ ಆಹ್ವಾನಿಸಿದೆ. ಅಂತೆಯೇ ಬ್ಯಾಟಿಂಗ್ ಮಾಡುತ್ತಿರುವ ಪಾಕ್​ ಎರಡು ವಿಕೆಟ್​ ನಷ್ಟಕ್ಕೆ 100 ರನ್​ ಗಡಿದಾಟಿದ್ದು, ಅತ್ಯಧಿಕ ರನ್ ಕಲೆಹಾಕುವತ್ತ ಶ್ರಮಿಸುತ್ತಿದೆ. ಇನ್ನೂ ಆರಂಭಿಕ ಹಂತದಲ್ಲೇ ಸ್ಟಾರ್​ ಬ್ಯಾಟರ್​ಗಳಿಬ್ಬರು ವಿಕೆಟ್​ ಪತನಗೊಂಡಿದ್ದು, ಭಾರತೀಯ ಅಭಿಮಾನಿಗಳಲ್ಲಿ ಭಾರೀ ಖುಷಿ ತಂದಿದೆ.

ಇದನ್ನೂ ಓದಿ: ಒಬ್ಬ ರೋಗಿಗೆ ಆತ್ಮವಿಶ್ವಾಸವೇ ದಿವ್ಯೌಷಧ – ಪದ್ಮರಾಜ್ ಆರ್. ಲೇಡಿಗೋಷನ್ ಆಸ್ಪತ್ರೆಗೆ ಭೇಟಿ

ಪಾಕಿಸ್ತಾನ ಪರ ಓಪನಿಂಗ್ ಆಡುತ್ತಿದ್ದ ಬಾಬರ್ ಆಜಮ್​ರ ವಿಕೆಟ್ ಕಬಳಿಸುವ ಮೂಲಕ ತಂಡಕ್ಕೆ ಮೊದಲ ವಿಕೆಟ್ ತಂದುಕೊಟ್ಟ ಹಾರ್ದಿಕ್​ ಪಾಂಡ್ಯ, ಬಾಬರ್​ಗೆ ಬಾಯ್​..ಬಾಯ್​ ಎಂದು ಕೈಸನ್ನೆ ಮಾಡಿದ ದೃಶ್ಯಗಳು ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡಿದೆ. ಮೊದಲ ಹತ್ತು ಓವರ್​ಗೂ ಮುನ್ನವೇ ವಿಕೆಟ್ ಕಬಳಿಸಿದ ಹಾರ್ದಿಕ್​ಗೆ ಕ್ರೀಡಾಂಗಣದಲ್ಲಿ ಸೇರಿರುವ ಅಭಿಮಾನಿಗಳು ಮತ್ತಷ್ಟು ಹುರಿದುಂಬಿಸಿದರೆ, ಅವರೆಲ್ಲರನ್ನೂ ಮೀರಿಸುವ ವಿಶೇಷ ಅಭಿಮಾನಿಯೊಬ್ಬರು ಇದೀಗ ಕ್ಯಾಮರಾ ಕಣ್ಣಿನಲ್ಲಿ ಸಿಕ್ಕಿಬಿದ್ದಿದ್ದಾರೆ.

ಕಳೆದ ಕೆಲವು ದಿನಗಳಿಂದ ಹಾರ್ದಿಕ್​ ಅವರ ಪ್ರೇಯಸಿ ಈಕೆ ಎಂಬ ವದಂತಿಗಳು ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿವೆ. ಬ್ರಿಟಿಷ್​ ಸುಂದರಿ ಜಾಸ್ಮಿನ್ ವಾಲಿಯಾರನ್ನು ಪಾಂಡ್ಯ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಹಲವಾರು ಸುದ್ದಿಗಳು ಸೋಷಿಯಲ್ ಮೀಡಿಯಾವನ್ನು ಸುತ್ತುವರೆದಿವೆ. ಇದೆಲ್ಲದಕ್ಕೂ ಪುಷ್ಠಿ ನೀಡುವಂತೆ ಇಂದು ದುಬೈ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಾಕ್​-ಭಾರತ ಪಂದ್ಯಕ್ಕೆ ಆಗಮಿಸಿರುವ ಜಾಸ್ಮಿನ್​, ಬಿಳಿ ಬಣ್ಣದ ಉಡುಗೆಯಲ್ಲಿ ಮಿಂಚಿದ್ದಾರೆ. ಹಾರ್ದಿಕ್​ರನ್ನು ನೋಡುತ್ತ ಚಪ್ಪಾಳೆ ತಟ್ಟುತ್ತಿರುವುದು ದೃಶ್ಯಗಳಲ್ಲಿ ಸೆರೆಯಾಗಿದೆ. ಇದು ಪಾಂಡ್ಯ ಅಭಿಮಾನಿಗಳ ಹುಬ್ಬೇರಿಸಿದೆ.

ಯಾರು ಈ ಬ್ರಿಟಿಷ್​ ಸುಂದರಿ?

ಭಾರತೀಯ ಮೂಲದ ಬ್ರಿಟಿಷ್ ಗಾಯಕಿ ಮತ್ತು ಟೆಲಿವಿಷನ್​ ಇಂಡಸ್ಟ್ರಿಗೆ ಸೇರಿರುವ ಜಾಸ್ಮಿನ್ ವಾಲಿಯಾ, ತಮ್ಮ ಹಾಡುಗಳಿಂದಲೇ ಜನಪ್ರಿಯತೆ ಗಳಿಸಿದ್ದಾರೆ. ಅವರ 'ಬಾಮ್​ ಡಿಗ್ಗಿ' ಎಂಬ ಹಾಡು ಭಾರತದಲ್ಲಿಯೂ ಸಾಕಷ್ಟು ಜನಪ್ರಿಯತೆಯನ್ನು ಗಳಿಸಿದೆ. ಇದರೊಟ್ಟಿಗೆ ನಟ ಕಾರ್ತಿಕ್ ಆರ್ಯನ್ ಅಭಿನಯದ ಬಾಲಿವುಡ್ ಸಿನಿಮಾ 'ಸೋನು ಕೆ ಟಿಟು ಕಿ ಸ್ವೀಟಿ' ನಲ್ಲಿಯೂ ಈಕೆ ಕಾಣಿಸಿಕೊಂಡಿದ್ದಾರೆ. ಸದ್ಯ ಹಾರ್ದಿಕ್​ ಪಾಂಡ್ಯ ಜತೆಗೆ ಪ್ರೀತಿಯ ಸಂಬಂಧದಲ್ಲಿ ಬಿದ್ದಿರುವ ಜಾಸ್ಮಿನ್​, ತಮ್ಮ ಪ್ರೀತಿಯ ಬಗ್ಗೆ ಇನ್ನೂ ಏಕೆ ಮೌನ ಮುರಿದಿಲ್ಲ ಎಂಬ ಪ್ರಶ್ನೆಗಳು ಸದ್ಯ ಜಾಲತಾಣಗಳಲ್ಲಿ ವ್ಯಾಪಕ ಚರ್ಚೆಗೆ ಗ್ರಾಸವಾಗಿದೆ,(ಏಜೆನ್ಸೀಸ್).

https://www.vijayavani.net/ind-vs-pak-india-never-bow-to-pakistan