ರಾಜ್ಯದ ರೈಲು ಹಳಿಗಳೀಗ ಸಾವಿನ ರಹದಾರಿ ಆಗಿ ಮಾರ್ಪಡುತ್ತಿವೆ. ಕಳೆದ 4 ವರ್ಷದಲ್ಲಿ ಬರೋಬ್ಬರಿ 4,872 ಜನ ಆತ್ಮಹತ್ಯೆ, ಅಪಘಾತಗಳಿಂದ ಸಾವನ್ನಪ್ಪಿದ್ದಾರೆ. ಕೌಟುಂಬಿಕ ಕಲಹ, ಪ್ರೇಮ ವೈಫಲ್ಯ, ಆರ್ಥಿಕ ಸಂಕಷ್ಟ , ಉದ್ಯೋಗ ಸಮಸ್ಯೆಗಳ ಜತೆಗೆ ಇದೀಗ ಕರೊನಾತಂಕ ಕೂಡ ಆತ್ಮಹತ್ಯೆಗೆ ಕಾರಣವಾಗುತ್ತಿವೆ. ಇನ್ನು ಹಳಿಗಳ ಮೇಲೆ ನಡೆಯುವ ಅವಘಡಗಳಲ್ಲಿ ವಲಸೆ ಕಾರ್ವಿುಕರು ಸಾವನ್ನಪು್ಪವುದೇ ಹೆಚ್ಚು. ಕೊಲೆ ಮಾಡಿ ಹಳಿ ಮೇಲೆ ಎಸೆದು ಹೋದಂತಹ ಪ್ರಕರಣಗಳೂ ಸಾಕಷ್ಟಿವೆ. ಕರೊನಾ ಪೂರ್ವದಲ್ಲಿ ರೈಲುಗಳ ಸಂಚಾರ ಅಧಿಕವಾಗಿತ್ತು. ಪ್ರತಿ ವರ್ಷ 1500ರಿಂದ 1600 ಜನ ಆತ್ಮಹತ್ಯೆ, ಅಪಘಾತ ಮತ್ತಿತರ ಕಾರಣಗಳಿಂದ ಸಾವನ್ನಪು್ಪತ್ತಿದ್ದರು. ಕರೊನಾ ಲಾಕ್ಡೌನ್ ನಂತರ ರೈಲುಗಳ ಸಂಚಾರ ವಿರಳವಾಗಿತ್ತಾದರೂ ಈ ವೇಳೆ ಸಹ ಹಳಿಗಳ ಮೇಲೆ ಸಂಭವಿಸಿದ ಸಾವಿನ ಸಂಖ್ಯೆ 800ರ ಗಡಿ ದಾಟಿದೆ.
