ಬೆಂಗಳೂರು: ಶಾಪಿಂಗ್ ಮಾಡಿದ ನಂತರ, ಗ್ರಾಹಕರು ಮನೆಗೆ ಸರಕುಗಳನ್ನು ಸಾಗಿಸಲು ಚೀಲದ ಅವಶ್ಯಕತೆ ಇರುತ್ತದೆ. ಆದರೆ ಕೆಲವೊಮ್ಮೆ ಈ ಚೀಲಕ್ಕೂ ಅಂಗಡಿಯವರು ಜಾರ್ಜ್ ಹಾಕುತ್ತಾರೆ. ಹೀಗೆ ಇಲ್ಲೊಂದು ಅಂಗಡಿಯವರು ಕಾಗದದ ಚೀಲಕ್ಕೆ 20 ರೂ. ತೆಗದುಕೊಂಡು ಸಂಕಷ್ಟಕ್ಕೆ ಸಿಲುಕಿಕೊಂಡಿದ್ದಾರೆ.
ನಡೆದಿದ್ದೇನು?: ಬೆಂಗಳೂರಿನ ಜೋಗುಪಾಳ್ಯ ನಿವಾಸಿಯಾಗಿರುವ ಸಂಗೀತಾ ಬೋಹ್ರಾ ಎನ್ನುವ ಮಹಿಳೆ ಕಳೆದ ವರ್ಷ ಅಕ್ಟೋಬರ್ 6 ರಂದು ನಾಗಸಂದ್ರದಲ್ಲಿರುವ ಗೃಹೋಪಯೋಗಿ ವಸ್ತುಗಳ ಅಂಗಡಿ ಐಕಿಯಾಗೆ ಭೇಟಿ ನೀಡಿದ್ದರು. ಬೊಹ್ರಾ ಅವರು 2,428 ರೂಪಾಯಿ ಮೊತ್ತದ ವಸ್ತುಗಳನ್ನು ಖರೀದಿಸಿದ್ದರು. ಆದರೆ ಅವರಿಗೆ ಕ್ಯಾರಿ ಬ್ಯಾಗ್‌ಗೂ 20 ರೂಪಾಯಿ ಶುಲ್ಕ ವಿಧಿಸಿರುವುದನ್ನು ಪ್ರಶ್ನಿಸಿದ್ದರು. ಕ್ಯಾರಿ ಬ್ಯಾಗ್‌ಗೆ ಏಕೆ ಹೆಚ್ಚುವರಿ ಪಾವತಿಸಬೇಕು ಎಂದು ಸಿಬ್ಬಂದಿಯೊಂದಿಗೆ ಅವರು ಕೇಳಿದ್ದರು. ಕಂಪನಿಯವರು ಅದನ್ನು ಗ್ರಾಹಕರಿಗೆ ಉಚಿತವಾಗಿ ನೀಡಬೇಕು ಎಂದು ಹೇಳಿದ್ದರು.
ಆದರೆ, ಇದು ತಮ್ಮ ಕಂಪನಿ ರೂಲ್ಸ್ ಎಂದು ನೌಕರರು ಹೇಳಿ ಅವರನ್ನು ಹಣ ಪಾವತಿಸುವಂತೆ ಮಾಡಲಾಯಿತು.ಅಂಗಡಿಯವರು 20 ರೂ. ಕ್ಯಾರಿ ಬ್ಯಾಗ್ ಪಡೆದಿದ್ದರು. ಮಹಿಳೆ ಖರೀದಿದಾರರ ಮಾರ್ಚ್‌ನಲ್ಲಿ ಶಾಂತಿನಗರದಲ್ಲಿರುವ ಬೆಂಗಳೂರು ನಗರ ಮೊದಲ ಹೆಚ್ಚುವರಿ ಜಿಲ್ಲಾ ಗ್ರಾಹಕರ ವ್ಯಾಜ್ಯಗಳ ಪರಿಹಾರ ಆಯೋಗಕ್ಕೆ ದೂರು ತಂದರು.
ಮಹಿಳೆ ಆರೋಪವೇನು?: ಗ್ರಾಹಕರಿಗೆ ಕಂಪನಿಯ ಕ್ಯಾರಿ ಬ್ಯಾಗ್ ಅನ್ನು ಕಡ್ಡಾಯವಾಗಿ ನೀಡಬೇಕು. ಜಾಹೀರಾತು ಎಂದು ನಿಯಮಗಳ ಮೇಲೆ ಸ್ವೀಡಿಷ್ ಕಂಪನಿಯ ಭಾರತೀಯ ಘಟಕಕ್ಕೆ ಕಾನೂನು ನೋಟೀಸ್ ಕಳುಹಿಸಿದರು. ಹಾಗೆ ಮಾಡದಿರುವುದು ಅನ್ಯಾಯದ ಮಾರ್ಗದ ವ್ಯಾಪಾರ ಅಭ್ಯಾಸ ಎಂದು ಹೇಳಿದರು.
ಕಂಪನಿ ಹೇಳಿದ್ದೇನು?: ಆದರೆ ಕಂಪನಿಯು ಈ ಆರೋಪಗಳನ್ನು ನಿರಾಕರಿಸಿತು, ಗ್ರಾಹಕರು ತಮ್ಮ ಲೋಗೋದೊಂದಿಗೆ ಬ್ಯಾಗ್‌ಗಳನ್ನು ಖರೀದಿಸುವಂತೆ ಮಾಡುವುದು ಅನ್ಯಾಯವಲ್ಲ. ಹಣ ವಾಪಸ್ ನೀಡುವಂತೆ ಮಹಿಳೆಯ ಬೇಡಿಕೆಯನ್ನೂ ನಿರಾಕರಿಸಲಾಯಿತು.
ಐಕಿಯಾ ವಿರುದ್ಧ ಆಕೆಯ ದೂರನ್ನು ಸುಳ್ಳು, ಕ್ಷುಲ್ಲಕ. ಗ್ರಾಹಕರು ಪೇಪರ್ ಬ್ಯಾಗ್‌ಗಳನ್ನು ಖರೀದಿಸಲು ಯಾವುದೇ ನೇರ ಅಥವಾ ಪರೋಕ್ಷ ಒತ್ತಾಯ ಮಾಡಿಲ್ಲ. ಯಾವುದೇ ಗುಪ್ತ ಶುಲ್ಕಗಳಿಲ್ಲದೆ ಅದರ ಮಾರಾಟದ ಬಗ್ಗೆ ಅನುಮಾನಾಸ್ಪವಾದುದು ಏನೂ ಇಲ್ಲ ಎಂದು ಐಕಿಯಾ ಪರ ವಕೀಲರು ವಾದಿಸಿದರು.
ಗ್ರಾಹಕ ನ್ಯಾಯಾಲಯ ಹೇಳಿದ್ದೇನು?: ಐಕಿಯಾ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ಮಳಿಗೆಯಿಂದ ತಂದ ಬ್ಯಾಗ್ ನಲ್ಲಿ ಐಕಿಯಾ ಲೋಗೋ ಇತ್ತು . ಅಂತಹ ಲೋಗೋ ಇರುವ ಬ್ಯಾಗ್‌ಗಳನ್ನು ಮಾರಾಟ ಮಾಡುವುದು ಕಾನೂನುಬಾಹಿರ ಎಂದು ಗ್ರಾಹಕ ಸಂರಕ್ಷಣಾ ನ್ಯಾಯಾಲಯ ಅಭಿಪ್ರಾಯಪಟ್ಟಿದೆ.
ಇಷ್ಟು ದೊಡ್ಡ ಶೋರೂಂ ಒದಗಿಸುವ ಗ್ರಾಹಕ ಸೇವೆಯಲ್ಲಿನ ಲೋಪವನ್ನು ನ್ಯಾಯಾಲಯ ಎತ್ತಿ ತೋರಿಸಿದೆ. ಕ್ಯಾರಿ ಬ್ಯಾಗ್ ಖರೀದಿಯನ್ನು ಕಡ್ಡಾಯಗೊಳಿಸಿದರೆ ಗ್ರಾಹಕರು ಪ್ರತಿ ವಸ್ತುವಿಗೆ ಬ್ಯಾಗ್ ತರುವಂತಿಲ್ಲ ಎಂದು ಕೋರ್ಟ್ ಹೇಳಿದೆ. ಈ ನಿಟ್ಟಿನಲ್ಲಿ ದೊಡ್ಡ ಶೋರೂಂಗಳು ಮತ್ತು ಮಾಲ್‌ಗಳ ಧೋರಣೆಯನ್ನು ನ್ಯಾಯಾಲಯ ಖಂಡಿಸಿದೆ. ಐಕಿಯಾ ಕಳಪೆ ಸೇವೆ ಮತ್ತು ಅನ್ಯಾಯದ ಮಾರುಕಟ್ಟೆ ಅಭ್ಯಾಸಗಳಿಗೆ ತಪ್ಪಿತಸ್ಥರೆಂದು ನ್ಯಾಯಾಲಯವು ಅಭಿಪ್ರಾಯಪಟ್ಟಿದೆ.
2023 ಅಕ್ಟೋಬರ್ 4ರಂದು ನ್ಯಾಯಾಲಯವು ತನ್ನ ತೀರ್ಪನ್ನು ನೀಡಿತು. ಕಿರುಕುಳ ಮತ್ತು ಮಾನಸಿಕ ಸಂಕಟಕ್ಕಾಗಿ ಗ್ರಾಹಕನಿಗೆ 1000 ರೂಪಾಯಿ ಪರಿಹಾರ ನೀಡುವುದಲ್ಲದೆ, ಬ್ಯಾಗ್‌ಗಾಗಿ ಸಂಗ್ರಹಿಸಿದ 20 ರೂಪಾಯಿಯನ್ನು ಬಡ್ಡಿಯೊಂದಿಗೆ ಹಿಂದಿರುಗಿಸುವಂತೆಯೂ ಐಕಿಯಾ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ಗೆ ಆದೇಶಿಸಲಾಗಿದೆ. ಆದೇಶದ ದಿನಾಂಕದಿಂದ 30 ದಿನಗಳಲ್ಲಿ ನ್ಯಾಯಾಲಯದ ವೆಚ್ಚ ಮತ್ತು ಪೂರ್ಣ ಮೊತ್ತವನ್ನು ಪಾವತಿಸಲು ನ್ಯಾಯಾಲಯವು ಆದೇಶಿಸಿತು.