ಪ್ರಾರಂಭದಲ್ಲಿ ಪರೀಕ್ಷಾ ಮಾದರಿಯ ಅರಿವಿನ ಅಗತ್ಯವಿರುತ್ತದೆ. ಆದ್ದರಿಂದ ಯುಪಿಎಸ್ಸಿ ಅಧ್ಯಯನ ಹಿಂದಿನ ವರ್ಷಗಳ ಪ್ರಶ್ನೆಪತ್ರಿಕೆಗಳಿಂದಲೇ ಪ್ರಾರಂಭವಾಗಬೇಕು. ಇಲ್ಲಿ ನಮಗೆ ಪರೀಕ್ಷೆಯ ಸ್ವರೂಪವಷ್ಟೇ ಅಲ್ಲ, ಯಾವ ವಿಷಯವನ್ನು ಎಷ್ಟು ಓದಬೇಕು? ಯಾವುದಕ್ಕೆ ಎಷ್ಟು ಪ್ರಾಮುಖ್ಯತೆ ನೀಡಬೇಕು? ಎನ್ನುವುದನ್ನು ಗ್ರಹಿಸುವುದರ ಜತೆಗೆ ಅನಗತ್ಯ ಓದಿನ ಕ್ರಮವನ್ನು ತಡೆಯಲು ಅಗತ್ಯ ಮಾರ್ಗವನ್ನು ಸೂಚಿಸುತ್ತದೆ. ಪ್ರಿಲಿಮ್ಸ್ನ ಮತ್ತು ಮೇನ್ ಪರೀಕ್ಷೆಗಳಿಗೆ ಅಧ್ಯಯನ ಕ್ರಮ ಬೇರೆ ಇರಲಿ. ಆದರೆ, ಅಭ್ಯಾಸ ಪ್ರಾರಂಭದಿಂದಲೇ ಸಾಗಲಿ. ಪ್ರತ್ಯೇಕವಾಗಿ ಅಧ್ಯಯನ ಮಾಡಿದರೆ ಮುಖ್ಯ ಪರೀಕ್ಷೆಗೆ ಸಾಕಷ್ಟು ಸಮಯ ನೀಡಲು ಆಗುವುದಿಲ್ಲ. ಆದ್ದರಿಂದ ಇಲ್ಲಿ ಸಮಯ ನಿರ್ವಹಣೆ ಮುಖ್ಯವಾಗುತ್ತದೆ.
