RCB ಕಪ್‌ ಗೆಲ್ಲಲು ಇನ್ನೊಂದೇ ಹೆಜ್ಜೆ ಬಾಕಿ...ಈ ಬಾರಿಯಾದ್ರೂ ನೆರವೇರುತ್ತಾ ವರ್ಷಾ ಬೊಲ್ಲಮ ಆಸೆ! VIRAT KOHLI

VIRAT KOHLI : ರನ್​ ಮೆಷಿನ್​, ರೆಕಾರ್ಡ್​ ಕಿಂಗ್​ ವಿರಾಟ್​ ಕೊಹ್ಲಿಗೆ ವಿಶ್ವದಾದ್ಯಂತ ಸಾಕಷ್ಟು ಅಭಿಮಾನಿಗಳಿದ್ದಾರೆ. ಸಾಮಾನ್ಯ ಜನರಿಂದಿಡಿದು ಸೆಲೆಬ್ರಿಟಿಗಳವರೆಗೆ ಕೊಹ್ಲಿಯನ್ನು ಆರಾಧಿಸುತ್ತಾರೆ. ಗಮನಾರ್ಹ ಸಂಗತಿ ಏನೆಂದರೆ, ಈವರೆಗೆ ಯಾವುದೇ ಐಪಿಎಲ್​ ಫ್ರಾಂಚೈಸಿ ಬದಲಾಯಿಸದೇ ಒಂದೇ ತಂಡದಲ್ಲಿ ಆಡುತ್ತಿರುವ ಏಕೈಕ ಆಟಗಾರ ಅಂದರೆ ಅದು ಕೊಹ್ಲಿ. ರಾಯಲ್​ ಚಾಲೆಂಜರ್ಸ್​ ತಂಡವನ್ನು ಕೊಹ್ಲಿ ಪ್ರತಿನಿಧಿಸುತ್ತಿದ್ದಾರೆ.

ಇಲ್ಲಿಯವರೆಗೆ ಐಪಿಎಲ್​ನ 17 ಸೀಸನ್​ ಮುಕ್ತಾಯವಾದರೂ ಆರ್​ಸಿಬಿ ಮಾತ್ರ ಒಂದು ಬಾರಿಯೂ ಟ್ರೋಫಿಗೆ ಮುತ್ತಿಟ್ಟಿಲ್ಲ. ಆರ್​ಸಿಬಿಗೆ ಇಂದಿಗೂ ಐಪಿಎಲ್​ ಟ್ರೋಫಿ ಎಟುಕದ ನಕ್ಷತ್ರವಾಗಿದೆ. ಆರ್​ಸಿಬಿ ಟ್ರೋಫಿ ಗೆಲ್ಲಬೇಕೆಂಬುದು ಅನೇಕರ ಕನಸಾಗಿದೆ. ಅದರಲ್ಲಿ ನಟಿ ವರ್ಷಾ ಬೊಲ್ಲಮ್ಮ ಕೂಡ ಒಬ್ಬರು. ವರ್ಷಾ ಅವರು ಕರ್ನಾಟಕದ ಕೊಡಗಿನ ಕುವರಿಯಾದರೂ ತಮಿಳು ಹಾಗೂ ತೆಲುಗಿನಲ್ಲಿ ಹೆಚ್ಚು ಸದ್ದು ಮಾಡುತ್ತಿದ್ದಾರೆ.

ವಿಜಯ್​ ನಟನೆಯ ಬಿಗಿಲ್​, ವಿಜಯ್​ ಸೇತುಪತಿ ಅಭಿನಯದ 96 ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ತೆಲುಗಿನಲ್ಲೂ ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಕನ್ನಡದಲ್ಲಿ ಮನೆ ನಂಬರ್​ 13 ಸಿನಿಮಾದಲ್ಲಿ ನಟಿಸಿದ್ದು, ಈ ಸಿನಿಮಾ 2020ರಲ್ಲಿ ಅಮೇಜಾನ್​ ಪ್ರೈಮ್​ನಲ್ಲಿ ಬಿಡುಗಡೆಯಾಯಿತು. ಆದರೆ, ಹೇಳಿಕೊಳ್ಳುವಷ್ಟು ಹಿಟ್​ ಆಗಲಿಲ್ಲ. ತಮಿಳು ಮತ್ತು ತೆಲುಗಿನಲ್ಲಿ ಸಾಕಷ್ಟು ಸಿನಿಮಾಗಳಲ್ಲಿ ವರ್ಷಾ ಬಿಜಿಯಾಗಿದ್ದಾರೆ.

ವರ್ಷಗಳ ಹಿಂದೆ ವರ್ಷಾ ಮಾಧ್ಯಮ ಸಂದರ್ಶನದಲ್ಲಿ ಭಾಗವಹಿಸಿದ್ದರು. ಈ ವೇಳೆ ಅವರಿಗೆ ಕ್ರಿಕೆಟ್​ ಬಗ್ಗೆ ಕೇಳಿದಾಗ, ವಿರಾಟ್​ ಕೊಹ್ಲಿ ಅಂದರೆ ನನಗೆ ತುಂಬಾ ಇಷ್ಟ. ಕೊಹ್ಲಿ ಒಮ್ಮೆಯಾದರೂ ಐಪಿಎಲ್​ ಟ್ರೋಫಿ ಎತ್ತಿಡಿಯಬೇಕು ಎಂಬುದು ನನ್ನ ಕನಸಾಗಿದೆ. ನಾನು ಆರ್​ಸಿಬಿ ಹಾಗೂ ಕೊಹ್ಲಿಯ ಡೈ ಹಾರ್ಡ್​ ಫ್ಯಾನ್​ ಮತ್ತು ವಿರಾಟ್​ ಕೊಹ್ಲಿಗಾಗಿಯೇ ನಾನು ಐಪಿಎಲ್​ ನೋಡುತ್ತೇನೆ. ಈ ಬಾರಿ ನನ್ನ ಕನಸು ಖಂಡಿತ ನನಸಾಗಲಿದೆ ಎಂದು ವರ್ಷಾ ಹೇಳಿಕೊಂಡಿದ್ದರು. ಇದೀಗ ಆರ್ ಸಿಬಿ ಫೈನಲ್ ತಲುಪಿದ್ದು, ಈ ಬಾರಿಯಾದ್ರೂ ವರ್ಷಾ ಆಸೆ ನೆರವೇರುತ್ತಾ ಕಾದು ನೋಡಬೇಕಿದೆ.

ವರ್ಷಾ ಅವರು ಕೊಹ್ಲಿ ಬಗ್ಗೆ ಮಾತನಾಡಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ವಿಡಿಯೋ ನೋಡಿ ಅನೇಕ ಆರ್​​ಸಿಬಿ ಅಭಿಮಾನಿಗಳು ಪ್ರತಿಕ್ರಿಯಿಸಿದ್ದು, ಟ್ರೋಫಿ ಜಯಿಸಬೇಕೆಂಬುದು ನಮ್ಮ ಕನಸು ಕೂಡ ಹೌದು ಎಂದಿದ್ದಾರೆ. (ಏಜೆನ್ಸೀಸ್​)

https://www.vijayavani.net/there-is-such-a-zodiac-sign-for-the-ipl-final-then-the-cup-is-for-rcb-fans-in-happymood

https://www.vijayavani.net/these-are-the-zodiac-signs-born-to-live-a-luxurious-life-is-your-zodiac-sign-the-same