ನಾನೀಗ ಒಬ್ಬಂಟಿ: ಶಕೀಲಾ ಯಾರ ಮೇಲೂ ಅವಲಂಬಿತರಾಗಿಲ್ಲವಂತೆ. ಚೆನ್ನೈನಲ್ಲಿ ಒಬ್ಬರೇ ಸ್ವತಂತ್ರವಾಗಿದ್ದಾರಂತೆ. ‘ಹತ್ತನೇ ತರಗತಿ ಫೇಲ್ ಆದಾಗಿನಿಂದ ದುಡಿಯಲು ಪ್ರಾರಂಭಿಸಿದವಳು ನಾನು. ಆ ನಂತರ ಯಾರಿಂದಲೂ ಸಹಾಯ ಕೇಳಿಲ್ಲ, ಯಾರಿಗೂ ಮೋಸ ಮಾಡಿಲ್ಲ. ಆದರೆ, ನನಗೆ ಸಾಕಷ್ಟು ಮೋಸವಾಗಿದೆ. ಅಷ್ಟೆಲ್ಲ ದುಡಿದರೂ ನನ್ನ ಬಳಿ ದೊಡ್ಡ ಬಂಗಲೆಯೇನೂ ಇಲ್ಲ. ಮನೆಯಲ್ಲಿ ಒಬ್ಬಳೇ ಇದ್ದೇನೆ. ನಾನೇ ಅಡುಗೆ ಮಾಡಿಕೊಳ್ಳುತ್ತೇನೆ. ಆ ಮನೆಯಲ್ಲಿ ನಾನೇ ರಾಜ, ನಾನೇ ರಾಣಿ, ನಾನೇ ಮಂತ್ರಿ. ಯಾರು ಜತೆಗಿಲ್ಲದಿದ್ದರೂ, ದೇವರು ನನ್ನ ಜತೆಗಿದ್ದಾನೆ. ನಾನು ಆ ದೇವರ ಮಗಳು. ಆತ ನನ್ನ ಕೈಬಿಡುವುದಿಲ್ಲ ಎಂಬ ನಂಬಿಕೆ ಇದೆ’ ಎಂದು ತುಂಬುವಿಶ್ವಾಸದಿಂದ ಹೇಳಿಕೊಳ್ಳುತ್ತಾರೆ ಶಕೀಲಾ.
