ನಾನು ಆರಾಮಾಗಿದ್ದೇನೆ, ಆ ವೈರಲ್​ ವಿಡಿಯೋವನ್ನು ನಂಬಬೇಡಿ: ವಿನೋದ್​ ಕಾಂಬ್ಳಿ

ಮುಂಬೈ: ಟೀಮ್​ ಇಂಡಿಯಾದ ಮಾಜಿ ಆಟಗಾರ, ಸಚಿನ್​ ತೆಂಡೂಲ್ಕರ್​ ಅವರ ಆಪ್ತ ವಿನೋದ್ ಕಾಂಬ್ಳಿ ಅವರು ನಡೆಯಲಾಗದ ಪರಿಸ್ಥಿತಿಯಲ್ಲಿರುವ ದೃಶ್ಯವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿತ್ತು. ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ಸೋಶಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಚರ್ಚೆ ನಡೆದಿತ್ತು. ಈ ಬಗ್ಗೆ ಇದೀಗ ವಿನೋದ್​ ಕಾಂಬ್ಳಿ ಮಾತನಾಡಿದ್ದು, ತಾವು ಕುಡಿದಿದ್ದರು ಎಂಬ ವರದಿಯನ್ಉ ತಳ್ಳಿಹಾಕಿದ್ದಾರೆ. ಇದಲ್ಲದೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆದ ವಿಡಿಯೋವನ್ನು ನಂಬಬೇಡಿ ಎಂದು ಹೇಳಿದ್ದಾರೆ.

ಕಳೆದ ಕೆಲ ದಿನಗಳ ಹಿಂದೆ ವಿನೋದ್‌ ಕಾಂಬ್ಳಿ ಅವರ ವಿಡಿಯೋ ಬಗ್ಗೆ ಸೋಶಿಯಲ್‌ ಮೀಡಿಯಾದಲ್ಲಿ ಸಾಕಷ್ಟು ಚರ್ಚೆಗಳು ನಡೆದಿದ್ದವು. ಈ ವಿಡಿಯೋದಲ್ಲಿ ವಿನೋದ್‌ ಕಾಂಬ್ಳಿ ಅವರ ನಡೆಯಲು ಸಾಧ್ಯವಾಗದೆ ಬೈಕ್‌ ಅನ್ನು ಹಿಡಿದುಕೊಂಡು ಕಷ್ಟಪಡುತ್ತಿದ್ದರು. ನಂತರ ಮುಂದೆ ಬಂದು ನಡೆಯಲು ಪರದಾಡುತ್ತಿದ್ದ ವಿನೋದ್‌ ಕಾಂಬ್ಳಿ ಅವರನ್ನು ಸ್ಥಳೀಯರು ಕೈ ಹಿಡಿದು ಸಹಾಯ ಮಾಡಿದ್ದರು. ಈ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದ್ದು, ಇದರಿಂದ ಅಭಿಮಾನಿಗಳು ವಿನೋದ್‌ ಕಾಂಬ್ಳಿ ಅವರ ಪರಿಸ್ಥಿತಿಯನ್ನು ನೋಡಿ ಶಾಕ್‌ ಆಗಿದ್ದರು.

ಇದನ್ನೂ ಓದಿ: ಧೋನಿ ವಿಚಾರವಾಗಿ ಅಂತಿಮ ನಿರ್ಧಾರಕ್ಕೆ ಬಂದ ಸಿಎಸ್​ಕೆ; ತಲಾಗಾಗಿ ಬದಲಾಗುತ್ತಾ ಐಪಿಎಲ್​​ ನಿಯಮ

ನನ್ನ ಆರೋಗ್ಯದಲ್ಲಿ ಯಾವುದೇ ತರಹದ ಸಮಸ್ಯೆಯಾಗಿಲ್ಲ. ಸೋಶಿಯಲ್​ ಮೀಡಿಯಾದಲ್ಲಿ ಬರುವ ವಿಡಿಯೋವನ್ನು ನಂಬಬೇಡಿ ಎಂದು ತಮ್ಮ ಶಾಲಾ ಸಹಪಾಠಿ ರಿಕ್ಕಿ ಹಾಗೂ ಪ್ರಥಮ ದರ್ಜೆ ಕ್ರಿಕೆಟ್‌ನ ಅಂಪೈರ್ ಮಾರ್ಕಸ್‌ ಅವರ ಬಳಿ ಹೇಳುತ್ತಿರುವುದನ್ನು ನೋಡಬಹುದಾಗಿದೆ. ಈ ವಿಡಿಯೋ ಅವರ ಆರೋಗ್ಯದ ಬಗ್ಗೆ ಸ್ಪಷ್ಟನೆ ನೀಡಿದೆ.

ಈ ಕುರಿತು ಮಾತನಾಡಿರುವ ಮಾರ್ಕಸ್​​, ವಿನೋದ್‌ ಕಾಂಬ್ಳಿಯನ್ನು ನಾನು ಭೇಟಿಯಾದಾಗ ಅವರು ತುಂಬಾ ಜಾಲಿ ಮೂಡ್‌ನಲ್ಲಿದ್ದರು. ಗುಣಮುಖರಾಗುತ್ತಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿರುವುದು ಹಳೆಯ ವಿಡಿಯೋ. ಆತನನ್ನು ಕುಟುಂಬಸ್ಥರು ಚೆನ್ನಾಗಿ ಆರೈಕೆ ಮಾಡುತ್ತಿದ್ದು, ಅರೋಗ್ಯದಲ್ಲಿ ಸಾಕಷ್ಟು ಸುಧಾರಣೆಯಾಗಿದೆ ಎಂದು ಮಾರ್ಕಸ್​ ತಿಳಿಸಿದ್ದಾರೆ.

https://www.vijayavani.net/heartbreaking-video-elephant-grieves-over-mothers-death-for-almost-entire-day

https://www.vijayavani.net/former-external-affairs-minister-k-natwar-singh-passes-away-at-93