ಜಗತ್ತಿಗೆ ಕೊವಿಡ್-19 ಕಾಲಿಟ್ಟಾಗಿನಿಂದ ವೈದ್ಯರು, ನರ್ಸ್ಗಳು ಸೇರಿ ಮೆಡಿಕಲ್ ಸಿಬ್ಬಂದಿಯ ಪರಿಸ್ಥಿತಿಯಂತೂ ಹೇಳತೀರದ್ದಾಗಿದೆ.
ಕೊವಿಡ್-19ರೋಗಿಗಳಿಗೆ ಚಿಕಿತ್ಸೆ ನೀಡುವ ಅವರು, ಸೋಂಕಿನಿಂದ ತಮ್ಮನ್ನು ತಾವು ರಕ್ಷಿಸಿಕೊಳ್ಳಲು ಪಿಪಿಇ ಕಿಟ್ ಧರಿಸುತ್ತಾರೆ. ಆದರೆ ಪಿಪಿಇ ಕಿಟ್ನಿಂದ ಎಷ್ಟು ಅನುಕೂಲವಿದೆಯೋ ಅಷ್ಟೇ ಅನಾನುಕೂಲವೂ ಇದೆ. ಸತತ 10-12 ತಾಸು..ಒಮ್ಮೊಮ್ಮೆ ಅದಕ್ಕಿಂತಲೂ ಹೆಚ್ಚು ಕಾಲ ಈ ಸ್ವಯಂ ಸುರಕ್ಷತಾ ಕಿಟ್, ಕೈಗವಸು, ಮುಖಕ್ಕೆ ಮಾಸ್ಕ್ ಹಾಕಿಕೊಂಡೇ ಇರಬೇಕಾಗಿರುವುದರಿಂದ ಅವರೆಲ್ಲ ತೀವ್ರವಾಗಿ ಕಷ್ಟಪಡುತ್ತಿದ್ದಾರೆ.
ಅದರಲ್ಲೂ ಈಗೊಂದು ವಿಡಿಯೋ ವೈರಲ್ ಆಗುತ್ತಿದ್ದು, ಅದನ್ನು ನೋಡಿದರೆ ಪಿಪಿಇ ಕಿಟ್ನಿಂದ ವೈದ್ಯರು, ನರ್ಸ್ಗಳೆಲ್ಲ ಅದೆಷ್ಟು ಹಿಂಸೆ ಅನುಭವಿಸುತ್ತಿದ್ದಾರೆಂಬುದು ಗೊತ್ತಾಗುತ್ತದೆ.
ಚೀನಾದ ವೈದ್ಯೆಯೊಬ್ಬರು ತಮ್ಮ ಡ್ಯೂಟಿ ಮುಗಿಸಿ, ಪಿಪಿಇ ಕಿಟ್ ತೆಗೆಯುತ್ತಿದ್ದಂತೆ ಅವರ ಮೈಯಿಂದ ಬಕೆಟ್ಗಳಷ್ಟು ನೀರು ಚೆಲ್ಲುತ್ತದೆ. ಆದರೆ ಅದು ನೀರಲ್ಲ…ಅವರ ಬೆವರು…!
ವೈದ್ಯೆ ತನ್ನ ಪಿಪಿಇ ಪ್ಯಾಂಟ್ನ್ನು ತೆಗೆಯುತ್ತಾರೆ. ಜತೆಗೆ ಪಾದಗಳಿಗೆ ಹಾಕಿಕೊಂಡಿದ್ದ ಪ್ಲಾಸ್ಟಿಕ್ ಕವರ್ನ್ನು ಕಳಚುತ್ತಿದ್ದಂತೆ ಅವುಗಳಿಂದ ಬೆವರು, ನೆಲದ ಮೇಲೆ ಚೆಲ್ಲುವುದನ್ನು ವಿಡಿಯೋದಲ್ಲಿ ನೋಡಬಹುದು.
ಈ ವಿಡಿಯೋವನ್ನು ಆಗಸ್ಟ್ 8ರಂದು ಉರುಂಕ್ವಿಯಲ್ಲಿ ಚಿತ್ರೀಕರಿಸಲಾಗಿದೆ ಎನ್ನಲಾಗಿದೆ. (ಏಜೆನ್ಸೀಸ್)
ರಷ್ಯಾ ಕರೊನಾ ಲಸಿಕೆಯನ್ನು ಬಹಿರಂಗವಾಗಿ ತೆಗೆದುಕೊಳ್ತೇನೆ; ಪುಟಿನ್ ಕಾರ್ಯಕ್ಕೆ ಫಿಲಿಪ್ಪೈನ್ಸ್ ಅಧ್ಯಕ್ಷರ ಮೆಚ್ಚುಗೆ