ಕೆಲಸ ಅರಸಿ ಬೆಂಗಳೂರಿಗೆ ಬಂದು ಲಾಕ್ಡೌನ್ನಿಂದ ಊರಿಗೆ ಹಿಂದಿರುಗಲಾಗದೆ, ಆಹಾರವೂ ಇಲ್ಲದೆ ಒದ್ದಾಡುತ್ತಿದ್ದ ಕಾರ್ವಿುಕರಿಗೆ ಬಿಹಾರದಲ್ಲಿರುವ ಸಂಬಂಧಿಕರು ಕರೆ ಮಾಡಿ ಸುದ್ದಿಯಲ್ಲಿ ಬಿತ್ತರವಾದ ಸೀಮಂತ್ಕುಮಾರ್ ನಂಬರ್ ನೀಡಿದ್ದರು. ಕಳೆದ 10 ದಿನಗಳಿಂದ ಸೀಮಂತ್ ಅವರ ಮೊಬೈಲ್ಗೆ 2 ಸಾವಿರಕ್ಕೂ ಅಧಿಕ ಕರೆಗಳು ಬಂದಿವೆ. ಕಾರ್ವಿುಕರ ಕರೆಗೆ ಸ್ಪಂದಿಸಿದ ಐಜಿಪಿ, ಪೊಲೀಸ್ ಸಿಬ್ಬಂದಿ ಹಾಗೂ ಇತರರೊಂದಿಗೆ ಸೇರಿ 5 ಸಾವಿರಕ್ಕೂ ಅಧಿಕ ಜನರಿಗೆ ಆಹಾರ, ಆಶ್ರಯ ಒದಗಿಸಿದ್ದಾರೆ. ಸಹಾಯ ಪಡೆದ ಕಾರ್ವಿುಕರು ಇತರ ಕಾರ್ವಿುಕರೊಂದಿಗೆ ಮೊಬೈಲ್ ಸಂಖ್ಯೆ ವಿನಿಮಯ ಮಾಡಿಕೊಂಡ ಪರಿಣಾಮ ಸೀಮಂತ್ಕುಮಾರ್ ನಂಬರ್ ವೈರಲ್ ಆಗಿದ್ದು, ದಿನಕ್ಕೆ 400ಕ್ಕೂ ಅಧಿಕ ಕರೆಗಳು ಬರುತ್ತಿದೆ.
