Internet: ಎಲಾನ್ ಮಸ್ಕ್ ಒಡೆತನದ ಸ್ಪೇಸ್ ಎಕ್ಸ್ನ ಸ್ಟಾರ್ಲಿಂಕ್ ಹೈಸ್ಪೀಡ್ ಇಂಟರ್ನೆಟ್ ಭಾರತದ ಗ್ರಾಹಕರಿಗೆ ಒದಗಿಸಲು ಈಗಾಲೇ ಒಪ್ಪಂದ ಮಾಡಿಕೊಂಡಿರುವುದಾಗಿ ಭಾರ್ತಿ ಏರ್ಟೆಲ್ ಮತ್ತು ಜಿಯೋ ಕಂಪನಿಗಳು ಹೇಳಿಕೊಂಡಿವೆ. ಆದರೆ, ನಮ್ಮ ದೇಶದಲ್ಲಿ ಈ ಹೈಸ್ಪೀಡ್ ಇಂಟರ್ನೆಟ್ ಹೇಗೆ ವರ್ಕ್ ಮಾಡುತ್ತೆ ಎನ್ನುವುದು ಯಾರಿಗೆ ತಿಳಿಯದು. ಹಾಗದರೆ ಸ್ಟಾರ್ಲಿಂಕ್ ನಮ್ಮಲ್ಲಿ ಹೇಗೆ ಕೆಲಸ ಮಾಡುತ್ತೆ ತಿಳಿಯೋಣ..
ಸ್ಟಾರ್ಲಿಂಕ್ ಸೇವೆಗಳು ಪ್ರಸ್ತುತ 100ಕ್ಕೂ ಹೆಚ್ಚು ದೇಶಗಳಲ್ಲಿ ಲಭ್ಯವಿದೆ. ಇದು ಭಾರತದ ನೆರೆಯ ದೇಶವಾದ ಭೂತಾನ್‌ನಲ್ಲಿಯೂ ತನ್ನ ಸೇವೆಗಳನ್ನು ಹೊಂದಿದೆ. ಆದಾಗ್ಯೂ, ಭಾರತದಲ್ಲಿ ಅದರ ಬಗ್ಗೆ ಭದ್ರತಾ ಕಾಳಜಿಗಳ ಹಿನ್ನೆಲೆ, ಸ್ಟಾರ್ಲಿಂಕ್ ಇನ್ನೂ ನಿಯಂತ್ರಕ ಅನುಮೋದನೆಯನ್ನು ಪಡೆದಿಲ್ಲ. ಹೀಗಾಗಿ, ಸ್ಟಾರ್ಲಿಂಕ್ ಭಾರತಕ್ಕ ಬರುವ ಮೊದಲು ಅದು ಕಾರ್ಯ ಹೇಗೆ ನಿರ್ವಹಿಸುತ್ತದೆ. ನೀವು ಅದರ ಸೇವೆಯನ್ನು ಹೇಗೆ ಪಡೆಯಬಹುದು ಎಂಬುದನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ.
ಉಪಗ್ರಹಗಳ ಮೂಲಕ ಇಂಟರ್ನೆಟ್
ವಾಸ್ತವವಾಗಿ, ಸಾಂಪ್ರದಾಯಿಕ ಬ್ರಾಡ್‌ಬ್ಯಾಂಡ್(ಸಾಮಾನ್ಯ ಇಂಟರ್ನೆಟ್) ಸೇವೆಗಳು ಭೂಗತ ಫೈಬರ್ ಕೇಬಲ್‌ಗಳು ಮತ್ತು ಸೆಲ್ಯುಲಾರ್ ಟವರ್‌ಗಳನ್ನು ಅವಲಂಬಿಸಿವೆ. ಆದರೆ, ಸ್ಟಾರ್ಲಿಂಕ್ ‘ಕೆಳ ಭೂ ಕಕ್ಷೆ’ ಉಪಗ್ರಹಗಳ ಮೂಲಕ ಇಂಟರ್ನೆಟ್ ಪ್ರವೇಶವನ್ನು ಒದಗಿಸುತ್ತದೆ.
ಸ್ಟಾರ್ಲಿಂಕ್ ಪ್ರಸ್ತುತ 7000 ಉಪಗ್ರಹಳನ್ನು ಕಕ್ಷೆಯಲ್ಲಿ ಹೊಂದಿದೆ. ಇದು 100 ದೇಶಗಳಲ್ಲಿ 40 ಲಕ್ಷ ಚಂದಾರರನ್ನು ಹೊಂದಿದೆ. ಪ್ರತಿ ಐದು ವರ್ಷಗಳಿಗೊಮ್ಮೆ ಹೊಸ ತಂತ್ರಜ್ಞಾನದೊಂದಿಗೆ ತನ್ನ ನೆಟ್‌ವರ್ಕ್ ಅನ್ನು ನವೀಕರಿಸುವುದನ್ನು ಮುಂದುವರಿಸುವುದಾಗಿ ಎಲೋನ್ ಮಸ್ಕ್ ಹೇಳುತ್ತಾರೆ.
ಸ್ಟಾರ್ಲಿಂಕ್ ಸಂಪರ್ಕ ಹೇಗೆ?
ಸ್ಟಾರ್ಲಿಂಕ್ ಸಂಪರ್ಕ ಬೇಕು ಎನ್ನುವ ಬಳಕೆದಾರರು ಮೊದಲು ಸ್ಟಾರ್ಲಿಂಕ್ ಡಿಶ್ ಮತ್ತು ರೂಟರ್ ಅಗತ್ಯವಿರುತ್ತದೆ. ಅದು ಭೂಮಿಯ ಸುತ್ತ ಪರಿಭ್ರಮಿಸುವ ಉಪಗ್ರಹಗಳೊಂದಿಗೆ ಸಂವಹನ ನಡೆಸುತ್ತದೆ. ಈ ಡಿಶ್ ಸ್ವಯಂಚಾಲಿತವಾಗಿ ಹತ್ತಿರದ ಸ್ಟಾರ್ಲಿಂಕ್ ಉಪಗ್ರಹ ಕ್ಲಸ್ಟರ್‌ಗೆ ಸಂಪರ್ಕಗೊಳ್ಳುತ್ತದೆ. ಇದು ಯಾವುದೇ ಅಡಚಣೆಯಿಲ್ಲದೆ ಸಂಪರ್ಕವನ್ನು ಒದಗಿಸುತ್ತದೆ. ಆದರೆ, ಹೆಚ್ಚುವರಿ ಹಾರ್ಡ್‌ವೇರ್‌ನೊಂದಿಗೆ ಇದು ಚಲಿಸುವ ವಾಹನಗಳು, ದೋಣಿಗಳು ಮತ್ತು ವಿಮಾನಗಳಲ್ಲಿ ಇಂಟರ್ನೆಟ್ ಪ್ರವೇಶವನ್ನು ಒದಗಿಸುತ್ತದೆ.(ಏಜೆನ್ಸಿಸ್)
ಇನ್ಮುಂದೆ ವಾಯ್ಸ್ ಮೆಸೇಜ್ ಲಿಖಿತ ರೂಪದಲ್ಲಿ ಕೊಡುತ್ತೆ WhatsApp; ಈ ಹೊಸ ಫೀಚರ್ ಬಗ್ಗೆ ತಿಳಿಯಿರಿ..
ನಂಬರ್ ಸೇವ್ ಮಾಡದೇ Whatsapp ನಲ್ಲಿ ಇದೀಗ ಕರೆ ಮಾಡಬಹುದು; ಹೇಗಂತಿರಾ? ಈ ವಿಧಾನ ತಿಳಿಯಿರಿ