ಒತ್ತಡದ ಜೀವನ; ಟ್ರಾಫಿಕ್​ನಲ್ಲೇ ಆಹಾರ ಸೇವಿಸಿದ ಬಿಎಂಟಿಸಿ ಚಾಲಕ... ವಿಡಿಯೋ ನೋಡಿ

ಬೆಂಗಳೂರು: ದೇಶದ ಸ್ಟಾರ್ಟ್​ಅಪ್​ ಹಬ್​ ಎಂದೇ ಖ್ಯಾತಿ ಪಡೆದಿರುವ ಉದ್ಯಾನನಗರಿ ಬೆಂಗಳೂರು ಟ್ರಾಫಿಕ್​ ಸಮಸ್ಯೆಯ ವಿಚಾರವಾಗಿ ಅಷ್ಟೇ ಅಪಖ್ಯಾತಿಯನ್ನುಹೊಂದಿದೆ.

ಟ್ರಾಫಿಕ್​ ಸಮ್ಯೆಯಿಂದಾಗಿ ಕೆಲವರು ಆಫೀಸ್​ಗೆ ತೆರಳುವ ಮಾರ್ಗಮಧ್ಯೆ ಲ್ಯಾಪ್​​ಟಾಪ್​ಅಲ್ಲಿ ಕೆಲಸ ಮಾಡುವುದನ್ನು ನಾವು ನೋಡಿದ್ದೇವೆ. ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ಒಂದು ವೈರಲ್​ ಆಗಿದ್ದು ಸುಮಾರು 1.4 ಮಿಲಿಯನ್​ ವೀಕ್ಷಣೆಗೆ ಒಳಪಟ್ಟಿದೆ.

ವಿಡಿಯೋದಲ್ಲಿ ಏನಿದೆ?

ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿರುವ ವಿಡಿಯೋದಲ್ಲಿ ಬಿಎಂಟಿಸಿ ಚಾಲಕನೋರ್ವ ಟ್ರಾಫಿಕ್​ ಜಾಮ್​ನಲ್ಲಿ ಸಿಲುಕಿರುವ ವೇಳೆ ಆತ ತನ್ನ ಊಟವನ್ನು ಸಿಗ್ನಲ್​ ಬಿಡುವಷ್ಟರಲ್ಲೇ ತಿಂದು ಮುಗಿಸುವುದು ಕಂಡು ಬರುತ್ತದೆ.

ಇದನ್ನೂ ಓದಿ: ಜಂತರ್​ ಮಂತರ್​ ಹೊರತುಪಡಿಸಿ ಕುಸ್ತಿಪಟುಗಳು ಬೇರೆಡೆ ಪ್ರತಿಭಟಿಸಲಿ: ದೆಹಲಿ ಪೊಲೀಸ್​

ಇನ್ನು ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ಚಾಲಕನ ಕುರಿತು ಸಹಾನೂಬೂತಿ ವ್ಯಕ್ತಪಡಿಸಿರುವ ನೆಟ್ಟಿಗರು ಟ್ರಾಫಿಕ್​ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳದ ಸರ್ಕಾರಿ ಅಧಿಕಾರಿಗಳ ವಿರುದ್ಧ ಹರಿಹಾಯ್ದಿದ್ದಾರೆ.

ಟ್ರಾಫಿಕ್​ ಸಮಸ್ಯೆಯಿಂದಾಗಿ ಚಾಲಕ ನೆಮ್ಮದಿಯಿಂದ ಆಹಾರ ಸೇವಿಸಲು ಆಗದಿರುವುದು ದುಃಖಕರವಾಗಿದೆ. ಕೆಲವರು ತಮ್ಮ ಆಫೀಸ್​ಗೆ ತಲುಪವಷ್ಟರಲ್ಲೇ ಫಿಲಂ ನೋಡಿ ಮುಗಿಸಿರುತ್ತಾರೆ ಎಂದು ನೆಟ್ಟಿಗರು ಕಮೆಂಟ್​ ಹಾಕಿದ್ದಾರೆ.

https://www.vijayavani.net/bjp-criticises-congress-for-not-attending-niti-ayog-meet

https://www.vijayavani.net/lakshmi-hebbalkar-about-guarantee-implementation