ಅಕ್ಕಿ-ಹಿಟ್ಟಿನಲ್ಲಿ ಹುಳುಗಳ ಕಾಟವೇ? ಈ ಒಂದು ಸಣ್ಣ ಟ್ರಿಕ್ ಬಳಸಿದರೆ ಕೀಟಗಳು ಓಡಿ ಹೋಗೋದು ಗ್ಯಾರಂಟಿ! Insects in rice flour

ಅಡುಗೆ ಮನೆಯಲ್ಲಿರುವ ಕೆಲವೇ ಕೆಲವು ಅಮೂಲ್ಯ ವಸ್ತುಗಳಲ್ಲಿ ಬೇ ಎಲೆ ಕೂಡ ಒಂದಾಗಿದೆ. ಇದರ ಎಲೆ ಮತ್ತು ವಾಸನೆಯನ್ನು ಕೀಟಗಳು ಇಷ್ಟಪಡುವುದಿಲ್ಲ. ಹಾಗಾಗಿ ನೀವೇನಾದರೂ ಹಿಟ್ಟಿನಿಂದ ಕೀಟಗಳನ್ನು ಓಡಿಸಲು ಪ್ರಯತ್ನಿಸುತ್ತಿದ್ದರೆ, ಈ 2-3 ಒಣಗಿದ ಎಲೆಯನ್ನು ಹಿಟ್ಟಿನ ಡಬ್ಬದಲ್ಲಿ ಹಾಕಿಡಿ. ಇದು ಕೀಟಗಳು ಒಳಗೆ ಬಾರದಂತೆ ತಡೆಯಲು ಸಹಾಯ ಮಾಡುತ್ತವೆ.

ಬೇವಿನ ಎಲೆಗಳು ನೈಸರ್ಗಿಕವಾಗಿ ನಂಜು ನಿರೋಧಕ ಮತ್ತು ಕೀಟ ನಿವಾರಕ ಗುಣಗಳನ್ನು ಹೊಂದಿದೆ. ಹಾಗಾಗಿ ಹಿಟ್ಟು ಮತ್ತು ಅಕ್ಕಿ ಡಬ್ಬದಲ್ಲಿ 4-5 ಒಣಗಿಸಿದ ಬೇವಿನ ಎಲೆಗಳನ್ನು ಹಾಕಿಡುವುದರಿಂದ ಹುಳಗಳು ಪತ್ತೆಯಾಗುವುದಿಲ್ಲ. ಜೊತೆಗೆ ಆಹಾರ ಪದಾರ್ಥ ಕೂಡಾ ಹಾಳಾಗುವುದಿಲ್ಲ.

ಕೀಟಗಳು ಲವಂಗದ ಬಲವಾದ ವಾಸನೆಯನ್ನು ಸಹ ಇಷ್ಟಪಡುವುದಿಲ್ಲ. ಹಾಗಾಗಿ 8-10 ಲವಂಗ ಅಥವಾ ಸ್ವಲ್ಪ ಕರಿಮೆಣಸುಗಳನ್ನು ಚೀಲದಲ್ಲಿ ಕಟ್ಟಿ ಅಕ್ಕಿ/ಹಿಟ್ಟಿನ ಡಬ್ಬದಲ್ಲಿ ಇಡಿ. ಲವಂಗದ ತೀಕ್ಷ್ಣ ವಾಸನೆ ಹುಳುಗಳನ್ನು ಓಡಿಸುತ್ತದೆ ಜೊತೆಗೆ ಅವುಗಳು ಮೊಟ್ಟೆ ಇಡದಂತೆ ತಡೆಯುತ್ತದೆ. ಹಿಟ್ಟಿನಲ್ಲಿ ಇದು ರುಚಿಯ ಮೇಲೆ ಪರಿಣಾಮ ಬೀರುವುದಿಲ್ಲ. ಇದು ಅತ್ಯಂತ ಪರಿಣಾಮಕಾರಿ ಮತ್ತು ಸುಲಭ ಮನೆಮದ್ದಾಗಿದೆ.

ಸ್ವಲ್ಪ ಕಲ್ಲುಪ್ಪನ್ನು ಅಕ್ಕಿ ಅಥವಾ ಹಿಟ್ಟಿನ ಡಬ್ಬದಲ್ಲಿ ಹಾಕಿ. ಇದು ತೇವಾಂಶವನ್ನು ಹೀರಿಕೊಂಡು ಹುಳುಗಳು ಉತ್ಪತ್ತಿಯಾಗದಂತೆ ತಡೆಯುತ್ತದೆ. ಏನಾದರೂ ಮೊದಲೇ ಅಕ್ಕಿ ಅಥವಾ ಹಿಟ್ಟಿನಲ್ಲಿ ಹುಳಗಳು ಕಂಡುಬಂದಿದ್ದರೆ, ಸೂರ್ಯನ ಬೆಳಕಿನಲ್ಲಿ ಹರಡಿ ಒಣಗಿಸಿ ನಂತರ ಉಪ್ಪು ಹಾಕಿ. ಇದು ವರ್ಷಗಟ್ಟಲೆ ಹುಳು ಬರದಂತೆ ತಡೆಯಲು ಸಹಾಯ ಮಾಡುತ್ತದೆ (ಏಜೆನ್ಸೀಸ್).