ಫಿಟ್ನೆಸ್ ಫ್ರೀಕ್ ದಿಶಾ ಪಟಾನಿ ಅವರ 'ಮಾರ್ನಿಂಗ್ ಡ್ರಿಂಕ್ಸ್' ರಹಸ್ಯ ಏನು ಗೊತ್ತಾ? Disha Patani

ಮುಂಬೈ: ( Disha Patani) ಬಾಲಿವುಡ್ ನಟಿ ದಿಶಾ ಪಟಾನಿ ತಮ್ಮ ಕಟ್ಟುನಿಟ್ಟಾದ ಫಿಟ್ನೆಸ್ ದಿನಚರಿಗೆ ಹೆಸರುವಾಸಿ. ಅವರು ತಮ್ಮ ದಿನವನ್ನು ಆರೋಗ್ಯಕರವಾಗಿ ಆರಂಭಿಸಲು ಈ ಕೆಳಗಿನ ಮೂರು ಪಾನೀಯಗಳನ್ನು ಅವಲಂಬಿಸಿದ್ದಾರೆ ಎನ್ನಲಾಗಿದೆ.

ದಿಶಾ ತಮ್ಮ ಅನೇಕ ಸಂದರ್ಶನಗಳಲ್ಲಿ, ಚಯಾಪಚಯ ಕ್ರಿಯೆಯನ್ನು ಪ್ರಾರಂಭಿಸಲು ಸಹಾಯ ಮಾಡುವುದಲ್ಲದೆ, ಉರಿಯೂತ ನಿವಾರಕ ಸ್ವಭಾವದ ಪೋಷಕಾಂಶಗಳಿಂದ ತುಂಬಿರುವ ಆರೋಗ್ಯಕರ ಆಹಾರ ಮತ್ತು ಪಾನೀಯಗಳನ್ನು ಸೇವಿಸುವ ಮಹತ್ವದ ಬಗ್ಗೆ ಮಾತನಾಡಿದ್ದಾರೆ.

ನಾನು ಎದ್ದ ತಕ್ಷಣ ಮಾಡುವ ಮೊದಲ ಕೆಲಸವೆಂದರೆ ಅರಿಶಿನ ನೀರು ಕುಡಿಯುವುದು. ನಂತರ ನನ್ನ ಗಂಟಲಿಗೆ ಒಳ್ಳೆಯದು ಎಂದು ಹೇಳುವ ವಿಶೇಷ ಚಹಾ ಕುಡಿಯುತ್ತೇನೆ. ಎದ್ದ ತಕ್ಷಣ ಎರಡು ಮೂರು ಗ್ಲಾಸ್ ನೀರು ಕುಡಿಯುತ್ತೇನೆ ಎಂದಿದ್ದಾರೆ.

ಇದು ದಿಶಾ ಅವರ ಮೊದಲ ಆಯ್ಕೆ. ಇದು ದೇಹವನ್ನು ಡಿಟಾಕ್ಸ್ (ವಿಷಮುಕ್ತ) ಮಾಡಲು ಸಹಾಯ ಮಾಡುತ್ತದೆ. ಜೀರ್ಣಕ್ರಿಯೆಯನ್ನು ಸುಧಾರಿಸುತ್ತದೆ, ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಚರ್ಮಕ್ಕೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ.

ದಿಶಾ ಪಟಾನಿ ಅವರು ಕಾಫಿ ಅಥವಾ ಹಾಲಿನ ಚಹಾದ ಬದಲು ಗ್ರೀನ್ ಟೀಗೆ ಹೆಚ್ಚಿನ ಆದ್ಯತೆ ನೀಡುತ್ತಾರೆ. ಇದರಲ್ಲಿರುವ ಆ್ಯಂಟಿ-ಆಕ್ಸಿಡೆಂಟ್‌ಗಳು ಚಯಾಪಚಯ ಕ್ರಿಯೆಯನ್ನು (Metabolism) ಹೆಚ್ಚಿಸಿ, ತೂಕ ಇಳಿಕೆಗೆ ಸಹಾಯ ಮಾಡುತ್ತವೆ. ಅಲ್ಲದೆ, ಇದು ದಿನವಿಡೀ ಚೈತನ್ಯದಿಂದಿರಲು ಸಹಕಾರಿ.

ದೇಹದ ಜಲಾಂಶವನ್ನು ಕಾಪಾಡಿಕೊಳ್ಳಲು (Hydration) ಅವರು ಎಳನೀರನ್ನು ನಿಯಮಿತವಾಗಿ ಕುಡಿಯುತ್ತಾರೆ. ಇದರಲ್ಲಿ ಎಲೆಕ್ಟ್ರೋಲೈಟ್‌ಗಳು ಸಮೃದ್ಧವಾಗಿವೆ. ಇದು ಸ್ನಾಯುಗಳ ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಅತಿಯಾದ ಹಸಿವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.

ಬೆಳಗ್ಗೆ ಎದ್ದ ತಕ್ಷಣ ಯಾವುದೇ ಆಹಾರ ಸೇವಿಸುವ ಮುನ್ನ ಕನಿಷ್ಠ 2 ರಿಂದ 3 ಲೋಟ ನೀರು ಕುಡಿಯುವುದನ್ನು ಅವರು ಕಡ್ಡಾಯವಾಗಿ ಪಾಲಿಸುತ್ತಾರೆ. ಇದು ದೇಹದ ಜಲಾಂಶವನ್ನು ಕಾಪಾಡಲು ಮತ್ತು ಚಯಾಪಚಯ ಕ್ರಿಯೆಯನ್ನು ಚುರುಕುಗೊಳಿಸಲು ಸಹಾಯ ಮಾಡುತ್ತದೆ.

ದಿಶಾ ಅವರ ಪ್ರಕಾರ, ಕೇವಲ ವ್ಯಾಯಾಮವಷ್ಟೇ ಅಲ್ಲ, ನಾವು ಬೆಳಗ್ಗೆ ಎದ್ದ ತಕ್ಷಣ ದೇಹಕ್ಕೆ ಏನು ನೀಡುತ್ತೇವೆ ಎಂಬುದು ಕೂಡ ಅಷ್ಟೇ ಮುಖ್ಯ. ಈ ಪಾನೀಯಗಳು ದೇಹದ ಒಳಗಿನಿಂದ ಶುದ್ಧೀಕರಿಸಲು ಮತ್ತು ಸ್ಲಿಮ್ ಆಗಿರಲು ಸಹಾಯ ಮಾಡುತ್ತವೆ.

ಗಮನಿಸಿ: ಇವು ನಟಿಯೊಬ್ಬರ ವೈಯಕ್ತಿಕ ಅನುಭವಗಳಾಗಿದ್ದು, ನೀವು ಯಾವುದೇ ಡಯಟ್ ಆರಂಭಿಸುವ ಮುನ್ನ ವೈದ್ಯರ ಸಲಹೆ ಪಡೆಯುವುದು ಉತ್ತಮ.