ಅಕ್ಕಿ ತೊಳೆದ ನೀರು ಕುಡಿಯುವುದರಿಂದ ನಿಮ್ಮ ಚರ್ಮಕ್ಕಾಗುವ ಲಾಭವೆಷ್ಟು ಗೊತ್ತಾ?..Rice Water Benefits

ಹೌದು, ದಿನದಿಂದ ದಿನಕ್ಕೆ ದೇಹದ ಸೌಂದರ್ಯ, ಮುಖದ ಕಾಂತಿಯನ್ನು ತಾಜಾತನದಿಂದ ಕೂಡಿರುವಂತೆ ನೋಡಿಕೊಳ್ಳಲು ಹಲವಾರು ಬ್ರ್ಯಾಂಡ್​ನ ಸಾಬೂನು, ಫೇಸ್​ ವಾಶ್​​​​​, ಸನ್​​ ಸ್ಕ್ರೀನ್​ ಹೀಗೆ ನಾನಾ ಪ್ರಾಡಕ್ಟ್​​ಗಳು ಹೆಚ್ಚಾಗುತ್ತಿದೆ. ಇವುಗಳನ್ನು ಬಳಕೆ ಮಾಡುವವರ ಮಧ್ಯೆ ನಮ್ಮ ಹಿರಿಯರು ಮುಖದ ಹೊಳಪಿಗೆ ಅಕ್ಕಿ ತೊಳೆದ ನೀರನ್ನು ಕುಡಿಯುತ್ತಿದ್ದರು. ಇದನ್ನು ಈಗಲೂ ಫಾಲೋ ಮಾಡುವವರು ಇದ್ದಾರೆ.

ಮುಖದ ಕಾಂತಿಗೆ ಅಕ್ಕಿ ತೊಳೆದ ನೀರು ಶ್ರೀಮಂತ ಟಾನಿಕ್.​​ ಅಕ್ಕಿಯನ್ನು ಕುದಿಸಿದ ಅಥವಾ ತೊಳೆದ ನೀರಿನಲ್ಲಿ ಈ ಬಿಳಿ ಬಣ್ಣದ ನೀರಿನಲ್ಲಿ ವಿಟಮಿನ್, ಆಂಟಿಆಕ್ಸಿಡೆಂಟ್ ಮತ್ತು ಅಮೈನೋ ಆಮ್ಲ ಇದೆ ಎಂದು ವೈದ್ಯರ ವರದಿ ಪ್ರಕಾರ ತಿಳಿದುಬಂದಿದೆ. ಹಾಗಾದ್ರೆ ಅಕ್ಕಿ ತೊಳೆದ ನೀರಿನಿಂದ ಏನೆಲ್ಲ ಪ್ರಯೋಜನ ಇದೆ ಅನ್ನೋದನ್ನು ತಿಳಿಯೋಣ ಬನ್ನಿ.

ರಾಷ್ಟ್ರೀಯ ಆರೋಗ್ಯ ಸಂಸ್ಥೆಯ ವರದಿ ಪ್ರಕಾರ ಅಕ್ಕಿಯಲ್ಲಿರುವ ಪಿಷ್ಟ ಮತ್ತು ಸೆರಾಮೈಡ್‌ ಅಂಶವಿದೆ. ಇದು ಚರ್ಮದ  ತೇವಾಂಶವನ್ನು ಕಾಪಾಡಿಕೊಳ್ಳುತ್ತದೆ.  ಚರ್ಮವನ್ನು ಪರಿಸರ ಮಾಲಿನ್ಯದಿಂದ ಹಾಳಾಗುವುದನ್ನು ತಡೆಯಲು ಸಹಾಯ ಮಾಡುತ್ತದೆ. 

ಅಕ್ಕಿ ತೊಳೆದ ನೀರಿನಲ್ಲಿರುವ 'ಫೆರುಲಿಕ್ ಆಸಿಡ್'ನಂತಹ ಆಂಟಿ ಆಕ್ಸಿಡೆಂಟ್​ಗಳು ವಯಸ್ಸಾಗುತ್ತಿದಂತೆ ಮುಖದ ಮೇಲೆ ಕಾಣಿಸಿಕೊಳ್ಳುವ ಸುಕ್ಕು, ನೆರಿಗೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.  NIH-ಸೂಚ್ಯಂಕಿತ ಜರ್ನಲ್‌ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ ಚರ್ಮದ ಮೇಲಿನ ಆಕ್ಸಿಡೇಟಿವ್ ಒತ್ತಡವನ್ನು ಕಡಿಮೆ ಮಾಡುವ ಮೂಲಕ ದೀರ್ಘಕಾಲದವರೆಗೂ ಚರ್ಮವನ್ನು ಯೌವನಯುತವಾಗಿರುವಂತೆ ನೋಡಿಕೊಳ್ಳುತ್ತದೆ. ​

 NIH-ಸೂಚ್ಯಂಕಿತ ಜರ್ನಲ್‌ನಲ್ಲಿ  ಪ್ರಕಟವಾದ ವರದಿ ಪ್ರಕಾರ ಅಕ್ಕಿ ನೀರು ದೇಹದಲ್ಲಿ ಉತ್ಪಾದನೆಯಾಗುವ ಮೆಲಾನಿನ್​  ಅಂಶವನ್ನು ನಿರ್ಬಂಧಿಸುತ್ತದೆ. ಇದು ಮುಖದ ಮೇಲೆ ಇರುವ ಕಪ್ಪು ಕಲೆಗಳನ್ನು ಹೋಗಾಡಿಸಿ, ಮುಖದ ಕಾಂತಿಯನ್ನು ಹೆಚ್ಚಿಸಲು ಸಹಕರಿಸುತ್ತದೆ. 

ಅಕ್ಕಿಯ ನೀರಿನಲ್ಲಿ ಅಲಂಟೋಯಿನ್​ ಎಂಬುವ ಅಂಶವಿದೆ. ಇದು ತುರಿಕೆ, ಚರ್ಮದ ಮೇಲೆ ಪದೆ ಪದೇಯಾಗುವ ಕಿರಿಕಿರಿ, ಉರಿಯೂತವನ್ನು ಕಡಿಮೆ ಮಾಡುತ್ತದೆ. ಚರ್ಮದ ಮೇಲೆ ಮೊಡವೆ ಅಥವಾ ಕಂಪಾಗುವಿಕೆಯಿಂದ ಬಳಲುತ್ತಿದ್ದವರು ಅಕ್ಕಿ ನೀರನ್ನು ಬಳಕೆ ಮಾಡಬಹುದು.

ಆಂಟಿಆಕ್ಸಿಡೆಂಟ್​ ಅಂಶ ಹೊಂದಿರುವ ಅಕ್ಕಿ ನೀರು ಚರ್ಮದಲ್ಲಿ ಕಾಲಜನ್​ ಉತ್ಪಾದನೆಯಾಗಲು ಸಹಾಯ ಮಾಡುತ್ತದೆ. ಇದು ಚರ್ಮದ ಹಾನಿಯನ್ನು ಸರಪಡಿಸಿ, ಮುಖವನ್ನು ಹೊಳಪಿನಿಮದ ಇರುವಂತೆ ನೋಡಿಕೊಳ್ಲುತ್ತದೆ. 

ಗಮನಿಸಿ ಅಕ್ಕಿಯನ್ನು ತೊಳೆದ ನೀರು ಕುಡಿಯುತ್ತಿದ್ದೀರಿ ಎಂದರೆ ಒಂದೆರಡು ಬಾರಿ ಅದನ್ನು ತೊಳೆದು ಅದರಲ್ಲಿರುವ ಕಸವನ್ನು ಆಚೆ ಹಾಕಿ, ಆ ನತರ ಕೊನೆಯದಾಗಿ ತೊಳೆಯುವ ನೀರನ್ನು ಕುಡಿಯಲು ಇಟ್ಟುಕೊಳ್ಳಿ. ಇನ್ನು ಬೇಯಿಸಿದ ಅನ್ನದ ಗಂಜಿ ನೀರು ಹೇಗೆ ಬೇಕಾದರು ಕುಡಿಯಲು ಉತ್ತಮ ಇದು ಜೀರ್ಣಕ್ರಿಯೆ ಸುಗಮಗೊಳಿಸಲು ಸಹಾಯ ಮಾಡುತ್ತದೆ.

 ಅಕ್ಕಿ ನೀರಿನಲ್ಲಿ ಅಲ್ಪ ಪ್ರಮಾಣದ ಆರ್ಸೆನಿಕ್ ಇರಬಹುದಾದ್ದರಿಂದ ಗರ್ಭಾವಸ್ಥೆಯಲ್ಲಿ ಇದನ್ನು ದೂರವಿಡುವುದು ಒಳಿತು. ಗರ್ಭಿಣಿಯರು ಕುಡಿಯಲೇ ಬೇಡಿ. ಶಿಶುಗಳು ಮತ್ತು ಸಣ್ಣ ಮಕ್ಕಳಿಗೆ ಇದು ಸೂಕ್ತವಲ್ಲ. ಇದರಲ್ಲಿ ಪಿಷ್ಟದ ಅಂಶ ಹೆಚ್ಚಿರುವುದರಿಂದ ರಕ್ತದ ಸಕ್ಕರೆಯ ಮಟ್ಟ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಹೀಗಾಗಿ ಮಧುಮೇಹಿಗಳಿಗೆ ಇದು ಸೂಕ್ತವಲ್ಲ ಹೊಟ್ಟೆ ಉಬ್ಬರ ಅಥವಾ ಗ್ಯಾಸ್ ಸಮಸ್ಯೆ ಇರುವವರು ಇದನ್ನು ಸೇವಿಸಬಾರದು, (ಏಜೆನ್ಸೀಸ್​).