ಅನ್ನಭಾಗ್ಯ ಯೋಜನೆಗೆ ಅಕ್ಕಿ ಕೊಡಲು ಛತ್ತೀಸಗಢ ಸರ್ಕಾರ ಒಪ್ಪಿಗೆ ಸೂಚಿಸಿದೆ: ಗೃಹ ಸಚಿವ ಪರಮೇಶ್ವರ

ತುಮಕೂರು: ಅನ್ನಭಾಗ್ಯ ಯೋಜನೆಗೆ ಭೇಕಾಗಿರುವ 1.50 ಲಕ್ಷ ಟನ್​ ಅಕ್ಕಿಯನ್ನು ಸರಬರಾಜು ಮಾಡಲು ಛತ್ತೀಸ್​ಗಢ ಸರ್ಕಾರ ಒಪ್ಪಿಗೆ ಸೂಚಿಸಿದೆ ಎಂದು ಗೃಹ ಸಚಿವ ಪರಮೇಶ್ವರ ತಿಳಿಸಿದ್ದಾರೆ.

ಸೋಮವಾರ ತುಮಕೂರಿನಲ್ಲಿ ಈ ಕುರಿತು ಮಾತನಾಡಿದ ಸಚಿವ ಪರಮೇಶ್ವರ್ ಅಕ್ಕಿ ಕೊಡಲು ಛತ್ತೀಸ್​ಗಢ ಸರ್ಕಾರ ಒಪ್ಪಿದ್ದು, ಅಲ್ಲಿಂದ ರಾಜ್ಯಕ್ಕೆ ಸಾಗಾಣೆ ಮಾಡಲು ಮುಂದಿನ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ತಿಳಿಸಿದ್ಧಾರೆ.

ಇದನ್ನೂ ಓದಿ: VIDEO| ಎರಡು ಬಸ್​ಗಳ ನಡುವೆ ಮುಖಾಮುಖಿ ಡಿಕ್ಕಿ; 4 ಮಂದಿ ಸಾವು, 70ಕ್ಕೂ ಅಧಿಕ ಜನರಿಗೆ ಗಂಭೀರ ಗಾಯ

ಯೋಜನೆ ನಿಲ್ಲಿಸುವುದಿಲ್ಲ

ಅನ್ನಭಾಗ್ಯ ಯೋಜನೆಗೆ ಸಂಬಂಧಿಸಿದಂತೆ ಅಗತ್ಯದಷ್ಟು ಅಕ್ಕಿ ಒಂದು ರಾಜ್ಯದಲ್ಲಿ ಸಿಗುವುದಿಲ್ಲ. ಈ ಸಂಬಂಧ ಹಲವು ರಾಜ್ಯಗಳನ್ನು ಸಂಪರ್ಕಿಸಲಾಗಿದ್ದು, ಎಲ್ಲಿ ಸಿಕ್ಕರು ಖರೀದಿಸಲಾಗುವುದು. ಅಕ್ಕಿ ಜೊತೆಗೆ ರಾಗಿ ಜೋಳವನ್ನು ಸಹ ಕೊಡಲಾಗುವುದು. ಯಾವುದೇ ಕಾರಣಕ್ಕೂ ಅನ್ನಭಾಗ್ಯ ಯೋಜನೆಯನ್ನು ನಿಲ್ಲಿಸುವುದಿಲ್ಲ ಎಂದು ಹೇಳಿದ್ಧಾರೆ.

ಭಾರತ ಆಹಾರ ನಿಗಮದವರು ಮೊದಲಿಗೆ ಅಕ್ಕಿ ಸ್ಟಾಕ್​ ಇದೆ ಕೊಡುವುದಾಗಿ ಹೇಳಿ ಆ ನಂತರ ಉಲ್ಟಾ ಹೊಡೆದರು. FCIಗೆ ಈ ರೀತಿ ಮಾಡಲು ನಿರ್ದೇಶಿಸಿದವರು ಯಾರು. ಬದವರಿಗಾಗಿ ಮೀಸಲಿರುವ ಯೋಜನೆಯಲ್ಲೂ ಕೇಂದ್ರ ಸರ್ಕಾರ ರಾಜಕೀಯ ಮಾಡುತ್ತಿರುವುದು ಸರಿಯಲ್ಲ ಎಂದು ಗೃಹ ಸಚಿವ ಪರಮೇಶ್ವರ ಕಿಡಿಕಾರಿದ್ಧಾರೆ.

https://www.vijayavani.net/2-buses-collide-head-on-in-tamil-nadu

https://www.vijayavani.net/madhu-bangarappa-slams-bjp-over-statements