ಆರೇ ತಿಂಗಳಲ್ಲಿ ಅಂಬಾನಿ ಮೀರಿಸುವಂತೆ ಬೆಳೆದ; ಬಳಿಕ ಹುದ್ದೆಯನ್ನೇ ತೊರೆದ ಜಾಕ್​ ಮಾ ಪ್ರತಿಸ್ಪರ್ಧಿ

ನವದೆಹಲಿ: ಲಾಕ್​ಡೌನ್​ ಅವಧಿಯಲ್ಲಿ ಎಲ್ಲ ವಹಿವಾಟುಗಳು ನಷ್ಟದಲ್ಲಿದ್ದರೆ, ಭಾರಿ ಲಾಭ ಮಾಡಿಕೊಳ್ಳುತ್ತಿರುವ ಕಂಪನಿಗಳೆಂದರೆ ಇ-ಕಾಮರ್ಸ್​ ತಾಣಗಳು. ಮನೆ ಬಾಗಿಲಿಗೆ ವಸ್ತುಗಳನ್ನು ತಂದು ನೀಡುವ ಈ ವಾಣಿಜ್ಯ ತಾಣಗಳು ಜನರಿಗೀಗ ಅನಿವಾರ್ಯವಾಗಿವೆ.

ಅಂತೆಯೇ, ಕಾಲಿನ್​ ಹುವಾಂಗ್​ ಲಾಕ್​ಡೌನ್​ ಅವಧಿಯಲ್ಲಿ ಶ್ರೀಮಂತನಾದ ಪರಿ ಹೇಗಿತ್ತು ಎಂದರೆ, ಮುಖೇಶ್​ ಅಂಬಾನಿ ಸೇರಿ ಜಗತ್ತಿನ ಅತಿ ಶ್ರೀಮಂತರು ಎನಿಸಿಕೊಂಡವರೇ ಈ ಮಟ್ಟಿಗಿನ ಸಂಪತ್ತನ್ನು ಕೊಳ್ಳೆ ಹೊಡೆದಿರಲಿಲ್ಲ. ಈತನ ಸಂಪತ್ತು ಬೆಳೆದ ಪರಿಯೂ ಕೂಡ ದಾಖಲೆಯಾಗಿದೆ.

ಇದನ್ನೂ ಓದಿ; ಚೀನಾದ ನಿದ್ದೆಗೆಡಿಸಿದೆ ನೇಪಾಳದ ಬೆಳವಣಿಗೆ; ಕೋವಿಡ್ ನೆರವಿನ ಹೆಸರಲ್ಲಿ ಬೇಹುಗಾರರ ನಿಯೋಜನೆ​ 

ಪಿನ್​ಡುವಾಡುವಾ ಎಂದು ಕರೆಯಲಾಗುವ ಚೀನಿ ಇ-ಕಾಮರ್ಸ್​ ಆ್ಯಪ್​ನ ಜನಕನೀತ. ಇದನ್ನು ಸ್ಥಾಪಿಸಿದ್ದು 2015ರಲ್ಲಿ. ಅಲ್ಲಿಂದ ಈತ ಯಾರೂ ಊಹಿಸದ ಮಟ್ಟಿಗೆ ಬೆಳೆದಿದ್ದಾನೆ. ಕಳೆದ ಆರು ತಿಂಗಳಲ್ಲಿ ಈತ ಗಳಿಸಿದ ಸಂಪತ್ತು 25 ಬಿಲಿಯನ್​ ಡಾಲರ್​ಗೂ ಅಧಿಕ (ಅಂದಾಜು 1.86 ಲಕ್ಷ ಕೋಟಿ ರೂ.). ಈತನ ಕಂಪನಿ ಹೊಂದಿರುವ ಮಾರುಕಟ್ಟೆ ಪಾಲು 100 ಬಿಲಿಯನ್​ ಡಾಲರ್​ಗೂ ಹೆಚ್ಚು (7.2 ಲಕ್ಷ ಕೋಟಿ ರೂ.). ಚೀನಾದ ಅತಿ ಶ್ರೀಮಂತರಾದ ಜಾಕ್​ ಮಾ ಹಾಗೂ ಪೋನಿ ಮಾ ಜತೆ ಗುರುತಿಸಿಕೊಂಡಿದ್ದ.

ಲಾಕ್​ಡೌನ್​ ಅವಧಿಯಲ್ಲಿ ಈತನ ಆ್ಯಪ್​ನ ಸಕ್ರಿಯ ಬಳಕೆದಾರರ ಸಂಖ್ಯೆ ಶೇ.68ರಷ್ಟು ಹೆಚ್ಚಾಗಿದ್ದರೆ, ಆದಾಯದಲ್ಲಿ ಶೇ.44 ಹೆಚ್ಚಳ ಕಂಡು ಬಂದಿದೆ. ಕೇವಲ ಎರಡು ವರ್ಷಗಳಲ್ಲಿ ಅಮೆರಿಕದಲ್ಲಿ ಈತನ ಕಂಪನಿಯ ವ್ಯವಹಾರ ನಾಲ್ಕು ಪಟ್ಟು ಹೆಚ್ಚಾಗಿತ್ತು. ಸದ್ಯ ಹುವಾಂಗ್​ ಕಂಪನಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹುದ್ದೆಯಿಂದ ಕೆಳಗಿಳಿದ್ದಾನೆ. ಹೀಗಿದ್ದರೂ ಈತನ ಒಟ್ಟು ಆದಾಯವೀಗ 2.23 ಲಕ್ಷ ಕೋಟಿ.

ಇದನ್ನೂ ಓದಿ; ಝೂಮ್​ಗೆ ಟಕ್ಕರ್​ ಕೊಡಲಿದೆ ಅಂಬಾನಿಯ ‘ಜಿಯೋ ಮೀಟ್​’

ಅತಿ ಕಡಿಮೆ ಬೆಲೆಯಲ್ಲಿ, ಭಾರಿ ರಿಯಾಯಿತಿಯಲ್ಲಿ ವಸ್ತುಗಳ ಮಾರಾಟಕ್ಕೆ ತೊಡಗಿದ್ದೇ ಈತನ ವಹಿವಾಟು ವೃದ್ಧಿಸಲು ಕಾರಣವಾಯಿತು ಎಂಬುದು ತಜ್ಞರ ವಿಶ್ಲೇಷಣೆ.

https://www.vijayavani.net/coronavirus-pandemic-will-end-naturally-oxford-expert-explains/