35 ವರ್ಷದ ಆಲ್ರೌಂಡರ್ ರವೀಂದ್ರ ಜಡೇಜಾ ಬಾಂಗ್ಲಾದೇಶದ ಖಾಲಿದ್ ಅಹ್ಮದ್ ವಿಕೆಟ್ ಪಡೆಯುವ ಮೂಲಕ ಟೆಸ್ಟ್ ಕ್ರಿಕೆಟ್ನಲ್ಲಿ ವೈಯಕ್ತಿಕವಾಗಿ ಹಲವು ಮೈಲಿಗಲ್ಲು ಸ್ಥಾಪಿಸಿದರು. ಜಡೇಜಾ ಟೆಸ್ಟ್ ಕ್ರಿಕೆಟ್ನಲ್ಲಿ 300 ವಿಕೆಟ್ ಹಾಗೂ 3 ಸಾವಿರ ಪ್ಲಸ್ ರನ್ ಸಾಧನೆ ಮಾಡಿದ ವಿಶ್ವದ 11ನೇ ಹಾಗೂ ಮೂರನೇ ಭಾರತೀಯ ಎನಿಸಿದರು. ಆರ್.ಅಶ್ವಿನ್, ಕಪಿಲ್ ದೇವ್ ಮೊದಲಿಬ್ಬರು ಭಾರತೀಯರಾಗಿದ್ದಾರೆ. ಜತೆಗೆ 74ನೇ ಟೆಸ್ಟ್ ಪಂದ್ಯದಲ್ಲಿ ಈ ಸಾಧನೆ ಮಾಡಿದ ಜಡೇಜಾ ಟೆಸ್ಟ್ ಕ್ರಿಕೆಟ್ನಲ್ಲಿ 2ನೇ ಅತಿವೇಗವಾಗಿ ಸಾಧಿಸಿದ ಆಟಗಾರ ಎನಿಸಿದರು. ಇಂಗ್ಲೆಂಡ್ ಇಯಾನ್ ಬಾಥಂ (72) ಅಗ್ರಸ್ಥಾನದಲ್ಲಿದ್ದಾರೆ. ಟೆಸ್ಟ್ ಕ್ರಿಕೆಟ್ನಲ್ಲಿ 300 ವಿಕೆಟ್ ಪಡೆದ 7ನೇ ಭಾರತೀಯ ಬೌಲರ್ ಎನಿಸಿದ ಜಡೇಜಾ, ವಿಶ್ವದ ಮೂರನೇ ಎಡಗೈ ಸ್ಪಿನ್ನರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ರಂಗನಾ ಹೆರಾತ್ (433), ಡೇನಿಯಲ್ ವೆಟ್ಟೋರಿ (362) ಹಿಂದಿನ ಸಾಧಕರು.
