ಅದಾ ಶರ್ಮಾ ಅವರು 15ಕ್ಕೂ ಹೆಚ್ಚು ಹಿಂದಿ, ತೆಲುಗು ಸಿನಿಮಾಗಳು ಸೇರಿದಂತೆ ಕನ್ನಡದಲ್ಲಿ ಪುನೀತ್ ರಾಜಕುಮಾರ್ ಅವರ ಜತೆ ನಾಯಕಿಯಾಗಿ ‘ರಣವಿಕ್ರಮ’ ಚಿತ್ರದಲ್ಲಿ ನಟಿಸಿದ್ದರು. ಇದೀಗ ‘ದಿ ಕೇರಳ ಸ್ಟೋರಿ’ ಚಿತ್ರದಲ್ಲಿ ಅಭಿನಯಿಸಿದ್ದು, ಇದೇ ಶುಕ್ರವಾರ ಸಿನಿಮಾ ಬಿಡುಗಡೆಯಾಗಲಿದೆ. ಸುದೀಪ್ತೋ ಸೇನ್ ನಿರ್ದೇಶನದ ಮತಾಂತರ ಮತ್ತು ಭಯೋತ್ಪಾದನೆ ಸುತ್ತ ಸುತ್ತುವ ನೈಜ ಘಟನೆಯಾಧಾರಿತ ಚಿತ್ರವಿದು ಎನ್ನಲಾಗಿದೆ. ಸದ್ಯ ಚಿತ್ರದ ಬಿಡುಗಡೆಗೆ ಕೆಲವು ರಾಜಕೀಯ ಪಕ್ಷಗಳು ವಿರೋಧ ವ್ಯಕ್ತಪಡಿಸುತ್ತಿವೆ. ಈ ಎಲ್ಲದರ ನಡುವೆ ನಾಯಕಿ ಅದಾ ಶರ್ಮಾ ‘ದಿ ಕೇರಳ ಸ್ಟೋರಿ’ ಕಥೆ, ಪಾತ್ರ, ಸಿದ್ಧತೆ, ಸವಾಲು, ವಿವಾದಗಳ ಬಗ್ಗೆ ಎಕ್ಸ್ಕ್ಲೂಸಿವ್ ಆಗಿ ವಿಜಯವಾಣಿ ಜತೆ ಮಾತನಾಡಿದ್ದಾರೆ.
