ಕಡಲ್ಕೊರೆತ ಭೀತಿ: ಕಾಸರಗೋಡು, ಚೆರ್ಕಳದಿಂದ ಚಟ್ಟಂಚಾಲ್ ತನಕದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಗುಡ್ಡೆ ಕುಸಿತ ಭೀತಿ ಉಂಟಾಗಿದ್ದು, ರಸ್ತೆಯಲ್ಲಿ ಆಗಸ್ಟ್ 7ರ ತನಕ ವಾಹನ ಸಂಚಾರಕ್ಕೆ ಜಿಲ್ಲಾಧಿಕಾರಿ ನಿಷೇಧ ಹೇರಿದ್ದಾರೆ. ಮಧೂರು ಮಧುವಾಹಿನಿ ಹೊಳೆಯಲ್ಲೂ ಪ್ರವಾಹ ಭೀತಿ ಎದುರಾಗಿದೆ. ಉಪ್ಪಳ, ಚೇರಂಗೈ, ತೃಕ್ಕರಿಪುರ ಮೊದಲಾದೆಡೆಗಳಲ್ಲಿ ಕಡಲ್ಕೊರೆತ ಭೀತಿ ಎದುರಾಗಿದೆ. ಈಗಾಗಲೇ ಈ ಪ್ರದೇಶದಲ್ಲಿ ಹಲವು ತೆಂಗಿನ ಮರಗಳು ಸಮುದ್ರ ಪಾಲಾಗಿವೆ. ಕೆಲವು ಮನೆ ಸಮುದ್ರ ಪಾಲಾಗುವ ಸ್ಥಿತಿಯಲ್ಲಿದೆ. ಮಂಜೇಶ್ವರದಲ್ಲಿ ಕಡಲ್ಕೊರೆತ ತಲೆದೋರಿದ್ದು, ಇದರಿಂದಾಗಿ ಸಮುದ್ರ ದಡದಿಂದ 30 ಮೀಟರ್ ತನಕ ನೀರು ನುಗ್ಗಿದೆ. ಹಲವು ಮರಗಳು ರಸ್ತೆಗೆ ಬಿದ್ದಿವೆ. ವಲಿಯಪರಂಬ ಪಡನ್ನಕ್ಕಾಡ್ನಲ್ಲಿ ಕಡಲ್ಕೊರೆತ ಭೀತಿ ಉಂಟಾಗಿದೆ.
