ಆರೋಗ್ಯ

ಮುಂದಕ್ಕೆ ನಡೆಯುವುದು ಸಾಕು, ಈಗ ಹಿಂದಕ್ಕೆ ಹೆಜ್ಜೆ ಹಾಕಿ! ಮೆದುಳು ಚುರುಕಾಗಲು ಇಲ್ಲಿದೆ ಬೆಸ್ಟ್​ ಫಾರ್ಮುಲಾ.. Walk

ಸಾಂದರ್ಭಿಕ ಚಿತ್ರ
ಸಾಂದರ್ಭಿಕ ಚಿತ್ರ
ಭಾನುಪ್ರಿಯ ಡಿ.ಕೆ
Published on: 

ಪ್ರಮುಖ ಮುಖ್ಯಾಂಶಗಳು

  • ಡೆಯುವ ಅಭ್ಯಾಸವು ದೇಹಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಎಲ್ಲರಿಗೂ ತಿಳಿದಿರುವ ಮಾಹಿತಿ
  • ಅತಿ ಹೆಚ್ಚು ಜನರು ಬೆಳಗ್ಗೆ ಎದ್ದು ನಡೆಯುವ ಅಭ್ಯಾಸವನ್ನು ಮಾಡುತ್ತಾರೆ
  • ನಡಿಗೆಯು ದೇಹದ ಭಾಗಗಳನ್ನು ಬಲಪಡಿಸುವುದಲ್ಲದೆ ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ
  • ಹಿಂದಕ್ಕೆ ನಡೆಯುವ ಅಭ್ಯಾಸವು ದೇಹದ ಸಮತೋಲನವನ್ನು ವಿಭಿನ್ನವಾಗಿ ಕಾಪಾಡಲು ಸಹಾಯ ಮಾಡುತ್ತದೆ
Walk: ನಡೆಯುವ ಅಭ್ಯಾಸವು ದೇಹಕ್ಕೆ ತುಂಬಾ ಪ್ರಯೋಜನಕಾರಿ ಎಂದು ಎಲ್ಲರಿಗೂ ತಿಳಿದಿರುವ ಮಾಹಿತಿ. ಅತಿ ಹೆಚ್ಚು ಜನರು ಬೆಳಗ್ಗೆ ಎದ್ದು ನಡೆಯುವ ಅಭ್ಯಾಸವನ್ನು ಮಾಡುತ್ತಾರೆ. ಅಂದಹಾಗೇ, ಅತಿಹೆಚ್ಚು ಜನರು ಮುಂದಕ್ಕೆ ನಡೆಯುವ ಅಭ್ಯಾಸವನ್ನು ಮಾಡುತ್ತಾರೆ. ಆದರೆ, ಕೆಲವೊಂದಿಷ್ಟು ಜನ ಹಿಂದೆ ನಡೆಯುವ ಅಭ್ಯಾಸವನ್ನು ಮಾಡುತ್ತಾರೆ. ಈ ರೀತಿಯ ನಡಿಗೆಯು ದೇಹಕ್ಕೆ ಬಹಳ ಪ್ರಯೋಜನಕಾರಿದ್ದು, ದೇಹದ ಭಾಗಗಳನ್ನು ಬಲಪಡಿಸುವುದಲ್ಲದೆ ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಈ ರೀತಿಯಾಗಿ ನಡೆಯುವುದರಿಂದ ಆಗುವ ಪ್ರಯೋಜನಗಳೇನು ಎಂದು ನೋಡೋಣ ಬನ್ನಿ..

1. ಮೊಣಕಾಲಿನ ಬಲವನ್ನು ಹೆಚ್ಚಿಸುತ್ತದೆ

ಅನೇಕರು ಬಿಲಿಯನೇರ್ ಬ್ರಿಯಾನ್ ಜಾನ್ಸನ್ ಬಗ್ಗೆ ಕೇಳಿದ್ದಾರೆ. ಒಂದು ಶತಮಾನಕ್ಕೂ ಹೆಚ್ಚು ಕಾಲ ಬದುಕುವುದು ಅವರ ಗುರಿಯಾಗಿತ್ತು. ಇದಕ್ಕಾಗಿ ಅವರು ಅನೇಕ ರೀತಿಯ ವೈದ್ಯಕೀಯ ಮತ್ತು ಆಧುನಿಕ ವಿಧಾನಗಳನ್ನು ಅನುಸರಿಸಿದ್ದರು. ಅವರು ಪ್ರತಿನಿತ್ಯ ಹಿಂದಕ್ಕೆ ಚಲಿಸುವ ಅಭ್ಯಾಸವನ್ನು ಮಾಡಿಕೊಂಡಿದ್ದರಂತೆ. ಈ ಅಭ್ಯಾಸವು ವೃದ್ಧಾಪ್ಯದಲ್ಲಿ ಮೊಣಕಾಲುಗಳು ದುರ್ಬಲಗೊಳ್ಳುವ ಅಥವಾ ನೋಯುವ ಪ್ರವೃತ್ತಿಯನ್ನು ಬಹಳವಾಗಿ ಕಡಿಮೆ ಮಾಡುತ್ತದೆ.

2. ಸ್ನಾಯುವಿನ ಬಲ ಹೆಚ್ಚಾಗುತ್ತದೆ

ಹಿಂದಕ್ಕೆ ನಡೆಯುವ ಅಭ್ಯಾಸವು ದೇಹದ ಸಮತೋಲನವನ್ನು ವಿಭಿನ್ನವಾಗಿ ಕಾಪಾಡಲು ಸಹಾಯ ಮಾಡುತ್ತದೆ. ಇದು ದೇಹದ ಸಮನ್ವಯವನ್ನು ಸುಧಾರಿಸುತ್ತದೆ. ವಿಶೇಷವಾಗಿ, ಕಾಲಿನ ಸ್ನಾಯುಗಳನ್ನು ಹೆಚ್ಚಿಸುತ್ತದೆ. ಇದರ ಜೊತೆಗೆ ಸೊಂಟದ ಸ್ನಾಯುಗಳು ಬಲಗೊಳ್ಳುತ್ತವೆ. ಪ್ರತಿನಿತ್ಯ ಹಿಂದಕ್ಕೆ ಚಲಿಸುವ ಅಭ್ಯಾಸವನ್ನು ಮಾಡುವುದರಿಂದ ವಿಭಿನ್ನವಾದ ಪ್ರಯೋಜನಗಳನ್ನು ಪಡೆಯಬಹುದು.

3. ಕ್ಯಾಲೊರಿಗಳನ್ನು ಸುಡುತ್ತದೆ

ತಜ್ಞರು ಸೂಚಿಸುವಂತೆ, ಈ ಅಭ್ಯಾಸವು ನಿಯಮಿತ ನಡಿಗೆಗಿಂತ ಹಿಂದಕ್ಕೆ ನಡೆಯುವುದರಿಂದ ಶೇ. 30 ರಷ್ಟು ಹೆಚ್ಚಿನ ಕ್ಯಾಲೋರಿಗಳನ್ನು ಸುಡಲು ಸಹಾಯ ಮಾಡುತ್ತದೆ. ಹಾಗೆಯೇ ತೂಕ ಇಳಿಸಿಕೊಳ್ಳಲು ಬಯಸುವವರು ಈ ರೀತಿಯ ಅಭ್ಯಾಸವನ್ನು ಮಾಡಿಕೊಳ್ಳುವುದರಿಂದ ಅವರಿಗೆ ಸಹಾಯವಾಗಬಹುದು.

4. ಮೆದುಳಿನಲ್ಲಿ ರಕ್ತ ಪರಿಚಲನೆ ಹೆಚ್ಚಿಸುತ್ತದೆ

ಪ್ರತಿನಿತ್ಯ ಹಿಂದಕ್ಕೆ ನಡೆಯುವ ಅಭ್ಯಾಸವನ್ನು ಮಾಡಿಕೊಳ್ಳುವುದರಿಂದ ಮೆದುಳು ತುಂಬಾ ಸಕ್ರಿಯವಾಗಿರುತ್ತದೆ. ಏಕೆಂದರೆ, ಇದು ನಮ್ಮ ಸಾಮಾನ್ಯ ನಡಿಗೆಗೆ ವಿರುದ್ಧವಾಗಿದ್ದು, ಮೆದುಳಿನ ನರ ಚಟುವಟಿಕೆಯನ್ನು ಹೆಚ್ಚಿಸುತ್ತದೆ. ಹಾಗೆಯೇ ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ.

5. ಒತ್ತಡವನ್ನು ಕಡಿಮೆ ಮಾಡುತ್ತದೆ

ಪ್ರತಿನಿತ್ಯ ಈ ಅಭ್ಯಾಸವನ್ನು ಮಾಡುವುದರಿಂದ ಇದು ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಏಕತಾನತೆಯ ಮತ್ತು ದಿನನಿತ್ಯದ ಕೆಲಸದಿಂದ ಸ್ವಲ್ಪ ವಿಭಿನ್ನವಾಗಿ ಏನನ್ನಾದರೂ ಮಾಡುವ ಅನುಭವವು ಮನಸ್ಸನ್ನು ಉಲ್ಲಾಸಗೊಳಿಸುತ್ತದೆ. ವಿಶೇಷವಾಗಿ ಬೆಳಿಗ್ಗೆ ತೆರೆದ ಗಾಳಿಯಲ್ಲಿ ನಡೆಯುವುದರಿಂದ ಇದು ಮನಸ್ಸನ್ನು ಉಲ್ಲಾಸಗೊಳಿಸಿ, ಉತ್ತಮ ಸ್ಥಿತಿಯಲ್ಲಿರಲು ಸಹಾಯ ಮಾಡುತ್ತದೆ.

ಹೇಗೆ ಪ್ರಾರಂಭಿಸುವುದು?

1. ಮೊದಲು ಖಾಲಿ ಜಾಗದಲ್ಲಿ ಬಹಳ ನಿಧಾನವಾಗಿ ಹಿಂದಕ್ಕೆ ನಡೆಯಲು ಅಭ್ಯಾಸ ಮಾಡಿ
2. ಯಾರಾದರೂ ಪರಿಚಯಸ್ಥರನ್ನು ಅಲ್ಲಿಯೇ ಇರಿಸಿಕೊಳ್ಳಿ. ಏಕೆಂದರೆ ಇದ್ದಕ್ಕಿದ್ದಂತೆ ಏನಾದರೂ ಸಂಭವಿಸಿದರೆ, ನಿಮಗೆ ಆಘಾತವಾಗಬಹುದು
3. ಮೊದಲಿಗೆ ನೀವು 5 ನಿಮಿಷಗಳಿಂದ ಪ್ರಾರಂಭಿಸಿ, ಕ್ರಮೇಣವಾಗಿ ಸಮಯವನ್ನು ಹೆಚ್ಚಿಸಬಹುದು
4. ಸಮತೋಲನವನ್ನು ಕಾಯ್ದುಕೊಳ್ಳಲು ಕಷ್ಟಪಡುವ ಜನರು ಹಿಂದಕ್ಕೆ ನಡೆಯುವ ಮೊದಲು ವೈದ್ಯರನ್ನು ಸಂಪರ್ಕಿಸಬೇಕು
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.
Health
Walk
Body
Benefits
Backwards
healthbenifits
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net