ಬೆಂಕಿ ಉಗುಳುತ್ತಿದೆ ಸೂರ್ಯ; ಮೈಮರೆತರೆ ಆರೋಗ್ಯಕ್ಕೆ ಅಪಾಯ: ತಪ್ಪದೇ ಪಾಲಿಸಿ ಈ 'ಬೇಸಿಗೆ ಮಂತ್ರ'! | Summer

ದೇಹದ ಉಷ್ಣತೆಯು 104°F (40°C) ಗಿಂತ ಹೆಚ್ಚಾದಾಗ ಮತ್ತು ದೇಹವು ಬೆವರಿನ ಮೂಲಕ ತನ್ನನ್ನು ತಂಪಾಗಿಸಿಕೊಳ್ಳಲು ಸಾಧ್ಯವಾಗದಿದ್ದಾಗ 'ಹೀಟ್ ಸ್ಟ್ರೋಕ್' ಸಂಭವಿಸುತ್ತದೆ. ತಲೆನೋವು, ತಲೆತಿರುಗುವಿಕೆ, ಅತಿಯಾದ ಬಾಯಾರಿಕೆ ಮತ್ತು ವಾಕರಿಕೆ ಇದರ ಪ್ರಮುಖ ಲಕ್ಷಣಗಳಾಗಿವೆ.

ಹೈಡ್ರೇಟೆಡ್ ಆಗಿರಿ: ಬಾಯಾರಿಕೆ ಇಲ್ಲದಿದ್ದರೂ ಸಹ ದಿನವಿಡೀ ಕನಿಷ್ಠ 3 ರಿಂದ 4 ಲೀಟರ್ ನೀರನ್ನು ಕುಡಿಯಿರಿ. ಎಳನೀರು, ಮಜ್ಜಿಗೆ ಮತ್ತು ಮನೆಯಲ್ಲೇ ತಯಾರಿಸಿದ ನಿಂಬೆ ಹಣ್ಣಿನ ಪಾನಕ ಅತ್ಯುತ್ತಮ.

ಸಮಯದ ಪ್ರಜ್ಞೆ ಇರಲಿ: ಮಧ್ಯಾಹ್ನ 12 ರಿಂದ ಸಂಜೆ 4 ಗಂಟೆಯವರೆಗೆ ಸೂರ್ಯನ ಪ್ರಖರತೆ ಹೆಚ್ಚಿರುತ್ತದೆ. ಅನಿವಾರ್ಯವಲ್ಲದಿದ್ದರೆ ಈ ಸಮಯದಲ್ಲಿ ಮನೆಯಿಂದ ಹೊರಬರಬೇಡಿ.

ಸರಿಯಾದ ಬಟ್ಟೆ ಧರಿಸಿ: ಬಿಗಿಯಾದ ಮತ್ತು ಕಪ್ಪು ಬಣ್ಣದ ಬಟ್ಟೆಗಳ ಬದಲಿಗೆ, ತಿಳಿ ಬಣ್ಣದ, ಸಡಿಲವಾದ ಹತ್ತಿ (Cotton) ಬಟ್ಟೆಗಳನ್ನು ಧರಿಸಿ.

ರಕ್ಷಣಾ ಸಾಧನಗಳ ಬಳಕೆ: ಹೊರಗೆ ಹೋಗುವಾಗ ಕಡ್ಡಾಯವಾಗಿ ಛತ್ರಿ, ಟೋಪಿ ಮತ್ತು ಸನ್ ಗ್ಲಾಸ್ ಬಳಸಿ. ಪಾದರಕ್ಷೆಗಳಿಲ್ಲದೆ ನಡೆಯಬೇಡಿ.

ಆಹಾರ ಕ್ರಮ: ಮಸಾಲೆಯುಕ್ತ, ಕರಿದ ಮತ್ತು ಬಿಸಿಯಾದ ಆಹಾರವನ್ನು ತಪ್ಪಿಸಿ. ಕಲ್ಲಂಗಡಿ, ಸೌತೆಕಾಯಿ, ಕರಬೂಜದಂತಹ ನೀರಿನಂಶ ಹೆಚ್ಚಿರುವ ಹಣ್ಣುಗಳನ್ನು ಸೇವಿಸಿ.

ಮದ್ಯಪಾನ ಮತ್ತು ಕೆಫೀನ್ ಬೇಡ: ಕಾಫಿ, ಟೀ ಮತ್ತು ಮದ್ಯಪಾನ ದೇಹವನ್ನು ಬೇಗ ನಿರ್ಜಲೀಕರಣಗೊಳಿಸುತ್ತವೆ. ಇವುಗಳಿಂದ ದೂರವಿರಿ.

ಮನೆಯನ್ನು ತಂಪಾಗಿರಿಸಿ: ಕಿಟಕಿಗಳಿಗೆ ಪರದೆ ಹಾಕಿ, ಮನೆಯ ಒಳಗೆ ಗಾಳಿ ಆಡುವಂತೆ ನೋಡಿಕೊಳ್ಳಿ. ತಣ್ಣೀರಿನಿಂದ ನೆಲವನ್ನು ಒರೆಸುವುದು ಸಹಕಾರಿ.

ವಾಹನಗಳಲ್ಲಿ ಜಾಗ್ರತೆ: ನಿಲ್ಲಿಸಿದ ಕಾರಿನ ಒಳಗೆ ಮಕ್ಕಳು ಅಥವಾ ಸಾಕುಪ್ರಾಣಿಗಳನ್ನು ಬಿಟ್ಟು ಹೋಗಬೇಡಿ. ಇದು ಜೀವಕ್ಕೆ ಅಪಾಯಕಾರಿಯಾಗಬಹುದು.

ದೈಹಿಕ ಶ್ರಮ ತಗ್ಗಿಸಿ: ಬಿಸಿಲಿರುವಾಗ ಭಾರೀ ಕೆಲಸಗಳನ್ನು ಮಾಡಬೇಡಿ. ಶ್ರಮದಾಯಕ ಕೆಲಸಗಳಿದ್ದರೆ ಮುಂಜಾನೆ ಅಥವಾ ಸಂಜೆ ಮಾಡಿಕೊಳ್ಳಿ.

ತುರ್ತು ಚಿಕಿತ್ಸೆ: ಮೂರ್ಛೆ ಹೋದರೆ ಅಥವಾ ಅತಿಯಾದ ಆಯಾಸವಾದರೆ ಕೂಡಲೇ ವೈದ್ಯರನ್ನು ಭೇಟಿ ಮಾಡಿ ಅಥವಾ ORS ದ್ರಾವಣವನ್ನು ಸೇವಿಸಿ.

ಮಕ್ಕಳು, ಗರ್ಭಿಣಿಯರು, ವೃದ್ಧರು ಮತ್ತು ದೀರ್ಘಕಾಲದ ಕಾಯಿಲೆ ಇರುವವರು ಬಿಸಿಲಿಗೆ ಬೇಗನೆ ತುತ್ತಾಗುವುದರಿಂದ ಅವರ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು. ನಿಮ್ಮ ಮನೆಯ ಅಂಗಳದಲ್ಲಿ ಮೂಕ ಪ್ರಾಣಿ-ಪಕ್ಷಿಗಳಿಗೂ ಒಂದು ಪಾತ್ರೆಯಲ್ಲಿ ನೀರಿಟ್ಟು ಮಾನವೀಯತೆ ಮೆರೆಯಿರಿ,(ಏಜೆನ್ಸೀಸ್​).