ಚಳಿಗಾಲದಲ್ಲಿ ಕೀಲು ನೋವು ನಿರ್ಲಕ್ಷಿಸಬೇಡಿ: ಇಂದೇ ಈ ಎಣ್ಣೆ ಬಳಸಿ ನೋವು ಕಡಿಮೆ ಮಾಡಿಕೊಳ್ಳಿ! Joint pain

ವಾಸ್ತವವಾಗಿ ಹೇಳುವುದಾದರೆ, ವಯಸ್ಸಾದಂತೆ ಮೂಳೆಗಳು ದುರ್ಬಲವಾಗುತ್ತವೆ. ಇವು ಸ್ನಾಯುಗಳನ್ನು ಸಡಿಲಗೊಳಿಸಿ, ಕೀಲುಗಳ ನಡುವೆ ಕಾರ್ಟಿಲೆಜ್ ಸವೆಯುವಂತೆ ಮಾಡುತ್ತದೆ. ಇದರಿಂದ ಸ್ನಾಯುಗಳಲ್ಲಿ ಉರಿಯೂತ, ಬಿಗಿತ ಮತ್ತು ನೋವನ್ನುಂಟು ಮಾಡುತ್ತದೆ. ಇತ್ತೀಚಿನ ದಿನಗಳಲ್ಲಿ, ವಯಸ್ಸಾದವರು ಮಾತ್ರವಲ್ಲದೆ ಯುವಕರು ಸಹ ಕೀಲು ನೋವಿನ ಒಳಗಾಗುತ್ತಾರೆ. ಈ ಸಮಸ್ಯೆ ಚಳಿಗಾಲದಲ್ಲಿ ಇನ್ನಷ್ಟು ಹೆಚ್ಚಾಗಲು ಪ್ರಾರಂಭಿಸುತ್ತದೆ.

ನಾವು ವಯಸ್ಸಾದಂತೆ, ಕೀಲುಗಳ ನಡುವಿನ ದ್ರವವು ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಇದರೊಂದಿಗೆ ಕಾರ್ಟಿಲೆಜ್ ಕ್ರಮೇಣ ಸವೆದು ಹೋಗುತ್ತದೆ. ಅಸ್ಥಿರಜ್ಜುಗಳು ಗಟ್ಟಿಯಾಗಿ, ಸ್ನಾಯುಗಳು ದುರ್ಬಲಗೊಳ್ಳುತ್ತವೆ. ಈ ಎಲ್ಲಾ ತೊಂದರೆಗಳು ಕೀಲಿನ ಮೇಲೆ ಒತ್ತಡವನ್ನು ಉಂಟು ಮಾಡುತ್ತದೆ. ಇದು ನೋವು, ಜುಮ್ಮೆನಿಸುವುದು, ಉರಿಯೂತದಂತಹ ಸಮಸ್ಯೆಗಳಿಗೆ ಎಡೆಮಾಡಿಕೊಡುತ್ತದೆ.

ನೀವೇನಾದರೂ ಕೀಲು ನೋವಿನ ಸಮಸ್ಯೆಯಿಂದ ಬಳಲುತ್ತಿದ್ದರೆ, ಅವುಗಳಿಗೆ ಸ್ವಲ್ಪ ಕಾಳಜಿ ಮತ್ತು ಕೆಲವು ಸರಳ ಅಭ್ಯಾಸಗಳಿಂದ ಕೀಲು ನೋವುಗಳನ್ನು ಕಡಿಮೆ ಮಾಡಬಹುದು. ಅದೇನಂತೀರಾ ಎಣ್ಣೆ ಮಸಾಜ್. ಹಾಗಿದ್ದರೆ, ಚಳಿಗಾಲದಲ್ಲಿ ಕೀಲು ನೋವನ್ನು ವಾಸಿ ಮಾಡಲು ಬಳಸುವ ಎಣ್ಣೆಗಳು ಯಾವುದು ಎಂದು ನೋಡೋಣ...

ಲ್ಯಾವೆಂಡರ್ ಎಣ್ಣೆ ಉರಿಯೂತ ನಿವಾರಕ ಮತ್ತು ನೋವು ನಿವಾರಕ ಗುಣಗಳನ್ನು ಹೊಂದಿದೆ. ಇದು ಕೀಲುಗಳ ಸುತ್ತಲಿನ ಊತವನ್ನು ಕಡಿಮೆ ಮಾಡಲು ಸಹಾಯ ಮಾಡುವುದರ ಜೊತೆಗೆ ನೋವಿನಿಂದ ಪರಿಹಾರವನ್ನು ನೀಡುತ್ತದೆ.

ಶುಂಠಿಯಲ್ಲಿ ಜಿಂಜಿಬೆರಿನ್, ಬಿಸಾಬೋಲಿನ್, ಕರ್ಕ್ಯುಮಿನ್, ಫರ್ನೆಸಿನ್ ಸಂಯುಕ್ತಗಳಿದ್ದು, ಇದು ಉರಿಯೂತ, ಬಿಗಿತ ಮತ್ತು ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಜೊತೆಗೆ ಕೀಲುಗಳ ಚಲನಶೀಲತೆಯನ್ನು ಸುಧಾರಿಸುತ್ತದೆ.

ನೀಲಗಿರಿ ಎಣ್ಣೆ ಸ್ನಾಯುಗಳ ಬಿಗಿತವನ್ನು ಶಮನಗೊಳಿಸಲು ಒಳ್ಳೆಯ ಔಷಧವಾಗಿದೆ. ಇದು ನೋವಿನಿಂದ ಪರಿಹಾರ ನಿಡುವುದರ ಜೊತೆಗೆ ಕೀಲು ನೋವನ್ನು ಕಡಿಮೆ ಮಾಡುತ್ತದೆ. ಹಾಗಾಗಿ ನಿಯಮಿತವಾಗಿ ಈ ಎಣ್ಣೆಯನ್ನು ಹಚ್ಚಿ ಮಸಾಜ್​ ಮಾಡುವುದರಿಂದ ನೋವನ್ನು ಶಮನಗೊಳಿಸಬಹುದು.

ಆಲಿವ್ ಎಣ್ಣೆಯಲ್ಲಿರುವ ಸಂಯುಕ್ತವಾದ ಓಲಿಯೋಕ್ಯಾಂಥಲ್ ಸ್ನಾಯು ನೋವನ್ನು ಕಡಿಮೆ ಮಡಲು ಹಾಗೂ ಸೆಳೆತವನ್ನು ಸುಧಾರಿಸುವ ಕೆಲಸವನ್ನು ಮಾಡುತ್ತದೆ. ಆದರಿಂದ ಈ ಎಣ್ಣೆಯನ್ನು ನಿಯಮಿತವಾಗಿ ಹಚ್ಚಿ ಮಸಾಜ್​ ಮಾಡುವುದರಿಂದ ಸ್ನಾಯುಗಳ ನೋವನ್ನು ಕಡಿಮೆ ಮಾಡಬಹುದು.

ಕರ್ಪೂರ ಎಣ್ಣೆಯನ್ನು ನೋವು ನಿವಾರಕಗಳಿಗೆ ಹೆಚ್ಚಾಗಿ ಬಳಸಲಾಗುತ್ತದೆ. ಇದು ರಕ್ತ ಪರಿಚಲನೆಯನ್ನು ಸುಧಾರಿಸಿ, ಕೀಲು ನೋವಿನಿಂದ ತ್ವರಿಗ ಪರಿಹಾರವನ್ನು ನೀಡುತ್ತದೆ.

ಚರ್ಮಕ್ಕೆ ನೇರವಾಗಿ ಎಣ್ಣೆಯನ್ನು ಹಚ್ಚಬೇಡಿ. ಇದು ಚರ್ಮವನ್ನು ಕಿರಿಕಿರಿಗೊಳಿಸುತ್ತದೆ. ಹಾಗಾಗಿ ತೆಂಗಿನಕಾಯಿ, ಬಾದಾಮಿ ಅಥವಾ ಜೊಜೊಬಾ ಎಣ್ಣೆಯಂತಹ ಕ್ಯಾರಿಯರ್ ಎಣ್ಣೆಯಿಂದ ಅವುಗಳನ್ನು ಯಾವಾಗಲೂ ದುರ್ಬಲಗೊಳಿಸಿ.

ಇದನ್ನು ಅನ್ವಯಿಸಲು ಸುಲಭವಾದ ಮಾರ್ಗವೆಂದರೆ 15 ಹನಿ ಸಾರಭೂತ ತೈಲವನ್ನು 6 ಟೀ ಚಮಚ ಕ್ಯಾರಿಯರ್ ಎಣ್ಣೆಯೊಂದಿಗೆ ಬೆರೆಸಿ, ನೋವಿರುವ ಪ್ರದೇಶಕ್ಕೆ ಹಚ್ಚಿ ನಿಧಾನವಾಗಿ ಮಸಾಜ್​ ಮಾಡಿ ಬೆಚ್ಚಗಿನ ಬಟ್ಟೆಯಿಂದ ಮುಚ್ಚಿರಿ (ಏಜೆನ್ಸೀಸ್).