ದೇಹದಲ್ಲಿ ನೀರಿನ ಕೊರತೆ ಉಂಟಾದಾಗ ಕಂಠ ಒಣಗುತ್ತದೆ ಮತ್ತು ವೋಕಲ್ ಕಾರ್ಡ್ಗಳಿಗೆ ಅಗತ್ಯವಾದ ತೇವಾಂಶ ಕಡಿಮೆಯಾಗುತ್ತದೆ. ಇದರಿಂದ ಧ್ವನಿ ಗರಗರಿಸುವುದು, ಗಂಟಲು ಉರಿ ಮತ್ತು ಮಾತನಾಡುವಾಗ ದಣಿವು ಕಾಣಿಸಿಕೊಳ್ಳುತ್ತದೆ ಎಂದು ಹೇಳಿದ ಅವರು ಡಿಹೈಡ್ರೇಷನ್ನಿಂದ ಗಂಟಲು ಒಣಗುವುದು, ಪದೇಪದೇ ಗಂಟಲು ಸ್ವಚ್ಛಗೊಳಿಸುವ ಅಭ್ಯಾಸ, ಧ್ವನಿ ಕಡಿಮೆಯಾಗುವುದು ಮತ್ತು ನೋವು ಕಾಣಿಸಬಹುದು. ಇದು ಮುಂದುವರಿದರೆ ವೋಕಲ್ ಕಾರ್ಡ್ ಉರಿಯೂತಕ್ಕೂ ಕಾರಣವಾಗಬಹುದು. ಶಿಕ್ಷಕರು, ಗಾಯಕರು, ಕಾಲ್ ಸೆಂಟರ್ ಉದ್ಯೋಗಿಗಳು ಮತ್ತು ಹೆಚ್ಚು ಮಾತನಾಡುವವರು ಹೆಚ್ಚು ತೊಂದರೆ ಅನುಭವಿಸುತ್ತಾರೆ. ಮಕ್ಕಳು ಮತ್ತು ವೃದ್ಧರು ಕೂಡ ಬೇಗನೆ ಡಿಹೈಡ್ರೇಷನ್ಗೆ ಒಳಗಾಗುತ್ತಾರೆ ಎಂದು ವಿವರಿಸಿದರು.
