ವಾರಗಟ್ಟಲೆ ಮಾಂಸವನ್ನು ಫ್ರಿಡ್ಜ್‌ನಲ್ಲಿ ಇಡ್ತೀರಾ? ಈ ಅಪಾಯಕಾರಿ ಸತ್ಯ ತಿಳಿಯದಿದ್ದರೆ ಜೀವಕ್ಕೇ ಕುತ್ತು! Meat in fridge

ಮಾರುಕಟ್ಟೆಯಿಂದ ತಂದಂತಹ ಮಟನ್, ಮೀನು ಮತ್ತು ಕೋಳಿ ಮಾಂಸವನ್ನು ಎಷ್ಟು ದಿನಗಳವರೆಗೆ ಫ್ರಿಜ್​ನಲ್ಲಿಡಬಹುದು. ಹಾಗೆಯೇ ಹೀಗೆ ಇಟ್ಟು ಸೇವಿಸುವುದರಿಂದ ಆರೋಗ್ಯಕ್ಕೆ ಹಾನಿಕಾರವೇ ಎಂಬುದು ಹಲವಾರು ಜನರಿಗೆ ತಿಳಿದಿರುವುದಿಲ್ಲ. ಹಾಗಾಗಿ ನಾವಿಂದು ಮಾರುಕಟ್ಟೆಯಿಂದ ತಂದಂತಹ ಮಾಂಸವನ್ನು ಎಷ್ಟು ದಿನಗಳವರೆಗೆ ಫ್ರಿಜ್​ನಲ್ಲಿಡಬಹುದು ಎಂಬುದನ್ನು ತಿಳಿಸಿಕೊಡಲಿದ್ದೇವೆ.

ಮಟನ್, ಮೀನು ಮತ್ತು ಕೋಳಿ ಮಾಂಸವು ಶೆಲ್ಫ್ ಲೈಫ್ ಅನ್ನು ಹೊಂದಿರುತ್ತದೆ. ಹಾಗಾಗಿ ಇವುಗಳನ್ನು ತುಂಬಾ ದಿನಗಳವರೆಗೆ ಫ್ರಿಜ್​ನಲ್ಲಿಡುವುದರಿಂದ ಇದು ಬೇಗನೇ ಹಾಳಾಗುತ್ತದೆ. ಜೊತೆಗೆ, ಅದರ ಪೌಷ್ಟಿಕಾಂಶಗಳ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ.

ಮೀನುಗಳನ್ನು ಯಾವಾಗಲೂ ತಾಜಾವಾಗಿರುವಾಗಲೇ ತಿನ್ನಬೇಕು. ತಾಪಮಾನದಲ್ಲಾಗುವ ಬದಲಾವಣೆಗಳಿಗೆ ಮೀನುಗಳು ಬೇಗನೇ ಹಾಳಾಗುತ್ತವೆ. ಆದಾಗ್ಯೂ ನೀವೇನಾದರೂ, ಫ್ರಿಜ್​ನಲ್ಲಿ ಮೀನುಗಳನ್ನು ತುಂಬಾ ದಿನಗಳವರೆಗೆ ಸಂಗ್ರಹಿಸಿದಾಗ ಅದು ತನ್ನ ತಾಜಾತನವನ್ನು ಕಳೆದುಕೊಳ್ಳುತ್ತದೆ. ಆದರಿಂದ ಮೀನುಗಳನ್ನು ಮಾರುಕಟ್ಟೆಯಿಂದ ತಂದ ತಕ್ಷಣ ತಿನ್ನುವುದು ಬಹಳ ಉತ್ತಮವಾಗಿದೆ. ನೀವೇನಾದರೂ ಮೀನುಗಳನ್ನು ಸಂಗ್ರಹಿಸುವ ಅಗತ್ಯವಿದ್ದರೆ, ಐಸ್ ಕ್ಯೂಬ್‌ಗಳಿಂದ ತುಂಬಿದ ಪಾತ್ರೆಯಲ್ಲಿ ಇಡಬಹುದು.

ಮೀನುಗಳನ್ನು ಒಂದು ಅಥವಾ ಎರಡು ದಿನಗಳವರೆಗೆ ಮಾತ್ರ ಫ್ರಿಜ್​ನಲ್ಲಿಡಬಹುದು. FDA ಪ್ರಕಾರ, ಮೀನು ಭಕ್ಷ್ಯಗಳು ಮತ್ತು ಮಾರುಕಟ್ಟೆಯಲ್ಲಿ ಖರೀದಿಸಿದ ಮೀನುಗಳನ್ನು ಬೇಯಿಸಿದ ನಂತರ ಒಂದು ಅಥವಾ ಎರಡು ದಿನಗಳವರೆಗೆ ಮಾತ್ರ ಫ್ರಿಜ್​ನಲ್ಲಿಡಬಹುದು. ಈ ಸಮಯಕ್ಕಿಂತ ಹೆಚ್ಚು ಕಾಲ ಇಡುವುದರಿಂದ ಮೀನು ಹಾಳಾಗುತ್ತದೆ. ಜೊತೆಗೆ ಆರೋಗ್ಯಕ್ಕೂ ಹಾನಿಕಾರಕವಾಗಿದೆ.

ಹೆಲ್ತ್‌ಲೈನ್ ಪ್ರಕಾರ, ಹಸಿ ಕೋಳಿ ಮಾಂಸವನ್ನು ರೆಫ್ರಿಜರೇಟರ್‌ನಲ್ಲಿ ಒಂದರಿಂದ ಎರಡು ದಿನಗಳವರೆಗೆ ಮಾತ್ರ ಸಂಗ್ರಹಿಸಬಹುದು. ಇದು 2 ದಿನಗಳ ನಂತರ ಕೆಡುತ್ತದೆ. ನೀವೇನಾದರೂ, ವಾರಗಳವರೆಗೆ ಕೋಳಿ ಖಾದ್ಯವನ್ನು ಇಡುತ್ತಿದ್ದರೆ ಇಂದೇ ತಪ್ಪಿಸಿ.

ನೀವೇನಾದರೂ, ಹೆಚ್ಚಾಗಿ ಫ್ರೋಜನ್ ಚಿಕನ್ ಅನ್ನು ತಿನ್ನುತ್ತಿದ್ದರೆ, 3-4 ದಿನಗಳ ನಂತರ ರೆಫ್ರಿಜರೇಟರ್​ನಲ್ಲಿ ಇಡಬೇಡಿ. ಚಿಕನ್ ಅನ್ನು ಫ್ರಿಜ್​ನಲ್ಲಿ ಇಡುವ ಮೊದಲು, ಅದನ್ನು ಚೆನ್ನಾಗಿ ತೊಳೆಯಿರಿ ಇದರಿಂದ ರಕ್ತವು ಹೊರಬರುತ್ತದೆ. ನಂತರ, ಅದನ್ನು ಚೆನ್ನಾಗಿ ಒಣಗಿಸಿ ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸಿ. ನೀವು ಚಿಕನ್ ಅನ್ನು ಒಂದು ವಾರದವರೆಗೆ ರೆಫ್ರಿಜರೇಟರ್‌ನಲ್ಲಿ ಸಂಗ್ರಹಿಸಲು ಬಯಸಿದರೆ, ನೀವು ಅದನ್ನು ಅರಿಶಿನ ಮತ್ತು ಉಪ್ಪನ್ನು ಹಾಕಿ ನೆನಸಿಟ್ಟು ನಂತರ ಸೇವಿಸಿರಿ.

ಹಸಿ ಮಟನ್ ಅನ್ನು ಫ್ರಿಜ್​ನಲ್ಲಿ​ 3-5 ದಿನಗಳವರೆಗೆ ಸಂಗ್ರಹಿಸಬಹುದು. ಆದರೆ, ಬೇಯಿಸಿದ ಮಟನ್ ಅನ್ನು ಸಂಗ್ರಹಿಸಬಾರದು. ಇದು ಹೆಚ್ಚು ದಿನಗಳವರೆಗೆ ಇಡುವುದರಿಂದ ಬೇಗನೇ ಹಾಳಾಗುತ್ತದೆ. ಜೊತೆಗೆ ಆರೋಗ್ಯವನ್ನು ಹಾಳು ಮಾಡುತ್ತದೆ.

ಫ್ರಿಜ್​ನಲ್ಲಿ ಮಟನ್ ಸಂಗ್ರಹಿಸುವ ಮೊದಲು, ರಕ್ತವನ್ನು ತೆಗೆದುಹಾಕಲು ಅದನ್ನು ಚೆನ್ನಾಗಿ ತೊಳೆದು, ಒಣಗಿಸಿ. ಕಡಿಮೆ ತಾಪಮಾನದಲ್ಲಿ ಮಟನ್​ ಅನ್ನು ಫ್ರಿಜ್​ನಲ್ಲಿಟ್ಟರೆ ಅದು ಸುರಕ್ಷಿತವಾಗಿರುತ್ತದೆ. ಆಕಸ್ಮಾತ್​ ಕೆಟ್ಟ ವಾಸನೆಯಿಂದ ಏನಾದರೂ ಕೂಡಿದ್ದರೆ, ಅದನ್ನು ಸೇವಿಸಲು ಹೋಗಬೇಡಿ (ಏಜೆನ್ಸೀಸ್​).