ತೂಕದ ಜೊತೆ ಕೂದಲಿನ ಅಂದವೂ ಮುಖ್ಯ! ವೇಟ್ ಲಾಸ್ ಜರ್ನಿಗೆ ಇಲ್ಲಿದೆ ಪಕ್ಕಾ ಪ್ಲಾನ್.. Weight Loss

ದೇಹಕ್ಕೆ ಯಾವುದೇ ರೀತಿಯ ಆಘಾತವಾದರೂ ಮೊದಲು ಏನಾಗುತ್ತದೆ ಎಂಬುದನ್ನು ನೀವು ನೆನಪಿನಲ್ಲಿಟ್ಟುಕೊಳ್ಳಬೇಕು. ಈ ಪ್ರಕ್ರಿಯೆಗಳು ಕೂದಲು ಉದುರುವಿಕೆಗೆ ಕಾರಣವಾಗುತ್ತದೆ. ಹಾಗಾಗಿ ಮೊದಲ ದಿನದಿಂದಲೇ ಕೂದಲಿನ ಪೂರಕವನ್ನು ಪ್ರಾರಂಭಿಸಿ ಎಂದು ವೈದ್ಯರು ಹೇಳುತ್ತಾರೆ.

ಈ ರೀತಿಯ ಸಮಸ್ಯೆಗಳು ಕಂಡುಬಂದರೆ ನಿಮ್ಮ ದೇಹದಲ್ಲಿ ವಿಟಮಿನ್ ಡಿ, ಬಿ 12, ಕ್ಯಾಲ್ಸಿಯಂ ಮತ್ತು ಫೆರಿಟಿನ್ ಮಟ್ಟವನ್ನು ಪರೀಕ್ಷಿಸಿಕೊಳ್ಳುವಂತೆ ಮತ್ತು ಕೊರತೆಯಿದ್ದರೆ ಪೂರಕವನ್ನು ತೆಗೆದುಕೊಳ್ಳುವಂತೆ ಅವರು ಶಿಫಾರಸು ಮಾಡುತ್ತಾರೆ.

ನೀವು ಆಹಾರ ಸೇವಿಸುವಾಗ ಸಾಕಷ್ಟು ಪ್ರೋಟೀನ್ ಇದೆ ಎಂದು ಖಚಿತಪಡಿಸಿಕೊಳ್ಳಿ. ಇವುಗಳ ಸೇವನೆಯು ನಿಮ್ಮ ಸ್ನಾಯುಗಳನ್ನು ನಷ್ಟವಾಗುವುದಿಲ್ಲ. ಜೊತೆಗೆ ಚರ್ಮವನ್ನು ಸೂಕ್ಷ್ಮತೆಯಿಂದ ಕಾಯ್ದುಕೊಳ್ಳಲು ಸಹಾಯ ಮಾಡುತ್ತದೆ. ಅವರ ಪ್ರಕಾರ, ಕನಿಷ್ಠ ಗುರಿ ದಿನಕ್ಕೆ ಪ್ರತಿ ಕೆಜಿ ದೇಹದ ತೂಕಕ್ಕೆ ಒಂದು ಗ್ರಾಂ ಆಗಿರಬೇಕು.

ತೂಕ ಇಳಿಸುವ ಪ್ರಯಾಣದಲ್ಲಿ ಜನರು ಮೊದಲು ಎದುರಿಸುವುದು ಸ್ಟ್ರೆಚ್ ಮಾರ್ಕ್ಸ್ . ಆದರಿಂದ ಪರಿಸ್ಥಿತಿಯನ್ನು ತಡೆಗಟ್ಟಲು ಪ್ರತಿದಿನ ಮಾಯಿಶ್ಚರೈಸರ್‌ಗೆ ಕೆಲವು ಹನಿ ಎಣ್ಣೆಯನ್ನು ಬೆರೆಸಿ ಸ್ಟ್ರೆಚ್ ಮಾರ್ಕ್​ಗಳಿಗೆ ಹಚ್ಚಿ ಮಸಾಜ್​ ಮಾಡುವುದರಿಂದ ಇವುಗಳನ್ನು ತಡೆಯಬಹುದಾಗಿದೆ.

ತ್ವರಿತ ತೂಕ ನಷ್ಟವು ಹಾರ್ಮೋನುಗಳ ಅಸಮತೋಲನ ಮತ್ತು ಕಾಲಜನ್ ಸ್ಥಗಿತಕ್ಕೆ ಸಮಾನವಾಗಿರುತ್ತದೆ. ಹಾಗಾಗಿ ವೇಗವಾಗಿ ತೂಕವನ್ನು ಇಳಿಸಿದರೆ, ಇದರಿಂದ ನಿಮ್ಮ ಆರೋಗ್ಯದಲ್ಲಿ ಏರುಪೇರು ಉಂಟಾಗಬಹುದು. ಹಾಗಾಗಿ ತಜ್ಞರ ಪ್ರಕಾರ, ವಾರಕ್ಕೆ 0.5 ಕೆಜಿ ತೂಕ ನಷ್ಟ ಮಾಡಿದರೆ ದೇಹಕ್ಕಾಗುವ ಆಘಾತವನ್ನು ತಡೆಯುತ್ತದೆ.

ವಾರಕ್ಕೆ ಒಂದು ಅಥವಾ ಎರಡು ಬಾರಿ ಮಾತ್ರ ಶಕ್ತಿ ತರಬೇತಿ ಕೈಗೊಳ್ಳುವುದರಿಂದ ಲೀನ್​ ಮಾಸ್​, ಕಾಲಜನ್​ ಬೆಂಬಲ ಮತ್ತು ಇನ್ಸುಲಿನ್ ಸೂಕ್ಷ್ಮತೆಯನ್ನು ಕಾಪಾಡುತ್ತದೆ. ಜೊತೆಗೆ ಕೊಬ್ಬು ನಷ್ಟದ ಸಮಯದಲ್ಲಿ ಚರ್ಮದ ದೃಢತೆಯನ್ನು ಹೆಚ್ಚಿಸುತ್ತದೆ.

ಈ ಐದು ತತ್ವಗಳು ವ್ಯಕ್ತಿಗಳು ತಮ್ಮ ತೂಕ ಇಳಿಸುವ ಪ್ರಯಾಣದ ಸಮಯದಲ್ಲಿಯೂ ಸಹ ತಮ್ಮ ಕೂದಲು ಮತ್ತು ಚರ್ಮದ ಸರಿಯಾದ ಆರೈಕೆಯನ್ನು ಮಾಡಲು ಸಹಾಯ ಮಾಡುತ್ತದೆ (ಏಜೆನ್ಸೀಸ್).