ಯಕೃತ್ತಿನ ಹಾನಿ : ಈ ಚಿಹ್ನೆಗಳು ಕಣ್ಣುಗಳಲ್ಲಿ ಕಾಣಿಸಿದ್ರೆ ಜಾಗರೂಕರಾಗಿ! Liver failure

ಯಕೃತ್ತಿನ ಸಮಸ್ಯೆಗಳ ಸಾಮಾನ್ಯ ಲಕ್ಷಣವೆಂದರೆ ಕಣ್ಣುಗಳ ಬಿಳಿ ಭಾಗ ಹಳದಿ ಬಣ್ಣಕ್ಕೆ ತಿರುಗುತ್ತವೆ. ಇದನ್ನು ಕಾಮಾಲೆ ಎಂದು ಕರೆಯಲಾಗುತ್ತದೆ. ಇದು ರಕ್ತದಲ್ಲಿ ಬಿಲಿರುಬಿನ್ ಹೆಚ್ಚಾದಾಗ ಈ ಸಮಸ್ಯೆ ಉಂಟಾಗುತ್ತದೆ. ನಿಮ್ಮ ದೇಹದಲ್ಲಿ ಯಕೃತ್​ ಬಿಲಿರುಬಿನ್​ ಸರಿಯಾಗಿ ಸಂಸ್ಕರಿಸಲು ಸಾಧ್ಯವಾಗುತ್ತಿದ್ದರೆ, ಅದು ಕಣ್ಣುಗಳ ಮೇಲೆ ಗಂಭೀರ ಪರಿಣಾಮವನ್ನು ಬೀರುತ್ತದೆ. 

ಯಕೃತ್​ಗೆ ಸಂಬಂಧಿಸಿದ ಸಮಸ್ಯೆಗಳನ್ನು ಹೊಂದಿದ್ದರೆ, ಕಣ್ಣುಗಳಲ್ಲಿ ತುರಿಕೆ, ಶುಷ್ಕತೆ ಅಥವಾ ಕಿರಿಕಿರಿ ಉಂಟಾಗಬಹುದು. ಇದು ಧೂಳು ಅಥವಾ ಅಲರ್ಜಿ ಸಮಸ್ಯೆಗಳಿಲ್ಲದೆ ಈ ರೀತಿ ಆಗುತ್ತಿದ್ದರೆ ಜಾಗರೂಕರಾಗಿರಿ. ಯಕೃತ್​ ದುರ್ಬಲವಾಗಿದ್ದರೆ, ಪಿತ್ತರಸವು ರಕ್ತದೊಂದಿಗೆ ಬೆರೆತು, ಕಣ್ಣುಗಳು ಮತ್ತು ಚರ್ಮದಲ್ಲಿ ಅಸ್ವಸ್ಥತೆಯನ್ನು ಉಂಟುಮಾಡುತ್ತದೆ. ಇದರಿಂದ ಕಣ್ಣು ಬೇಗನೆ ಮಂಜಾಗುತ್ತದೆ.

ನೀವು ದೇಹಕ್ಕೆ ಬೇಕಾದಷ್ಟು ನಿದ್ರೆಯನ್ನು ಮಾಡಿದಾಗಲೂ ಕಣ್ಣುಗಳ ಕೆಳಗೆ ಕಪ್ಪು ವರ್ತುಲಗಳು, ಭಾರ ಅಥವಾ ಊತ ಉಂಟಾಗಿದ್ದರೆ, ಇದು ಯಕೃತ್ತಿನ ಸಮಸ್ಯೆಗಳ ಸಂಕೇತವಾಗಿರಬಹುದು. ಯಕೃತ್​ ಸರಿಯಾಗಿ ಕಾರ್ಯನಿರ್ವಹಿಸದಿದ್ದರೆ, ದೇಹದಲ್ಲಿ ನೀರು ಸಂಗ್ರಹವಾಗುತ್ತದೆ. ಇದು ಕಣ್ಣುಗಳ ಕೆಳಗಿರುವ ಸೂಕ್ಷ್ಮ ಚರ್ಮದ ಮೇಲೆ ಗಂಭೀರ ಪರಿಣಾಮ ಬೀರುತ್ತದೆ. ಹಾಗಾಗಿ ಈ ರೀತಿಯ ಸಮಸ್ಯೆಗಳು ಏನಾದರೂ ಕಂಡು ಬಂದರೆ, ತಕ್ಷಣವೇ ವೈದ್ಯರ ಬಳಿ ಹೋಗುವುದು ಉತ್ತಮ. ಇಲ್ಲದಿದ್ದರೆ, ಸಮಸ್ಯೆ ಇನ್ನಷ್ಟು ಹದಗೆಡುತ್ತದೆ.

ಕಣ್ಣುಗಳಲ್ಲಿ ಕಂಡುಬರುವ ಈ ಸಣ್ಣ-ಪುಟ್ಟ ಬದಲಾವಣೆಗಳು ದೊಡ್ಡ ಅಪಾಯಗಳ ಬಗ್ಗೆ ಮುನ್ನೆಚ್ಚರಿಕೆ ನೀಡುತ್ತವೆ. ಆದ್ದರಿಂದ, ಈ ರೋಗಲಕ್ಷಣಗಳನ್ನು ಹಗುರವಾಗಿ ಪರಿಗಣಿಸದೆ ಸಮಯಕ್ಕೆ ಸರಿಯಾಗಿ ತಪಾಸಣೆ ಮಾಡಿಸಿಕೊಳ್ಳುವುದು ಉತ್ತಮವಾಗಿರುತ್ತದೆ (ಏಜೆನ್ಸೀಸ್).