ಕಿಡ್ನಿ ಕಾಯಿಲೆ ಎಂಬ 'ಮೌನ ಕೊಲೆಗಾರ': ಈ 8 ಲಕ್ಷಣಗಳಿದ್ದರೆ ಕೂಡಲೇ ಎಚ್ಚೆತ್ತುಕೊಳ್ಳಿ! | Kidney

ವೈದ್ಯಕೀಯ ತಜ್ಞರ ಪ್ರಕಾರ, ನಿಮ್ಮ ದೇಹದಲ್ಲಿ ಈ ಕೆಳಗಿನ ಬದಲಾವಣೆಗಳಾಗುತ್ತಿದ್ದರೆ ಅದು ಕಿಡ್ನಿ ವೈಫಲ್ಯದ ಮುನ್ಸೂಚನೆಯಾಗಿರಬಹುದು.

ಅತಿಯಾದ ಆಯಾಸ: ಕಿಡ್ನಿ ಸರಿಯಾಗಿ ಕೆಲಸ ಮಾಡದಿದ್ದಾಗ ರಕ್ತದಲ್ಲಿ ಕಸ (Toxins) ಸಂಗ್ರಹವಾಗುತ್ತದೆ. ಇದರಿಂದ ಅತಿಯಾದ ಸುಸ್ತು ಮತ್ತು ಏಕಾಗ್ರತೆಯ ಕೊರತೆ ಉಂಟಾಗುತ್ತದೆ.

ಊತದ ಸಮಸ್ಯೆ: ಕಾಲುಗಳು, ಪಾದಗಳು ಅಥವಾ ಕಣಕಾಲುಗಳಲ್ಲಿ ಊತ ಕಂಡುಬರುವುದು ಕಿಡ್ನಿ ವೈಫಲ್ಯದ ಪ್ರಮುಖ ಲಕ್ಷಣ. ಸೋಡಿಯಂ ಸರಿಯಾಗಿ ವಿಸರ್ಜನೆಯಾಗದಿದ್ದಾಗ ಈ ಊತ ಕಾಣಿಸಿಕೊಳ್ಳುತ್ತದೆ.

ಮೂತ್ರ ವಿಸರ್ಜನೆಯಲ್ಲಿ ಬದಲಾವಣೆ: ರಾತ್ರಿ ವೇಳೆ ಅತಿಯಾಗಿ ಮೂತ್ರ ವಿಸರ್ಜನೆಗೆ ಹೋಗುವುದು ಅಥವಾ ಮೂತ್ರದ ಪ್ರಮಾಣದಲ್ಲಿ ಗಣನೀಯ ಇಳಿಕೆಯಾಗುವುದು ಅಪಾಯಕಾರಿ.

ಮೂತ್ರದಲ್ಲಿ ನೊರೆ ಮತ್ತು ರಕ್ತ: ಮೂತ್ರ ವಿಸರ್ಜಿಸುವಾಗ ವಿಪರೀತ ನೊರೆ ಬರುತ್ತಿದ್ದರೆ ಅದು ಪ್ರೋಟೀನ್ ಸೋರಿಕೆಯನ್ನು ಸೂಚಿಸುತ್ತದೆ. ಹಾಗೆಯೇ ರಕ್ತದ ಅಂಶ ಕಂಡುಬಂದರೆ ಕಿಡ್ನಿ ಸೋಂಕು ಅಥವಾ ಕಲ್ಲು ಇರಬಹುದು.

ಚರ್ಮದ ತುರಿಕೆ: ಕಿಡ್ನಿಗಳು ರಕ್ತವನ್ನು ಶುದ್ಧೀಕರಿಸದಿದ್ದಾಗ ಖನಿಜಾಂಶಗಳ ಸಮತೋಲನ ತಪ್ಪಿ ಚರ್ಮ ವಿಪರೀತ ಒಣಗುವುದು ಮತ್ತು ತುರಿಕೆ ಉಂಟಾಗಬಹುದು.

ಕಣ್ಣಿನ ಸುತ್ತ ಊತ: ಕಿಡ್ನಿ ಮೂಲಕ ಅತಿಯಾದ ಪ್ರೋಟೀನ್ ಹೊರಹೋಗುತ್ತಿದ್ದರೆ ಕಣ್ಣಿನ ಕೆಳಭಾಗದಲ್ಲಿ ಬಾತುಕೊಂಡಂತೆ ಕಾಣುತ್ತದೆ.

ಮೂತ್ರಪಿಂಡಗಳನ್ನು ಆರೋಗ್ಯವಾಗಿಡಲು ದಿನಕ್ಕೆ ಕನಿಷ್ಠ 3-4 ಲೀಟರ್ ನೀರು ಕುಡಿಯುವುದು, ಉಪ್ಪಿನ ಸೇವನೆ ಕಡಿಮೆ ಮಾಡುವುದು ಮತ್ತು ನಿಯಮಿತವಾಗಿ ರಕ್ತದೊತ್ತಡ (BP) ಹಾಗೂ ಸಕ್ಕರೆ ಕಾಯಿಲೆಯನ್ನು (Diabetes) ತಪಾಸಣೆ ಮಾಡಿಸಿಕೊಳ್ಳುವುದು ಅತ್ಯಗತ್ಯ. ನೋವು ನಿವಾರಕ ಮಾತ್ರೆಗಳನ್ನು (Pain Killers) ವೈದ್ಯರ ಸಲಹೆ ಇಲ್ಲದೆ ಅತಿಯಾಗಿ ಸೇವಿಸುವುದು ಕಿಡ್ನಿಗೆ ಮಾರಕವಾಗಬಲ್ಲದು,(ಏಜೆನ್ಸೀಸ್).