ತೂಕ ಇಳಿಸುವವರಿಗೆ ಸ್ಫೂರ್ತಿಯಾಗುತ್ತೆ ಈ ಯುವತಿಯ ಕಥೆ: 36 ಕೆಜಿ ಭಾರ ಇಳಿಸಿದ ಆ ಸೀಕ್ರೆಟ್ಸ್ ಔಟ್! Weight Loss

ಆದಾಗ್ಯೂ, ತೂಕ ಇಳಿಸಿಕೊಳ್ಳುವ ಪ್ರಕ್ರಿಯೆ ಸುಲಭದ್ದೇನಲ್ಲ. ಅದಕ್ಕೆ ಅದರದ್ದೇ ಆದ ನೀತಿ ನಿಯಮಗಳು ಇರುತ್ತವೆ. ಈ ನಿಯಮಗಳು ಕೆಲವೊಮ್ಮೆ ಆಯಾಸವೆನಿಸಬಹುದು. ಒಂದು ದಿನ ಕಾರ್ಬೋಹೈಡ್ರೇಟ್‌ಗಳನ್ನು ಕಡಿಮೆ ಮಾಡುವ ಬಗ್ಗೆ, ಇನ್ನೊಂದು ದಿನ ವ್ಯಾಯಾಮದ ಬಗ್ಗೆ. ಹೆಚ್ಚಿನವರು ಈ ಅಭ್ಯಾಸಗಳನ್ನು ಅನುಸರಿಸುವುದನ್ನೇ ಬಿಟ್ಟುಬಿಡುತ್ತಾರೆ.

ಇತ್ತೀಚೆಗೆ ರಿದ್ಧಿ ಅಗರ್ವಾಲ್ ಎಂಬ ಯುವತಿಯು ಯಾವುದೇ ಕಠಿಣ ಮಾರ್ಗಗಳಿಲ್ಲದೇ, ಸರಳ ಅಭ್ಯಾಸಗಳಿಂದ 36 ಕೆಜಿ ತೂಕ ಇಳಿಸಿಕೊಂಡಿರುವ ಬಗ್ಗೆ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ. ಹಾಗಾಗಿ ಯಾರಾದರೂ ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದರೆ, ಇವರ ಸಲಹೆಗಳನ್ನು ಬಳಸಿಕೊಳ್ಳಿ.

ನಡೆಯುವುದು ಆರೋಗ್ಯಕ್ಕೆ ಒಳ್ಳೆಯ ವ್ಯಾಯಾಮ ಎಂದು ಹೇಳಲಾಗುತ್ತದೆ. ಆದರೆ, ಜಿಮ್ ಮತ್ತು 'ಹೈ ಇಂಟೆನ್ಸಿಟಿ' ವರ್ಕೌಟ್‌ಗಳ ಅಬ್ಬರದಲ್ಲಿ ನಡಿಗೆಯನ್ನು ನಾವು ಮರೆಯುತ್ತಿದ್ದೇವೆ. ಹಾಗಾಗಿ ಪ್ರತಿದಿನ 30-45 ನಿಮಿಷಗಳ ಕಾಲ ನಡೆಯುವ ಅಭ್ಯಾಸದಿಂದ ಹೃದಯದ ಆರೋಗ್ಯ ಸುಧಾರಿಸುತ್ತದೆ ಮತ್ತು ಕ್ಯಾಲೊರಿಗಳು ವೇಗವಾಗಿ ದಹಿಸಲ್ಪಡುತ್ತವೆ ಎಂದು ಹೇಳಿದ್ದಾರೆ.

ದೇಹಕ್ಕೆ ಸಾಕಷ್ಟು ನೀರು ಕುಡಿಯುವುದು ಸರಳವೆನಿಸುತ್ತದೆ. ಆದರೆ, ಇದು ದೇಹದಲ್ಲಿ ಸಾಕಷ್ಟು ವ್ಯತ್ಯಾಸವನ್ನುಂಟು ಮಾಡುತ್ತದೆ. ದಿನಕ್ಕೆ 3- 4 ಲೀಟರ್​ ನೀರು ಕುಡಿಯುವುದರಿಂದ ಹಂಬಲ ಕಡಿಮೆಯಾಗಿ ಶಕ್ತಿ ಮಟ್ಟವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಎಂದು ರಿದ್ಧಿ ತಿಳಿಸಿದ್ದಾರೆ.

ಹೊಟ್ಟೆ ತುಂಬಿರುವಂತೆ ನೋಡಿಕೊಳ್ಳುವಲ್ಲಿ ಮತ್ತು ಸ್ನಾಯುಗಳನ್ನು ಬಲಿಷ್ಟವಾಗಿರಿಸುವಲ್ಲಿ ಪ್ರೋಟೀನ್ ಪ್ರಮುಖ ಪಾತ್ರ ವಹಿಸುತ್ತದೆ. ಹಾಗಾಗಿ ರಿದ್ಧಿ ದಿನಕ್ಕೆ ಕನಿಷ್ಟ 100 ಗ್ರಾಂ ಪ್ರೊಟೀನ್​ ತಿನ್ನುವ ಗುರಿಯನ್ನು ಹೊಂದಿದ್ದರು. ಈ ಅಭ್ಯಾಸವು ಹೊಟ್ಟೆಯನ್ನು ತುಂಬಿಸಿ ಕಡುಬಯಕೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಇದರಿಂದ ನಿಮ್ಮ ಸ್ನಾಯುವು ವಿಶ್ರಾಂತಿಯಲ್ಲಿರುವುದರಿಂದ ಹೆಚ್ಚು ಕ್ಯಾಲೋರಿಯನ್ನು ಸುಡುತ್ತದೆ.

ಇದು ಮನಸ್ಥಿತಿಗೆ ಸಂಬಂಧಿಸಿದೆ. ರಿದ್ಧಿ ಪ್ರತಿದಿನ ಎದ್ದ ನಂತರ 30 ನಿಮಿಷಗಳ ಕಾಲ ಮೊಬೈಲ್​ ಮುಟ್ಟದೇ ಆ ಸಮಯವನ್ನು ವ್ಯಾಯಾಮ, ಯೋಗ ಮತ್ತು ಪ್ರಾರ್ಥಿಸಲು ತೆಗೆದುಕೊಂಡರು. ಈ ಅಭ್ಯಾಸವು ದೇಹವನ್ನು ದಂಡಿಸಲು ಸಹಾಯವಾದ್ದರಿಂದ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡಿತು ಎಂದು ಹೇಳಿದ್ದಾರೆ.

ಫೈಬರ್ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಹಾಗಾಗಿ ದಿನಕ್ಕೆ ಮೂರು ತರಕಾರಿಗಳನ್ನು ತಿನ್ನುವ ಅಭ್ಯಾಸ ಮಾಡಿಕೊಂಡರು. ಇದು ಹೊಟ್ಟೆ ತುಂಬಿಸುತ್ತದೆ ಮತ್ತು ದೇಹವು ಕಾರ್ಬೋಹೈಡ್ರೇಟ್‌ಗಳನ್ನು ಸಂಸ್ಕರಿಸಲು ಸುಲಭಗೊಳಿಸುತ್ತದೆ. ಇದು ಕಡುಬಯಕೆಗಳನ್ನು ತಪ್ಪಿಸಿ ಹಸಿವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ ಎಂದರು.

ಈ ತೂಕ ಇಳಿಸಿಕೊಳ್ಳುವ ಪ್ರಯಾಣವು ಎಂದಿಗೂ ನೋಟದ ಬಗ್ಗೆಯಾಗಿರಲಿಲ್ಲ. ಅದು ಆರೋಗ್ಯದ ಬಗ್ಗೆ. ಅದು ಶಾಂತಿಯ ಬಗ್ಗೆ. ಅದು ನನಗೆ ಸಂಪೂರ್ಣವಾಗಿ ಬದುಕಲು ಅವಕಾಶ ನೀಡುವುದರ ಬಗ್ಗೆ ಎಂದು ರಿದ್ಧಿ ಹೇಳಿದರು (ಏಜೆನ್ಸೀಸ್​).