ಅಡುಗೆ ಮಾಡುವಾಗ ಗ್ಯಾಸ್ ಕೈಕೊಡಬಾರದೇ? ಸಿಲಿಂಡರ್‌ನ ಗ್ಯಾಸ್ ಮಟ್ಟ ತಿಳಿಯಲು ಈ ಸುಲಭ ವಿಧಾನ ಪಾಲಿಸಿ! LPG cylinder

ಅನೇಕ ಸ್ಥಳಗಳಲ್ಲಿ ಸಿಲಿಂಡರ್‌ಗಳನ್ನು ಪಡೆಯುವಲ್ಲಿ ವಿಳಂಬವಾಗಿದೆ. ಅದೇ ರೀತಿಯಲ್ಲಿ ನಿಮ್ಮ ಅಡುಗೆ ಮನೆಯ ಸಿಲಿಂಡರ್​ ಇದ್ದಕ್ಕಿದ್ದಂತೆ ಖಾಲಿಯಾದರೆ, ಅದು ದೊಡ್ಡ ಸಮಸ್ಯೆಯಾಗಬಹುದು. ಅದು ಚಾಲನೆಯಲ್ಲಿಲ್ಲದಿದ್ದಾಗ ಮಾತ್ರ ಅನಿಲ ಖಾಲಿಯಾಗಿದೆ ಎಂಬ ಸುಳಿವು ದೊರೆಯುತ್ತದೆ. ಆದಾಗ್ಯೂ, ನಿಮಗೇನಾದರೂ, ಸಿಲಿಂಡರ್​ ಎಷ್ಟಿದೆ ಎಂದು ಮೊದಲೇ ತಿಳಿದಿದ್ದರೆ, ಸರಿಯಾದ ಸಮಯಕ್ಕೆ ಬುಕ್​ ಮಾಡಬಹುದು. ಹಾಗಾದ್ರೆ ನಿಮ್ಮ ಮನೆಯ ಗ್ಯಾಸ್​ ಖಾಲಿಯಾಗಲು ಬಂದಿದಿಯಾ ಎಂದು ತಿಳಿಯಲು ಈ ಸುಲಭ ತಂತ್ರಗಳನ್ನು ಬಳಸಿರಿ.

ಸಿಲಿಂಡರ್​ನಲ್ಲಿ ಎಷ್ಟು ಅನಿಲ ಇದೆ ಎಂದು ತಿಳಿಯುವ ಮೊದಲ ಮಾರ್ಗವೆಂದರೆ ಅದು ನೀರು. ಇದಕ್ಕಾಗಿ ಒಂದು ಗ್ಲಾಸ್​ನಲ್ಲಿ ನೀರನ್ನು ತೆಗೆದುಕೊಳ್ಳಿ. ನಂತರ ಅದನ್ನು ಸಿಲಿಂಡರ್​ನ ಮೇಲಿನಿಂದ ಸುರಿಯಿರಿ. ಸ್ವಲ್ಪ ಸಮಯದ ನಂತರ ನಿಮ್ಮ ಕೈಯಿಂದ ಸಿಲಿಂಡರ್ ಅನ್ನು ಮೇಲಿನಿಂದ ಕೆಳಕ್ಕೆ ಸ್ಪರ್ಶಿಸಿ. ಈ ವೇಳೆ ನೀವೇನಾದರೂ ಸಿಲಿಂಡರ್​ನ್ನು ಮುಟ್ಟಿದಾಗ ಒಂದು ಬದಿಯಲ್ಲಿ ತಣ್ಣಗಾಗುತ್ತದೆ. ಮತ್ತೊಂದು ಭಾಗದಲ್ಲಿ ಬಿಸಿಯಾಗುತ್ತದೆ.

ಏನಾದರೂ ತಂಪಾಗಿದ್ದರೆ, ಸಿಲಿಂಡರ್​ನಲ್ಲಿ ಅನಿಲ ಇದೆ ಎಂದರ್ಥ. ಏಕೆಂದರೆ ಸಿಲಿಂಡರ್‌ನೊಳಗಿನ ಎಲ್‌ಪಿಜಿ ಶಾಖವನ್ನು ತ್ವರಿತವಾಗಿ ಹೀರಿಕೊಳ್ಳುತ್ತದೆ. ಆದರಿಂದ ಆ ಭಾಗವು ತಂಪಾಗಿರುತ್ತದೆ. ಶೀತಲ ಸ್ಥಳವು ತುಂಬಾ ಕೆಳಗೆ ಹೋದರೆ, ಅನಿಲವು ಶೀಘ್ರದಲ್ಲೇ ಖಾಲಿಯಾಗುತ್ತದೆ ಎಂದು ತಿಳಿಯುತ್ತದೆ.

ಸಿಲಿಂಡರ್​ನಲ್ಲಿ ಗಾಳಿ ಇದೆಯಾ ಎಂದು ತಿಳಿಯಲು ಸಿಲಿಂಡರ್​ ತೂಕವನ್ನು ಒಮ್ಮೆ ಪರಿಶೀಲಿಸಿಕೊಳ್ಳಿ. ಪ್ರತಿ LPG ಸಿಲಿಂಡರ್‌ನ ಮೇಲೆ ಖಾಲಿ ತೂಕವನ್ನು ಬರೆಯಲಾಗುತ್ತದೆ. ನಿಮ್ಮ ಮನೆಯಲ್ಲಿ ತೂಕದ ಯಂತ್ರವಿದ್ದರೆ, ಸಿಲಿಂಡರ್​ ಅನ್ನು ಅದರ ಮೇಲೆ ಇಟ್ಟು ತೂಕ ಒಮ್ಮೆ ಗಮನಿಸಿ. ನಂತರ ಅಲ್ಲಿಂದ ಒಟ್ಟು ತೂಕವನ್ನು ಕಳೆಯಿರಿ. ಉದಾಹರಣೆಗೆ, ಸಿಲಿಂಡರ್ 28.5 ಕೆಜಿ ತೂಕವಿದ್ದರೆ ಮತ್ತು ಅದರ ಮೇಲೆ ಬರೆಯಲಾದ ಖಾಲಿ ತೂಕ 15.5 ಕೆಜಿ ಆಗಿದ್ದರೆ, 13 ಕೆಜಿ ಅನಿಲ ಉಳಿದಿದೆ ಎಂದು ನೀವು ಅರ್ಥಮಾಡಿಕೊಳ್ಳಬೇಕು.

ಸಿಲಿಂಡರ್ ಕಡಿಮೆಯಾಗಲು ಪ್ರಾರಂಭಿಸಿದಾಗ, ಗ್ಯಾಸ್​ ಜ್ವಾಲೆಯ ಮೇಲೆ ಗುರುತಿಸಬಹುದು. ಮೊದಲು ಉರಿಯುವುದಕ್ಕಿಂತ ಜ್ವಾಲೆಯು ಕಡಿಮೆ ಉರಿಯಲು ಪ್ರಾರಂಭಿಸಿದರೆ, ಅಥವಾ ತಿಳಿ ಹಳದಿ ಬಣ್ಣಕ್ಕೆ ತಿರುಗಿದರೆ, ಗ್ಯಾಸ್​ ಖಾಲಿಯಾಗಲು ಬರುತ್ತಿದೆ ಎಂದರ್ಥ. ಕೆಲವೊಮ್ಮೆ ಅಂತಹ ಸಂದರ್ಭದಲ್ಲಿ ಅಡುಗೆ ಮಾಡಲು ಹೆಚ್ಚು ಸಮಯ ಬೇಕಾಗುತ್ತದೆ. ಜೊತೆಗೆ ಹೊಸ ಸಿಲಿಂಡರ್​ ಬುಕ್ ಮಾಡಬೇಕಾಗುತ್ತದೆ (ಏಜೆನ್ಸೀಸ್​).