ನೀವು ತಿನ್ನುವ ಬೆಲ್ಲ ಎಷ್ಟು ಶುದ್ಧ? ಮನೆಯಲ್ಲೇ ಪತ್ತೆಹಚ್ಚಲು ಇಲ್ಲಿವೆ 5 ಸುಲಭ ದಾರಿಗಳು! | Jaggery

Jaggery: ನೀವು ದಿನನಿತ್ಯ ಬಳಸುವ ಬೆಲ್ಲ ಅಪ್ಪಟವೇ ಅಥವಾ ರಾಸಾಯನಿಕಯುಕ್ತವೇ? ಬೆಲ್ಲದಲ್ಲಿ ಸೀಮೆಸುಣ್ಣದ ಪುಡಿ (Chalk powder), ವಾಷಿಂಗ್ ಸೋಡಾ ಮತ್ತು ಕೃತಕ ಬಣ್ಣಗಳನ್ನು ಬೆರೆಸುವ ಸಾಧ್ಯತೆ ಇರುತ್ತದೆ. ಇವು ನಿಮ್ಮ ಕಿಡ್ನಿ ಮತ್ತು ಜೀರ್ಣಾಂಗವ್ಯೂಹದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು.ಬೆಲ್ಲದ ಶುದ್ಧತೆಯನ್ನು ಪತ್ತೆಹಚ್ಚಲು ಮನೆಯಲ್ಲೇ ಮಾಡಬಹುದಾದ 5 ಸರಳ ಪರೀಕ್ಷೆಗಳು ಇಲ್ಲಿವೆ ತಿಳಿಯಿರಿ..

ಇದು ಬೆಲ್ಲದಲ್ಲಿ ಕರಗದ ಕಲ್ಮಶಗಳನ್ನು ಪತ್ತೆ ಹಚ್ಚಲು ಸುಲಭವಾದ ದಾರಿ.

ವಿಧಾನ: ಒಂದು ಗ್ಲಾಸ್ ನೀರಿಗೆ ಒಂದು ಸಣ್ಣ ತುಂಡು ಬೆಲ್ಲವನ್ನು ಹಾಕಿ.

ಶುದ್ಧ ಬೆಲ್ಲ: ಸಂಪೂರ್ಣವಾಗಿ ನೀರಿನಲ್ಲಿ ಕರಗುತ್ತದೆ ಮತ್ತು ಯಾವುದೇ ಶೇಷವನ್ನು ಬಿಡುವುದಿಲ್ಲ.

ಕಲಬೆರಕೆ ಬೆಲ್ಲ: ಬೆಲ್ಲ ಕರಗಿದ ನಂತರ ಗ್ಲಾಸಿನ ತಳದಲ್ಲಿ ಸೀಮೆಸುಣ್ಣದ ಪುಡಿ ಅಥವಾ ಮರಳು ಕುಳಿತುಕೊಂಡರೆ ಅದು ಕಲಬೆರಕೆಯಾಗಿದೆ ಎಂದರ್ಥ.

ಹೆಚ್ಚಿನ ಜನರು ಹಳದಿ ಅಥವಾ ಬಿಳಿ ಬಣ್ಣದ ಹೊಳೆಯುವ ಬೆಲ್ಲವನ್ನು ಇಷ್ಟಪಡುತ್ತಾರೆ, ಆದರೆ ಇದು ಅಪಾಯಕಾರಿ.

ಶುದ್ಧ ಬೆಲ್ಲ: ಸಾಮಾನ್ಯವಾಗಿ ಗಾಢ ಕಂದು (Dark Brown) ಅಥವಾ ಕಡು ಕೆಂಪು ಬಣ್ಣದಲ್ಲಿರುತ್ತದೆ.

ಕಲಬೆರಕೆ ಬೆಲ್ಲ: ಅತಿಯಾದ ಹಳದಿ ಅಥವಾ ಬಿಳಿ ಬಣ್ಣವಿದ್ದರೆ ಅದಕ್ಕೆ ಸೋಡಿಯಂ ಬೈಕಾರ್ಬೋನೇಟ್ ಅಥವಾ ಅಸ್ವಾಭಾವಿಕ ಬಣ್ಣಗಳನ್ನು ಸೇರಿಸಲಾಗಿದೆ ಎಂದು ತಿಳಿಯಿರಿ.

ವಾಷಿಂಗ್ ಸೋಡಾ ಅಥವಾ ಸೀಮೆಸುಣ್ಣ ಬೆರೆಸಿದ್ದಲ್ಲಿ ಈ ಪರೀಕ್ಷೆ ಮೂಲಕ ತಿಳಿಯಬಹುದು.

ವಿಧಾನ: ಒಂದು ಬಟ್ಟಲಿನಲ್ಲಿ ಸ್ವಲ್ಪ ಬೆಲ್ಲದ ಪುಡಿ ತೆಗೆದುಕೊಂಡು ಅದಕ್ಕೆ ಕೆಲವು ಹನಿ ವಿನೆಗರ್ ಅಥವಾ ಲಿಂಬೆ ರಸ ಹಾಕಿ. (ಪ್ರಯೋಗಾಲಯದಲ್ಲಾದರೆ ಹೈಡ್ರೋಕ್ಲೋರಿಕ್ ಆಮ್ಲ ಬಳಸುತ್ತಾರೆ).

ಫಲಿತಾಂಶ: ಬೆಲ್ಲದ ಮೇಲೆ ನೊರೆ ಅಥವಾ ಗುಳ್ಳೆಗಳು ಬಂದರೆ ಅದರಲ್ಲಿ ವಾಷಿಂಗ್ ಸೋಡಾ ಅಥವಾ ಕಾರ್ಬೋನೇಟ್ ಅಂಶಗಳಿವೆ ಎಂದು ಅರ್ಥ.

ನೈಸರ್ಗಿಕ ಬೆಲ್ಲದ ರುಚಿ ಮತ್ತು ವಾಸನೆಯೇ ಬೇರೆ.

ಶುದ್ಧ ಬೆಲ್ಲ: ಸಿಹಿಯಾಗಿರುತ್ತದೆ ಮತ್ತು ಕಬ್ಬಿನ ಹಾಲಿನ ನೈಸರ್ಗಿಕ ಸುವಾಸನೆ ಇರುತ್ತದೆ.

ಕಲಬೆರಕೆ ಬೆಲ್ಲ: ಸ್ವಲ್ಪ ಉಪ್ಪಿನಂತೆ ಅಥವಾ ಕಹಿಯಾಗಿ ಕಂಡುಬಂದರೆ ಅದಕ್ಕೆ ರಾಸಾಯನಿಕಗಳನ್ನು ಸೇರಿಸಲಾಗಿದೆ ಎಂದರ್ಥ. ಸೋಡಾ ಬೆರೆಸಿದ ಬೆಲ್ಲ ಸ್ವಲ್ಪ ಮಸಾಲೆಯುಕ್ತ ವಾಸನೆ ಇರಬಹುದು.

ವಿಧಾನ: ಬೆಲ್ಲವನ್ನು ಬೆರಳುಗಳ ನಡುವೆ ಇಟ್ಟು ಒತ್ತಿ ನೋಡಿ ಅಥವಾ ಒಡೆದು ನೋಡಿ.

ಶುದ್ಧ ಬೆಲ್ಲ: ಸ್ವಲ್ಪ ಮೃದುವಾಗಿದ್ದು, ಕೈಗೆ ಅಂಟುವಂತಿರುತ್ತದೆ. ಇದನ್ನು ಸುಲಭವಾಗಿ ಪುಡಿ ಮಾಡಬಹುದು.

ಕಲಬೆರಕೆ ಬೆಲ್ಲ: ಕಲ್ಲು ಸಕ್ಕರೆಯಂತೆ ತುಂಬಾ ಗಟ್ಟಿಯಾಗಿದ್ದರೆ ಅಥವಾ ತುಂಬಾ ಹೊಳೆಯುವ ಹರಳುಗಳನ್ನು ಹೊಂದಿದ್ದರೆ ಅದಕ್ಕೆ ಸಕ್ಕರೆಯನ್ನು ಬೆರೆಸಿರುವ ಸಾಧ್ಯತೆ ಇರುತ್ತದೆ,(ಏಜನ್ಸೀಸ್​).