ಆರೋಗ್ಯ

ಯಾವ ವಯಸ್ಸಿನವರು ಪ್ರತಿದಿನ ಎಷ್ಟು ವ್ಯಾಯಾಮ ಮಾಡಬೇಕು ಗೊತ್ತಾ? ಸರಳ ವ್ಯಾಯಾಮದ ಬಗ್ಗೆ ತಜ್ಞರು ಹೇಳೋದೇನು! Physical activity

ಸಾಂದರ್ಭಿಕ ಚಿತ್ರ
ಸಾಂದರ್ಭಿಕ ಚಿತ್ರ
ಭಾನುಪ್ರಿಯ ಡಿ.ಕೆ
Published on: 

ಪ್ರಮುಖ ಮುಖ್ಯಾಂಶಗಳು

  • ಎಲ್ಲಾ ವಯಸ್ಸಿನ ಜನರಿಗೆ ನಿರ್ದಿಷ್ಟ ಸಮಯದ ವ್ಯಾಯಾಮದ ಮಿತಿ ನಿಗದಿಪಡಿಸಬೇಕು
  • ಆರೋಗ್ಯವಾದ ದೇಹವನ್ನು ಹೊಂದಬೇಕೆಂದರೆ ವ್ಯಾಯಾಮ, ಯೋಗ ಇನ್ನಿತರ ಚಟುವಟಿಕೆಗಳಲ್ಲಿ ಪಾಲ್ಗೊಳ್ಳಬೇಕು
  • ಯಸ್ಸಾದಂತೆ ಕಠಿಣ ವ್ಯಾಯಾಮವು ದಣಿದ ಅನುಭವವನ್ನು ಹೆಚ್ಚಿಸುತ್ತದೆ
Physical activity : ಆರೋಗ್ಯವಾದ ದೇಹವನ್ನು ಹೊಂದಬೇಕೆಂದರೆ, ಮಕ್ಕಳಿಂದ ಹಿಡಿದು ವೃದ್ಯಾಪ್ಯದವರೆಗೂ ದೇಹವನ್ನು ವ್ಯಾಯಾಮ, ಯೋಗ ಅಥವಾ ಇನ್ನಿತರ ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳಬೇಕು. ವಿಜ್ಞಾನದ ಪ್ರಕಾರ, ಎಲ್ಲಾ ವಯಸ್ಸಿನ ಜನರಿಗೆ ನಿರ್ದಿಷ್ಟ ಸಮಯದ ವ್ಯಾಯಾಮದ ಮಿತಿಯನ್ನು ನಿಗದಿಪಡಿಸಿದೆ, ಏಕೆಂದರೆ ಆ ಮಿತಿಯನ್ನು ಮೀರುವುದು ದೇಹಕ್ಕೆ ಹಾನಿಕಾರಕವಾಗಬಹುದು. ಹಾಗಾಗಿ ವಯಸ್ಸಾದಂತೆ ಕಠಿಣ ವ್ಯಾಯಾಮವು ದಣಿದ ಅನುಭವವನ್ನು ಹೆಚ್ಚಿಸುತ್ತದೆ. ಆದರಿಂದ ಈ ಅನುಸೂಚಿಗಳನ್ನು ಅಳವಡಿಸಿಕೊಳ್ಳುವುದರಿಂದ ಯಾವ ವಯಸ್ಸಿನವರು ಯಾವ ರೀತಿಯ ದೈಹಿಕ ಚಟುವಟಿಕೆಗಳನ್ನು ಮಾಡಬೇಕು ಎಂದು ತಿಳಿಯಿರಿ.

* ಮಕ್ಕಳು ಮತ್ತು ವಯಸ್ಕರು (5-17 ವರ್ಷಗಳು)

5-17 ವಯಸ್ಸಿನ ಮಕ್ಕಳು ವಾರದಲ್ಲಿ ಕನಿಷ್ಟ 3 ದಿನಗಳ ಕಾಲ ಕನಿಷ್ಟ 60 ನಿಮಿಷಗಳ ಮಧ್ಯಮ ತೀವ್ರತೆಯ ವ್ಯಾಯಾಮವನ್ನು ಮಾಡಬೇಕು. ಇದರಲ್ಲಿ ಏರೋಬಿಕ್ಸ್​ ಚಟುವಟಿಕೆಗಳನ್ನು ಹೆಚ್ಚು ಮಾಡುವುದರಿಂದ ಇದು ಸ್ನಾಯುಗಳು ಮತ್ತು ಮೂಳೆಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.

* ವಯಸ್ಕರು ಮತ್ತು ಹಿರಿಯರು (18-64 ವರ್ಷಗಳು)

ಈ ವಯಸ್ಸಿನವರು ಪ್ರತಿನಿತ್ಯ 30 ನಿಮಿಷಗಳ ಕಾಲ ಏರೋಬಿಕ್ಸ್​ ವ್ಯಾಯಾಮವನ್ನು ಮಾಡಬೇಕು. ವಾರಕ್ಕೆ 75 ರಿಂದ 150 ನಿಮಿಷಗಳ ಕಾಲ ತೀವ್ರತೆಯ ಏರೋಬಿಕ್ಸ್​ ವ್ಯಾಯಾಮವನ್ನು ಮಾಡಬೇಕು. ಹಾಗೂ ಸ್ನಾಯುಗಳನ್ನು ಬಲಪಡಿಸಲು ವಾರಕ್ಕೆ 2 ಬಾರಿ ತೂಕ ತರಬೇತಿಯನ್ನು ತೆಗೆದುಕೊಳ್ಳಬೇಕು.

* ವೃದ್ಧರು (65 ವರ್ಷಕ್ಕಿಂತ ಮೇಲ್ಪಟ್ಟವರು)

65 ವರ್ಷಕ್ಕಿಂತ ಮೇಲ್ಪಟ್ಟ ಜನರು ವಾರಕ್ಕೆ ಕನಿಷ್ಠ 150 ರಿಂದ 300 ನಿಮಿಷಗಳ ಮಧ್ಯಮ ತೀವ್ರತೆಯ ವ್ಯಾಯಾಮವನ್ನು ಮಾಡುವುದರಿಂದ ಇದು ಸ್ನಾಯುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ. ಹಾಗೆಯೇ ಇವರು ತೂಕ ತರಬೇತಿ ಪಡೆಯುವುದು ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯವಾಗಬಹುದು.

* ಗರ್ಭಿಣಿಯರು ಮತ್ತು ಹೆರಿಗೆಯ ನಂತರ ಮಹಿಳೆಯರು

ಗರ್ಭಿಣಿಯರು ಹಾಗೂ ಹೆರಿಗೆ ನಂತರದ ಮಹಿಳೆಯರು ಆದಷ್ಟು ಸುಲಭ ಇರುವಂತ ವ್ಯಾಯಾಮವನ್ನು ವಾರಕ್ಕೆ 150 ನಿಮಿಷಗಳ ಕಾಲ ಮಾಡುವುದರಿಂದ ಇದು ಸ್ನಾಯುಗಳನ್ನು ಬಲಪಡಿಸಲು ಸಹಾಯ ಮಾಡುತ್ತದೆ.

* ವ್ಯಾಯಾಮ ಮಾಡುವ ಮೊದಲು ನೆನಪಿನಲ್ಲಿಡಬೇಕಾದ ವಿಷಯಗಳು

ಪ್ರತಿಯೊಬ್ಬರೂ ಕೂಡಾ ಸಣ್ಣ ಪ್ರಮಾಣದಲ್ಲಿ ವ್ಯಾಯಾಮ ಮಾಡಲು ಸಾಧ್ಯವಾಗುವಂತೆ ದಿನವಿಡೀ ಸಮಯವನ್ನು ನಿಗದಿಪಡಿಸಿಕೊಳ್ಳಿ. ನಿಮಗೆ ಇದು ಅನುಕೂಲವಾದರೆ, ಚಟುವಟಿಕೆ ಮತ್ತು ತೀವ್ರತೆಯನ್ನು ಹೆಚ್ಚಿಸಬಹುದು. ಹಾಗೆಯೇ ಚಟುವಟಿಕೆಗಳನ್ನು ಒಂದೇ ಬಾರಿಗೆ ಹೆಚ್ಚು ಮಾಡಬೇಕೆಂಬುದು ಅಗತ್ಯವಿರುವುದಿಲ್ಲ (ಏಜೆನ್ಸೀಸ್​).
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.
Health
Body
Exercise
Physical activity
Adults
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net