ಆರೋಗ್ಯ

ದಿನವಿಡೀ ಸುಸ್ತು, ಆಲಸ್ಯವೇ? ಈ ಗಂಭೀರ ಕಾಯಿಲೆಗಳ ಲಕ್ಷಣವಿರಬಹುದು, ನಿರ್ಲಕ್ಷಿಸಬೇಡಿ! Feeling tired

ಸಾಂದರ್ಭಿಕ ಚಿತ್ರ
ಸಾಂದರ್ಭಿಕ ಚಿತ್ರ
ಭಾನುಪ್ರಿಯ ಡಿ.ಕೆ
Published on: 

ಪ್ರಮುಖ ಮುಖ್ಯಾಂಶಗಳು

  • ದಿನವಿಡೀ ಕಷ್ಟ ಪಟ್ಟು ಬೆವರು ಸುರಿಸಿ ಕೆಲಸ ಮಾಡಿದ ನಂತರ ಸುಸ್ತಾಗುವುದು ಸಹಜ
  • ಕೆಲವರು ಏನು ಕೆಲಸ ಮಾಡದೆಯೇ ದಿನವಿಡೀ ಸುಸ್ತು ಎಂದು ಮಲಗುವುದನ್ನು ನಾವು ಗಮನಿಸಿರುತ್ತೇವೆ
  • ಈ ಚಟುವಟಿಕೆ ದೀರ್ಘಕಾಲದವರೆಗೂ ಮುಂದುವರೆದರೆ, ನಿಮ್ಮ ದೇಹವು ಸ್ಥಿರವಾಗಿಲ್ಲ
  • ಕೆಲಸದ ಒತ್ತಡ, ಕಳಪೆ ಜೀವನಶೈಲಿಯಿಂದಾಗಿ ಸರಿಯಾದ ಆಹಾರವನ್ನು ಸೇವಿಸುವುದಿಲ್ಲ
Feeling tired: ದಿನವಿಡೀ ಕಷ್ಟ ಪಟ್ಟು ಬೆವರು ಸುರಿಸಿ ಕೆಲಸ ಮಾಡಿದ ನಂತರ ಸುಸ್ತಾಗುವುದು ಸಹಜ. ಆದರೆ ಕೆಲವರು ಏನು ಕೆಲಸ ಮಾಡದೆಯೇ ದಿನವಿಡೀ ಸುಸ್ತು ಎಂದು ಮಲಗುವುದನ್ನು ನಾವು ಗಮನಿಸಿರುತ್ತೇವೆ. ಆದರೆ, ಈ ಚಟುವಟಿಕೆ ದೀರ್ಘಕಾಲದವರೆಗೂ ಮುಂದುವರೆದರೆ, ನಿಮ್ಮ ದೇಹವು ಸ್ಥಿರವಾಗಿಲ್ಲ ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ. ಆದಾಗ್ಯೂ, ವೈದ್ಯರು ಸೂಚಿಸುವಂತೆ ಈ ರೀತಿಯ ಲಕ್ಷಣಗಳು ಕಂಡುಬಂದರೆ, ಅದಕ್ಕೆ ನಿರ್ದಿಷ್ಟ ಕಾರಣವಿದೆ ಎಂದು ತಿಳಿಸಿದ್ದಾರೆ.
ಹಾಗಿದ್ದರೆ, ದಿನವಿಡೀ ಸುಸ್ತಾಗಲು ಕಾರಣವೇನು? ಇಲ್ಲಿದೆ ಸಂಪೂರ್ಣ ಮಾಹಿತಿ..

ಕಳಪೆ ನಿದ್ರೆ

ಅನೇಕ ಜನರು ಸರಿಯಾದ ಸಮಯಕ್ಕೆ ನಿದ್ರೆ ಮಾಡುವುದಿಲ್ಲ. ಕೇವಲ 5-6 ಗಂಟೆ ಮಾತ್ರ ನಿದ್ರಿಸುತ್ತಾರೆ. ಈ ರೀತಿ ಮಾಡುವ ತಪ್ಪು ಕೂಡಾ ಕೆಲವೊಮ್ಮೆ ಆಯಾಸವನ್ನು ಉಂಟು ಮಾಡುತ್ತದೆ. ಇದಲ್ಲದೆ, ಅನೇಕ ಜನರು ದೀರ್ಘಕಾಲ ನಿದ್ರಿಸುತ್ತಾರೆ. ಜೊತೆಗೆ ಗೊರಕೆಯನ್ನು ಹೊಡೆಯಲು ಪ್ರಾರಂಭಿಸುತ್ತಾರೆ. ಈ ಸಮಸ್ಯೆಯನ್ನು ಸ್ಲೀಪ್ ಅಪ್ನಿಯಾ ಎಂದು ಕರೆಯುತ್ತಾರೆ. ಇದರಿಂದ ಸರಿಯಾಗಿ ನಿದ್ರೆ ಬರುವುದಿಲ್ಲ. ಈ ಕಾರಣಗಳಿಂದ ಮನುಷ್ಯನಿಗೆ ಸುಸ್ತಾಗಲು ಪ್ರಾರಂಭಿಸುತ್ತದೆ.

ವಿಟಮಿನ್ ಕೊರತೆ

ಇತ್ತೀಚಿನ ದಿನಗಳಲ್ಲಿ ಅನೇಕ ಜನರು ಕೆಲಸದ ಒತ್ತಡ, ಕಳಪೆ ಜೀವನಶೈಲಿಯಿಂದಾಗಿ ಸರಿಯಾದ ಆಹಾರವನ್ನು ಸೇವಿಸುವುದಿಲ್ಲ. ಇದರಿಂದ ಅವರ ದೇಹದಲ್ಲಿ ವಿಟಮಿನ್​ಗಳ ಕೊರತೆ ಉಂಟಾಗಿರುತ್ತದೆ. ವಿಶೇಷವಾಗಿ ವಿಟಮಿನ್​ ಡಿ ಮತ್ತು ವಿಟಮಿನ್ ಬಿ 12 ಕೊರತೆ ಉಂಟಾದಾಗ ಸ್ನಾಯುಗಳ ದೌರ್ಬಲ್ಯಕ್ಕೆ ಕಾರಣವಾಗುತ್ತದೆ. ಇದರಿಂದ ಸುಸ್ತು, ಆಯಾಸ ಉಂಟಾಗುತ್ತದೆ.

ರಕ್ತದಲ್ಲಿನ ಸಕ್ಕರೆ ಮಟ್ಟ ಹೆಚ್ಚಳ

ರಕ್ತದಲ್ಲಿ ಸಕ್ಕರೆ ಹೆಚ್ಚಾಗಿ ಇದ್ದರೂ, ಇನ್ಸುಲಿನ್ ಕೊರತೆ ಅಥವಾ ಇನ್ಸುಲಿನ್ ಪ್ರತಿರೋಧದಿಂದಾಗಿ ಜೀವಕೋಶಗಳಿಗೆ ಆ ಗ್ಲೂಕೋಸ್ ಸರಿಯಾಗಿ ಶಕ್ತಿಯನ್ನು ಒದಗಿಸಲು ಸಾಧ್ಯವಾಗುವುದಿಲ್ಲ. ಇದರಿಂದ ದೇಹದ ಕೋಶಗಳು "ಇಂಧನ" ಪಡೆಯದೆ ಇರುವುದರಿಂದ ರಕ್ತದಲ್ಲಿ ಶೇಖರಣೆಯಾಗಲು ಪ್ರಾರಂಭಿಸುತ್ತದೆ. ಇದರಿಂದ ಆಯಾಸ, ಸುಸ್ತು, ದೌರ್ಬಲ್ಯಗಳು ಪ್ರಾರಂಭವಾಗುತ್ತದೆ.

ಥೈರಾಯ್ಡ್ ಸಮಸ್ಯೆಗಳು

ಇಂದಿನ ದಿನಗಳಲ್ಲಿ ಹಲವಾರು ಜನರಿಗೆ ಥೈರಾಯ್ಡ್​ ಸಮಸ್ಯೆ ಹೆಚ್ಚಾಗಿ ಕಂಡುಬರುತ್ತದೆ. ಈ ಸಂದರ್ಭಗಳಲ್ಲಿ ದೌರ್ಬಲ್ಯದಿಂದ ಕೋಶಗಳು ಶಕ್ತಿ (energy) ಉತ್ಪಾದಿಸಲು ಸಾಧ್ಯವಾಗುವುದಿಲ್ಲ. ಇದರ ಜೊತೆಗೆ ಸ್ನಾಯುಗಳು, ಮೆದುಳು ಮತ್ತು ಇತರ ಅಂಗಗಳು "ಇಂಧನ" ಪಡೆಯದೆ ದೌರ್ಬಲ್ಯ, ಆಯಾಸ ಮತ್ತು ನಿರಂತರ ತೂಕಡಿಕೆ ಉಂಟಾಗುತ್ತದೆ. ಇದು ತೀವ್ರವಾಗಿ ಕಂಡುಬರುತ್ತಿದ್ದರೆ, ನಿರಂತರ ಆಯಾಸ ಕಾಣಿಸಿಕೊಳ್ಳಬಹುದು.

ಖಿನ್ನತೆ

ಕೆಲವೊಂದಿಷ್ಟು ಜನರು ಏನಾದರೂ ಯೋಚನೆ ಮಾಡುತ್ತಲೇ ಇರುತ್ತಾರೆ. ಇದರಿಂದ ಖಿನ್ನತೆ, ಆತಂಕಕ್ಕೆ ಒಳಗಾಗುತ್ತಾರೆ. ಇದು ನಿಮ್ಮನ್ನು ನಿದ್ರೆ ಮಾಡಲು ಬಿಡುವುದಿಲ್ಲ. ಇದರಿಂದ ದಿನವಿಡೀ ಸುಸ್ತು, ಆಯಾಸ ಹೊಂದಲು ಕಾರಣವಾಗಬಹುದು. ಇದರಿಂದ ಕೆಲಸದಲ್ಲಿ ನಿರಾಸಕ್ತಿ ಮತ್ತು ಅಪಾಯ ಹೆಚ್ಚಾಗಬಹುದು (ಏಜೆನ್ಸೀಸ್).
ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಿಂದ ಸಂಗ್ರಹಿಸಲಾಗಿದೆ ಮತ್ತು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಸ್ತುತ ಪಡಿಸಲಾಗಿದೆ. ಇದನ್ನು “ವಿಜಯವಾಣಿ ಡಾಟ್ ನೆಟ್” ದೃಢಪಡಿಸುವುದಿಲ್ಲ. ಯಾವುದೇ ಸಲಹೆಯನ್ನು ಅನುಸರಿಸುವ ಮೊದಲು ವೈದ್ಯರನ್ನು ಸಂಪರ್ಕಿಸುವುದು ಯಾವಾಗಲೂ ಉತ್ತಮ.
Diseases
Tired
vitamins
healthbenifits
helathproblems
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net