ಮದ್ಯಪಾನಕ್ಕೂ ಮುನ್ನ ಪ್ರೋಟೀನ್​ ಭರಿತ ಆಹಾರ ಸೇವಿಸುವುದರಿಂದ ಏನಾಗುತ್ತೆ ಗೊತ್ತಾ? ಇಲ್ಲಿದೆ ಸಂಪೂರ್ಣ ಮಾಹಿತಿ...Drinking Alcohol

ಆದರೆ, ಕೆಲವೊಂದು ಮದ್ಯಪ್ರಿಯರು ಖಾಲಿ ಹೊಟ್ಟೆಯಲ್ಲಿ ಆಲ್ಕೋಹಾಲ್ ಸೇವಿಸಿದರೆ ಅದು ಬೇಗನೆ ಕಿಕ್​ ನೀಡುತ್ತದೆ ಎಂದು ತಿಳಿದಿರುತ್ತಾರೆ. ಈ ರೀತಿ ಖಾಲಿ ಹೊಟ್ಟೆಯಲ್ಲಿ ವಿಶೇಷವಾಗಿ ಪ್ರೊಟೀನ್​ ಇಲ್ಲದೇ, ಆಲ್ಕೋಹಾಲ್​ ಸೇವಿಸುವುದರಿಂದ ಇದು ದೇಹದಿಂದ ಬೇಗನೆ ಹೀರಲ್ಪಡುತ್ತದೆ. ಆಲ್ಕೋಹಾಲ್ ಸೇವಿಸುವ ಮೊದಲು ಪ್ರೋಟೀನ್ ಸೇವಿಸುವುದರಿಂದ ಆಲ್ಕೋಹಾಲ್ ನೇರವಾಗಿ ಹೀರಿಕೊಳ್ಳುವಿಕೆ ನಿಧಾನಗೊಳಿಸುತ್ತದೆ. ಹಾಗೆಯೇ ಇದು ಯಕೃತ್ತಿನ ಕಾರ್ಯ ಸುಧಾರಿಸುತ್ತದೆ.

ಪ್ರೊಟೀನ್ ಸೇವಿಸಿದ ನಂತರ ಮದ್ಯ ಸೇವಿಸುವುದರಿಂದ ಇದು ಹೊಟ್ಟೆ ತುಂಬಿದ ರೀತಿಯಲ್ಲಿ ಭಾಸವಾಗುತ್ತದೆ. ಇದು ಅತಿಯಾಗಿ ಕುಡಿಯುವುದನ್ನು ತಡೆದು, ಹ್ಯಾಂಗೊವರ್ ಲಕ್ಷಣಗಳನ್ನು ಕಡಿಮೆ ಮಾಡುತ್ತದೆ. ಇದು ದೇಹದಲ್ಲಿ ದೊಡ್ಡ ವ್ಯತ್ಯಾಸವನ್ನುಂಟು ಮಾಡಲು ಸಹಾಯ ಮಾಡುತ್ತದೆ.

ಖಾಲಿ ಹೊಟ್ಟೆಯಲ್ಲಿ ಮದ್ಯಪಾನ ಮಾಡುವುದರಿಂದ ಅದು ನಿಮ್ಮ ರಕ್ತಪ್ರವಾಹಕ್ಕೆ ಬೇಗನೆ ಸೇರುತ್ತದೆ. ಇದರಿಂದ ಆಯಾಸ, ಆಮ್ಲೀಯತೆ ಮತ್ತು ನಿರ್ಜಲೀಕರಣಕ್ಕೆ ಕಾರಣವಾಗುತ್ತದೆ. ಆದರಿಂದ ಕುಡಿಯುವ ಮೊದಲು ತಿನ್ನುವ ಪ್ರಕ್ರಿಯೆಯು ದೇಹಕ್ಕೆ ಎದುರಾಗುವ ತೊಂದರೆಗಳನ್ನು ಕಡಿಮೆ ಮಾಡುತ್ತದೆ.

ಡಿಟಿ ಅನುಷಿ ಜೈನ್ ನ್ಯೂಟ್ರಿ ಮಾವೆನ್ ಅವರ ಪ್ರಕಾರ, ನೀವು ಪನೀರ್, ಮೊಟ್ಟೆ, ಕೋಳಿ, ಮೀನು, ಮೊಸರು, ದಾಲ್, ತೋಫು ಅಥವಾ ಬೀಜಗಳಂತಹ ಪ್ರೋಟೀನ್-ಭರಿತ ಆಹಾರಗಳನ್ನು ಸೇವಿಸುವುದರಿಂದ ಇದು ನಿಮ್ಮ ಹೊಟ್ಟೆಯನ್ನು ನಿಧಾನವಾಗಿ ಜೀರ್ಣವಾಗುವಂತೆ ಮಾಡುತ್ತದೆ. ಇದು ಕರುಳಿನಲ್ಲಿ ಆಲ್ಕೋಹಾಲ್ ಚಲನೆಯನ್ನು ನಿಧಾನಗೊಳಿಸುತ್ತದೆ. ಇದು ರಕ್ತದಲ್ಲಿನ ಸಕ್ಕರೆ ನಿಯಂತ್ರಣವನ್ನು ಉತ್ತಮವಾಗಿ ಬೆಂಬಲಿಸುತ್ತದೆ ಜೊತೆಗೆ ಹಠಾತ್ ಶಕ್ತಿಯ ಕುಸಿತವನ್ನು ಕಡಿಮೆ ಮಾಡುತ್ತದೆ.

ವೈದ್ಯರು ಸೂಚಿಸುವಂತೆ ವೈದ್ಯಕೀಯ ವೃತ್ತಿಪರರು ಆಲ್ಕೋಹಾಲ್ ಸೇವಿಸುವ ಮೊದಲು ಪ್ರೋಟೀನ್ ಮತ್ತು ಕೆಲವು ಕಾರ್ಬೋಹೈಡ್ರೇಟ್‌ಗಳೊಂದಿಗೆ ಸಂಯೋಜಿಸಿದ ಆಹಾರವನ್ನು ಸೇವಿಸುವುದರಿಂದ ಇದು ದೇಹದ ಮೇಲೆ ಬೀರುವ ಪರಿಣಾಮಗಳನ್ನು ಕಡಿಮೆ ಮಾಡುತ್ತದೆ. ಆದ್ದರಿಂದ, ಮದ್ಯಪಾನ ಮಾಡುವ ಮೊದಲು ಆಹಾರ ಸೇವಿಸುವುದು ಉತ್ತಮ ವಿಧಾನವಾಗಿದೆ (ಏಜೆನ್ಸೀಸ್).