ಇಯರ್‌ಫೋನ್‌ನಿಂದ ಸಂಗೀತ ಕೇಳುವ ಅಭ್ಯಾಸ ನಿಮಗಿದಿಯೇ? ಸಣ್ಣ ನಿರ್ಲಕ್ಷ್ಯ ಕಿವಿ ಕೇಳದಂತೆ ಮಾಡೀತು ಹುಷಾರ್​! Ear phones

ಇಯರ್‌ಫೋನ್‌ಗಳು ಮತ್ತು ವೈಯಕ್ತಿಕ ಆಡಿಯೊ ಸಾಧನಗಳ ಅತಿಯಾದ ಬಳಕೆಯಿಂದ ವಿಶ್ವಾದ್ಯಂತ ಒಂದು ಶತಕೋಟಿಗೂ ಹೆಚ್ಚು ಯುವಜನರು ಶ್ರವಣ ದೋಷಕ್ಕೆ ತುತ್ತಾಗಿದ್ದಾರೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ವರದಿ ಮಾಡಿದೆ.

ನಾವು ಆಗಾಗ್ಗೆ ಇಯರ್‌ಬಡ್‌ಗಳ ಅಭ್ಯಾಸದಿಂದ ಉಂಟಾಗುವ ಅಪಾಯದ ಬಗ್ಗೆ ಚಿಂತಿಸುತ್ತೇವೆ. ನಿಜವಾದ ಅಪಾಯವೆಂದರೆ, ಜೋರಾದ ಶಬ್ದ ಮತ್ತು ದೀರ್ಘಕಾಲದ ಬಳಕೆಯಿಂದ ಕಿವಿಯು ಒತ್ತಡವನ್ನು ಅನುಭವಿಸುತ್ತದೆ. ಇದು ಕಿವಿಯೊಳಗಿನ ಸೂಕ್ಷ್ಮ ಕೂದಲಿನ ಕೋಶಗಳ ಮೇಲೆ ಹಾನಿ ಉಂಟು ಮಾಡುತ್ತದೆ.

85 ಡೆಸಿಬಲ್‌ಗಳಿಗಿಂತ ಹೆಚ್ಚಿನ ಶಬ್ದಗಳಿಗೆ ನಮ್ಮ ಕಿವಿಗಳು ಒಗ್ಗಿಕೊಂಡಾ ಶಬ್ದ-ಪ್ರೇರಿತ ಶ್ರವಣ ನಷ್ಟ ಸಂಭವಿಸುತ್ತದೆ. ಇದು ಕೂದಲಿನ ಕೋಶಗಳು ಹಾನಿಗೊಳಗಾದ ನಂತರ, ಅವು ತಮ್ಮನ್ನು ತಾವು ಸರಿಪಡಿಸಿಕೊಳ್ಳುವ ಸೂಕ್ಷ್ಮತೆಯನ್ನು ಹೊಂದಿರುವುದಿಲ್ಲ. ಇದರಿಂದ ಮೊದ ಮೊದಲಿಗೆ ಸಮಸ್ಯೆ ಸ್ವಲ್ಪ ಕಡಿಮೆ ರೂಪದಲ್ಲಿ ಕಾಣಿಸಿಕೊಳ್ಳಬಹುದು. ಕಾಲಾನಂತರದಲ್ಲಿ ಇದು ಶಾಶ್ವತವಾಗಿ ಕಿವುಡತನವನ್ನು ಅನುಭವಿಸುವಂತೆ ಮಾಡುತ್ತದೆ.

ಇಯರ್‌ಫೋನ್‌ಗಳ ಅತಿಯಾದ ಬಳಕೆ ಕಿವಿಯ ಆರೋಗ್ಯಕ್ಕೆ ಗಂಭೀರ ಅಪಾಯವನ್ನು ತಂದೊಡ್ಡಬಹುದು. ಹಾಗಾಗಿ ಅದರ ಅಪಾಯವನ್ನು ಸಂಪೂರ್ಣವಾಗಿ ತಡೆಗಟ್ಟಲು ಜೋರಾದ ಶಬ್ಧಗಳನ್ನು ತಪ್ಪಿಸಬೇಕು. ಅಗತ್ಯವಿದ್ದರೆ, ಇಯರ್‌ಪ್ಲಗ್‌ಗಳು ಅಥವಾ ಇಯರ್‌ಮಫ್‌ಗಳನ್ನು ಬಳಸುವುದು ಉತ್ತಮ.

60/60 ನಿಯಮ ಪಾಲಿಸಿ: ಇಯರ್‌ಫೋನ್ ಬಳಸುವಾಗ ಶಬ್ದದ ಮಟ್ಟವು ಶೇಕಡಾ 60ಕ್ಕಿಂತ ಕಡಿಮೆ ಇರುವಂತೆ ಬಳಸಿರಿ. ಸತತವಾಗಿ 60 ನಿಮಿಷಗಳಿಗಿಂತ ಹೆಚ್ಚು ಕಾಲ ಬಳಸಬೇಡಿ.

ಬಾಹ್ಯ ಶಬ್ದ ರದ್ದತಿ: ಶಬ್ದ ಹೆಚ್ಚಿರುವ ಕಡೆಗಳಲ್ಲಿ ಇಯರ್‌ಫೋನ್ ಬಳಸಬೇಡಿ. ಅನಿವಾರ್ಯತೆ ಇದ್ದರೆ, ನಾಯ್ಸ್ ಕ್ಯಾನ್ಸಲೇಷನ್' ಫೀಚರ್ ಇರುವ ಇಯರ್‌ಫೋನ್ ಬಳಸಿ. ಇದು ನಿಮಗೆ ಶಬ್ದವನ್ನು ಕೇಳುವಂತೆ ಮಾಡುತ್ತದೆ.

ಹೆಡ್‌ಫೋನ್ ಬಳಸಿ: ನೀವೇನಾದರೂ ಸಂಗೀತ ಕೇಳಲು ಇಯರ್​ ಫೋನ್​ಗಳನ್ನು ಬಳಸುತ್ತಿದ್ದರೆ, ಹೆಡ್​ಫೋನ್​​ಗಳನ್ನು ಬಳಸಿರಿ. ಇದು ಒಳಗೆ ನೇರವಾಗಿ ತೂರಿಸುವ ಇಯರ್‌ಬಡ್ಸ್‌ಗಿಂತ ಹೆಚ್ಚು ಸುರಕ್ಷಿತವಾಗಿರುತ್ತದೆ.

ನಿಯಮಿತ ವಿರಾಮ: ದೀರ್ಘಕಾಲವಾಗಿ ಇಯರ್ ಫೋನ್​ಗಳನ್ನು ಬಳಸಬೇಡಿ. ಬದಲಿಗೆ ಅರ್ಧಗಂಟೆಗೊಮ್ಮೆ ವಿರಾಮ ಕೊಟ್ಟು ನಂತರ ಬಳಸಿರಿ. ಇದು ಕಿವಿಗಳಿಗೆ ವಿರಾಮ ನೀಡಲು ಸಹಾಯ ಮಾಡುತ್ತದೆ.

ನೈರ್ಮಲ್ಯ: ಸೋಂಕು ತಡೆಯಲು ಇಯರ್‌ಫೋನ್‌ಗಳನ್ನು ನಿಯಮಿತವಾಗಿ ಸ್ವಚ್ಛಗೊಳಿಸಿ. ಹಾಗೆಯೇ ಇತರರು ನೀಡಿದಂತಹ ಇಯರ್​ಫೋನ್​ಗಳನ್ನು ಬಳಸಬೇಡಿ. ಇದು ಕಿವಿಯ ಒಳಗೆ ಸೋಂಕನ್ನು ಉಂಟು ಮಾಡುತ್ತದೆ.

ಇಯರ್‌ಫೋನ್‌ಗಳು ನಮ್ಮ ಜೀವನವನ್ನು ಸುಲಭಗೊಳಿಸುತ್ತವೆ, ಆದರೆ ಸರಿಯಾಗಿ ಬಳಸದಿದ್ದರೆ, ಈ ಅಭ್ಯಾಸವು ಮುಂದಿನ ದಿನಗಳಲ್ಲಿ ನಿಮ್ಮ ಕಿವಿಗಳ ಹಾನಿಗೆ ಕಾರಣವಾಗುತ್ತದೆ. ಹಾಗಾಗಿ ಕೆಲವೊಂದು ಮುನ್ನಚ್ಚರಿಕೆಗಳನ್ನು ತೆಗೆದುಕೊಂಡು ನಂತರ ಇಯರ್​ಫೋನ್​ಗಳನ್ನು ಬಳಸುವುದು ಉತ್ತಮ (ಏಜೆನ್ಸೀಸ್​).