ಮಗುವಿನ ಮುಖ ನೋಡುವ ಆಸೆ ನನಸಾಗುತ್ತಿಲ್ಲವೇ? ಬಂಜೆತನಕ್ಕೆ ಕಾರಣವಾಗುವ ಈ ಅಡೆತಡೆಗಳ ಬಗ್ಗೆ ಎಚ್ಚರವಿರಲಿ.. Cause of Infertility

ಅಂದಹಾಗೇ, ಮಹಿಳೆಯರಲ್ಲೇ ಏಕೆ ಬಂಜೆತನ ಹೆಚ್ಚುತ್ತಿವೆ? ಇದರ ನಿಜವಾದ ಕಾರಣಗಳೇನು ಎಂಬುದು ಹಲವಾರು ಜನರಲ್ಲಿ ಬೇರೂರುತ್ತಿರುವ ಪ್ರಶ್ನೆಯಾಗಿದೆ.

ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಮಹಿಳೆಯರು ತಮ್ಮ ವೃತ್ತಿಜೀವನದ ಬಗ್ಗೆ ಯೋಚಿಸುತ್ತಾರೆ. ಅದಕ್ಕಾಗಿ ತಡವಾಗಿ ಮದುವೆಯಾಗಿ ಮಗುವನ್ನು ಪಡೆಯಲು ದೀರ್ಘ ಸಮಯದವರೆಗೆ ವಿಳಂಬ ಮಾಡುತ್ತಾರೆ. ಅನೇಕರು ಮದುವೆಯ ಆರಂಭದಲ್ಲಿ ಮಕ್ಕಳನ್ನು ಬಯಸದೇ ಬಹಳ ಸಮಯದ ನಂತರ ಮಕ್ಕಳ ಬಗ್ಗೆ ಯೋಚಿಸಲು ಪ್ರಾರಂಭಿಸುತ್ತಾರೆ. ಈ ಕಾರಣದಿಂದಾಗಿ ಸಮಸ್ಯೆಗಳು ಹೆಚ್ಚಾಗುತ್ತದೆ.

ವಾಸ್ತವವಾಗಿ, 35 ವರ್ಷದ ನಂತರ ಅಂಡಾಣುಗಳ ಗುಣಮಟ್ಟ ಕ್ರಮೇಣವಾಗಿ ಕ್ಷೀಣಿಸಲು ಪ್ರಾರಂಭಿಸುತ್ತದೆ. ಈ ಕಾರಣದಿಂದ ಎಷ್ಟೇ ಪ್ರಯತ್ನ ಪಟ್ಟರೂ ಮಕ್ಕಳಾಗಲು ಸಾಧ್ಯವಾಗುವುದಿಲ್ಲ. ಈ ಸಮಯದಲ್ಲಿ ನೀವೇನಾದರೂ ಮಗುವನ್ನು ಹೊಂದಲು ಬಯಸಿದರೆ, 35 ವರ್ಷಕ್ಕಿಂತ ಮುಂಚೆಯೇ ಮಗುವನ್ನು ಹೊಂದಲು ನಿರ್ಧರಿಸಿ ಇದು ಬಂಜೆತನವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.  

ಮಹಿಳೆಯರ ದೇಹದಲ್ಲಿ ಸಾಕಷ್ಟು ಆಂಟಿ-ಮುಲ್ಲೇರಿಯನ್ ಹಾರ್ಮೋನ್​ಗಳ ಕೊರತೆ ಹೆಚ್ಚಾದಲ್ಲಿ ಅಂಡಾಶಯದ ಮೊಟ್ಟೆಗಳ ಸಂಖ್ಯೆಯಲ್ಲಿ ಇಳಿಕೆಗೆ ಕಂಡುಬರುತ್ತದೆ. ಇದು ಅನುವಂಶೀಯತೆ, ಕಳಪೆ ಜೀವನಶೈಲಿ ಮತ್ತು ಆಹಾರ ಪದ್ಧತಿಯನ್ನು ಕೂಡಾ ಆಧರಿಸಿರುತ್ತದೆ. ಈ ಹಾರ್ಮೋನುಗಳ ಕೊರತೆ ಹೆಚ್ಚಾದಲ್ಲಿ ಮಹಿಳೆಯರಲ್ಲಿ ತಾಯಿ ಆಗುವ ಲಕ್ಷಣಗಳು ಕಡಿಮೆಯಾಗಲು  ಪ್ರಾರಂಭಿಸುತ್ತವೆ. 

ಬಂಜೆತನಕ್ಕೆ ಬೊಜ್ಜು ಕೂಡಾ ಒಂದು ಅಪಾಯಕಾರಿಯಾಗಿದೆ. ನಿಮ್ಮ ತೂಕವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳುವುದು ಬಹಳ ಮುಖ್ಯವಾಗಿರುತ್ತದೆ. ಅನೇಕ ಮಹಿಳೆಯರು ಈ ವಿಚಾರದ ಬಗ್ಗೆ ಗಮನಹರಿಸುವುದಿಲ್ಲ. ಆದರಿಂದ ಮಕ್ಕಳನ್ನು ಹೊಂದಲು ಕಷ್ಟವಾಗಬಹುದು. ಪಾಲಿಸಿಸ್ಟಿಕ್ ಓವರಿ ಸಿಂಡ್ರೋಮ್ ಅಧಿಕ ತೂಕದಿಂದಾಗಿ ಸಂಭವಿಸುತ್ತದೆ. ಈ ಸಮಸ್ಯೆ ಹೆಚ್ಚಾದಲ್ಲಿ ಬಂಜೆತನಕ್ಕೂ ಕಾರಣವಾಗಬಹುದು. ಆದ್ದರಿಂದ ಅತಿಯಾದ ಬೊಜ್ಜನ್ನು ಕಡಿಮೆ ಮಾಡಿಕೊಳ್ಳುವುದಿಂದ ಈ ಸಮಸ್ಯೆಯಿಂದ ಪಾರಾಗಬಹುದು.

ಸ್ತ್ರೀವಾದದ ಹೆಸರಿನಲ್ಲಿ ಅನೇಕ ಮಹಿಳೆಯರು ಧೂಮಪಾನ ಮಾಡಲು ಪ್ರಾರಂಭಿಸುತ್ತಾರೆ. ಇದನ್ನು ಸ್ವಾತಂತ್ರ್ಯ ಎಂದು ಭಾವಿಸುತ್ತಾರೆ. ಧೂಮಪಾನ ಮಾಡಿದಾಗ ದೇಹದ ಸ್ಥಿತಿಯು ಹದಗೆಡಲು ಪ್ರಾರಂಭಿಸುತ್ತದೆ. ಇದರಿಂದ AMH ಹಾರ್ಮೊನುಗಳು ಕಡಿಮೆಯಾಗಿ, ಅಂಡಾಣುಗಳ ಗುಣಮಟ್ಟ ಹದಗೆಡುತ್ತದೆ. ಇದರಿಂದ ಬಂಜೆತನಕ್ಕೆ ಕಾರಣವಾಗಬಹುದು. 

ಇತ್ತೀಚಿನ ದಿನಗಳಲ್ಲಿ ಅನೇಕ ಮಹಿಳೆಯರನ್ನು ಕಾಡುತ್ತಿರುವ ಗಂಭೀರ ಸಮಸ್ಯೆ ಎಂದರೆ ಎಂಡೊಮೆಟ್ರಿಯೊಸಿಸ್. ಗರ್ಭಾಶಯದ ಒಳಭಾಗದಲ್ಲಿ ಬೆಳೆಯಬೇಕಾದ ಅಂಗಾಂಶವು (Endometrium) ಗರ್ಭಾಶಯದ ಹೊರಭಾಗದಲ್ಲಿ, ಅಂದರೆ ಅಂಡಾಶಯ ಅಥವಾ ಫಾಲೋಪಿಯನ್ ಟ್ಯೂಬ್‌ಗಳ ಮೇಲೆ ಬೆಳೆಯಲು ಪ್ರಾರಂಭಿಸುತ್ತದೆ. ಇದರಿಂದ ಮಗುವನ್ನು ಪಡೆಯಲು ಸಾಧ್ಯವಾಗದೇ ಇರಬಹುದು. ಆದ್ದರಿಂದ, ಮಹಿಳೆಯರು ಈ ಸಮಸ್ಯೆಯ ಬಗ್ಗೆ ಆದಷ್ಟು ಜಾಗರೂಕತೆಯಿಂದ ಇರುವುದು ಉತ್ತಮ (ಏಜೆನ್ಸೀಸ್​).