ವೈದ್ಯರ ಎಚ್ಚರಿಕೆ: ನಿಮ್ಮ ಹಲ್ಲುಗಳನ್ನು ರಹಸ್ಯವಾಗಿ ಹಾಳುಮಾಡುತ್ತಿರುವ 5 ಅಭ್ಯಾಸಗಳು! | Teeth

ಅನೇಕರು ಹಣ್ಣುಗಳು ಅಥವಾ ಸೋಡಾದಂತಹ ಆಮ್ಲೀಯ ಆಹಾರ ಸೇವಿಸಿದ ತಕ್ಷಣ ಬ್ರಷ್ ಮಾಡುತ್ತಾರೆ. ಆಮ್ಲೀಯ ಪದಾರ್ಥಗಳು ಹಲ್ಲಿನ ಎನಾಮೆಲ್ ಅನ್ನು ತಾತ್ಕಾಲಿಕವಾಗಿ ಮೃದುಗೊಳಿಸುತ್ತವೆ. ಆ ಸಮಯದಲ್ಲಿ ಬ್ರಷ್ ಮಾಡಿದರೆ ಎನಾಮೆಲ್ ಬೇಗ ಸವೆದು ಹೋಗುತ್ತದೆ. ಊಟದ ನಂತರ ಕನಿಷ್ಠ 30 ನಿಮಿಷಗಳ ಕಾಲ ಕಾಯುವುದು ಉತ್ತಮ.

ಬೇಸಿಗೆಯಲ್ಲಿ ಅಥವಾ ತಂಪು ಪಾನೀಯ ಕುಡಿಯುವಾಗ ಐಸ್ ಕ್ಯೂಬ್‌ಗಳನ್ನು ಕಚ್ಚುವ ಅಭ್ಯಾಸ ಅನೇಕರಿಗಿದೆ. ಮಂಜುಗಡ್ಡೆ ತುಂಬಾ ಗಟ್ಟಿಯಾಗಿದ್ದು, ಅದನ್ನು ಅಗಿಯುವುದರಿಂದ ಹಲ್ಲುಗಳಲ್ಲಿ ಸಣ್ಣ ಸಣ್ಣ ಬಿರುಕುಗಳು ಮೂಡಬಹುದು ಅಥವಾ ಹಲ್ಲುಗಳು ತುಂಡಾಗಬಹುದು.

ಚಿಪ್ಸ್ ಪ್ಯಾಕೆಟ್ ಒಡೆಯಲು, ಬಾಟಲಿ ಮುಚ್ಚಳ ತೆಗೆಯಲು ಅಥವಾ ನೂಲು ಕತ್ತರಿಸಲು ಹಲ್ಲುಗಳನ್ನು ಬಳಸುವುದು ಅತ್ಯಂತ ಅಪಾಯಕಾರಿ. ಇದು ಹಲ್ಲುಗಳ ಜೋಡಣೆಯನ್ನು ತಪ್ಪಿಸುವುದಲ್ಲದೆ, ಹಲ್ಲುಗಳು ಬೇಗನೆ ಸವೆಯುವಂತೆ ಮಾಡುತ್ತದೆ.

ಕಾಫಿ ಮತ್ತು ಚಹಾದಲ್ಲಿರುವ 'ಟ್ಯಾನಿನ್' ಅಂಶವು ಹಲ್ಲುಗಳ ಮೇಲೆ ಕಲೆಗಳನ್ನು ಉಂಟುಮಾಡುತ್ತದೆ. ಅಷ್ಟೇ ಅಲ್ಲದೆ, ಇವು ಬಾಯಿಯನ್ನು ಒಣಗಿಸುತ್ತವೆ. ಬಾಯಿಯಲ್ಲಿ ಲಾಲಾರಸ ಕಡಿಮೆಯಾದಷ್ಟೂ ಬ್ಯಾಕ್ಟೀರಿಯಾಗಳ ಕಾಟ ಹೆಚ್ಚಾಗಿ ಹಲ್ಲುಗಳು ಹುಳುಕಾಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಹಲ್ಲುಗಳನ್ನು ಹೆಚ್ಚು ಒತ್ತಿ ಉಜ್ಜಿದರೆ ಅವು ಬೆಳ್ಳಗಾಗುತ್ತವೆ ಎಂಬುದು ತಪ್ಪು ಕಲ್ಪನೆ. ಗಟ್ಟಿಯಾದ ಬ್ರಷ್‌ನಿಂದ ಜೋರಾಗಿ ಉಜ್ಜುವುದರಿಂದ ಹಲ್ಲಿನ ರಕ್ಷಣಾ ಪದರ ಸವೆದು ಹೋಗುತ್ತದೆ ಮತ್ತು ಒಸಡುಗಳು ಹಿಂದೆ ಸರಿಯಲು (Receding Gums) ಕಾರಣವಾಗುತ್ತದೆ. ಯಾವಾಗಲೂ 'ಸಾಫ್ಟ್' (Soft) ಬ್ರಷ್ ಬಳಸಿ ಲಘುವಾಗಿ ಉಜ್ಜಬೇಕು,(ಏಜೆನ್ಸೀಸ್​).