ರೋಹಿತ್​, ಕೊಹ್ಲಿ ಅಲ್ಲವೇ ಅಲ್ಲಾ ಈತ 18 ಕೋಟಿ ಪಡೆಯುವುದು ಪಕ್ಕಾ; IPL​ ಮೆಗಾ ಆಕ್ಷನ್​ ಕುರಿತು ಅಚ್ಚರಿಯ ಹೇಳಿಕೆ ನೀಡಿದ ಮಾಜಿ ಪ್ಲೇಯರ್​

ಮುಂಬೈ: ಮುಂದಿನ ವರ್ಷ ಅಂದರೆ 2025ರಲ್ಲಿ ನಡೆಯಲಿರುವ ಐಪಿಎಲ್​ಗೆ (IPL) ಈಗಾಗಲೇ ಸಿದ್ಧತೆಗಳು ಆರಂಭಗೊಂಡಿದ್ದು, ರಿಟೇನ್ (Retain)​ ನಿಯಮವನ್ನು ಬಿಸಿಸಿಐ ಪ್ರಕಟಿಸಿದೆ. ಈ ತಿಂಗಳ ಅಂತ್ಯಕ್ಕೆ ರಿಟೇನ್​ ಪಟ್ಟಿಯನ್ನು ಫ್ರಾಂಚೈಸಿಗಳು ಬಿಸಿಸಿಐಗೆ ಸಲ್ಲಿಸಬೇಕಿದ್ದು, ಇದಾದ ಬಳಿಕ ವರ್ಷಾಂತ್ಯದಲ್ಲಿ ಮೆಗಾ ಹರಾಜು ಪ್ರಕ್ರಿಯೆ ನಡೆಯಲಿದೆ. ರಿಟೇನ್​ಗೆ ಸಂಬಂಧಿಸಿದಂತೆ ಈಗಾಗಲೇ ಒಂದಿಲ್ಲೊಂದು ಸುದ್ದಿಗಳು ವೈರಲ್​ ಆಗುತ್ತಿದ್ದು, ಇದರಲ್ಲಿ ಆಟಗಾರರ ಸಂಭಾವನೆ ವಿಚಾರ ಎಲ್ಲರ ಗಮನ ಸೆಳೆಯುತ್ತಿದೆ.

ಮೆಗಾ ಹರಾಜಿನಲ್ಲಿ ಲಖನೌ ಸೂಪರ್​ಜೈಂಟ್ಸ್​ ತಂಡದ ನಾಯಕ ಕೆ.ಎಲ್​. ರಾಹುಲ್​ ಭಾರೀ ಮೊತ್ತವನ್ನು ಪಡೆಯಲಿದ್ದು, ಈ ವಿಚಾರ ಎಲ್ಲರ ಅಚ್ಚರಿಗೆ ಕಾರಣವಾಗುತ್ತದೆ. ವಿರಾಟ್​ ಕೊಹ್ಲಿ, ಬುಮ್ರಾ, ರೋಹಿತ್​ ಕೂಡ ಈ ಮೊತ್ತವನ್ನು ಪಡೆಯುವುದಿಲ್ಲವೆಂದು ಹೇಳಿದ್ದು, ಈ ಬಗ್ಗೆ ಕಾರಣವನ್ನು ಸಹ ವಿವರಿಸಿದ್ದಾರೆ.

ಇದನ್ನೂ ಓದಿ: BiggBoss ಶುರುವಾದ ಎರಡನೇ ದಿನಕ್ಕೆ ಇಬ್ಬರು ಸ್ಫರ್ಧಿಗಳ ನಡುವೆ ಕುಚ್ ​ಕುಚ್​

ಈ ಕುರಿತು ಟೀಮ್​ ಇಂಡಿಯಾ ಮಾಜಿ ಆಟಗಾರ ಆಕಾಶ್​ ಚೋಪ್ರಾ, ನನ್ನ ಪ್ರಕಾರ ಕೆ.ಎಲ್​. ರಾಹುಲ್​ರನ್ನು ರಿಟೇನ್​ ಮಾಡಿಕೊಂಡರೆ ದೊಡ್ಡ ಮೊತ್ತ ಸಿಗುವುದು ಡೌಟ್​. ಆದರೆ. ಆತ ಏನಾದರೂ ಮೆಗಾ ಹರಾಜಿನಲ್ಲಿ ಕಾಣಿಸಿಕೊಂಡರೆ 18 ಕೋಟಿಗೂ ಹೆಚ್ಚಿನ ಮೊತ್ತವನ್ನು ಪಡೆಯಲಿದ್ದಾನೆ. ನನ್ನ ಪ್ರಕಾರ ಆತನನ್ನು ಲಖನೌ ತಂಡ ಅಷ್ಟು ಸುಲಭವಾಗಿ ಬಿಟ್ಟುಕೊಡುವುದಿಲ್ಲ ಎಂದು ಭಾವಿಸಿದ್ದೇನೆ. ಈ ಬಗ್ಗೆ ಕಾದು ನೋಡಬೇಕಿದೆ ಎಂದು ಆಕಾಶ್​ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ.

ಏತನ್ಮಧ್ಯೆ, ಐಪಿಎಲ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಪಂದ್ಯ ಶುಲ್ಕವನ್ನು ಪರಿಚಯಿಸಲಾಗಿದೆ. ಪ್ಲೇಯಿಂಗ್​ 11ರ ಸದಸ್ಯರು (ಇಂಪ್ಯಾಕ್ಟ್ ಪ್ಲೇಯರ್ ಸೇರಿದಂತೆ) ಪ್ರತಿ ಪಂದ್ಯಕ್ಕೆ INR 7.5 ಲಕ್ಷಗಳ ಮ್ಯಾಚ್​ ಫೀಯನನ್ನು ಪಡೆಯಲಿದ್ದಾರೆ. ಇದಲ್ಲದೆ ವಿದೇಶಿ ಆಟಗಾರರಿಗಾಗಿ ಹೊಸ ನಿಯಮ ತಂದಿರುವ ಬಿಸಿಸಿಐ ಇದನ್ನು ಪಾಲಿಸದಿದ್ದರೆ ಎರಡು ವರ್ಷ ಬ್ಯಾನ್​ ಮಾಡುವುದಾಗಿ ಎಚ್ಚರಿಕೆ ನೀಡಿದೆ.

https://www.vijayavani.net/end-of-ms-dhoni-in-ipl-csk-might-not-even-use-uncapped-retention-for-thala

https://www.vijayavani.net/asked-not-to-stand-near-door-jobless-man-stabs-bmtc-bus-conductor-vandalises-vehicle-shocking-video-surfaces