ಬೆಂಗಳೂರು: ಸ್ಯಾಂಡಲ್ವುಡ್ ನಟಿ ಹರ್ಷಿಕಾ ಪೂಣಚ್ಚ ಕನ್ನಡದ ಜತೆಗೆ ಪರಭಾಷೆಗಳಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದ್ದಾರೆ. ಈಗಾಗಲೇ ಎರಡು ಭೋಜಪುರಿ ಸಿನಿಮಾಗಳಲ್ಲಿ ನಟಿಸಿದ್ದ ಹರ್ಷಿಕಾ, ಹೊಸ ವರ್ಷದ ದಿನದಂದೇ ಮೂರನೇ ಭೋಜಪುರಿ ಸಿನಿಮಾ ಘೋಷಣೆ ಮಾಡಿ, ಶೂಟಿಂಗ್ ಸಲುವಾಗಿ ಲಂಡನ್ಗೆ ಹಾರಿದ್ದಾರೆ.
ಭೋಜಪುರಿಯ ‘ಹಮ್ ಹೈ ರಾಹಿ ಪ್ಯಾರ್ ಕೇ’ ಮತ್ತು ‘ಸಜನ್ ರೇ ಜೂಟ್ ಮತ್ ಬೋಲೋ’ ಸಿನಿಮಾಗಳನ್ನು ಮುಗಿಸಿರುವ ಹರ್ಷಿಕಾ, ಇದೀಗ ‘ಸನಮ್ ಮೇರೆ ಹಮ್ರಾಝ್’ ಚಿತ್ರ ಒಪ್ಪಿಕೊಂಡಿದ್ದಾರೆ. ಅಲ್ಲಿನ ಸ್ಟಾರ್ ನಟ ರಿತೇಶ್ ಪಾಂಡೆ ನಾಯಕನಾಗಿ ನಟಿಸುತ್ತಿರುವ ಈ ಚಿತ್ರವನ್ನು ಯಶಿ ಫಿಲಂಸ್ ಪ್ರೊಡಕ್ಷನ್ ನಿರ್ವಿುಸುತ್ತಿದೆ. ಈ ಹಿಂದಿನ ಹರ್ಷಿಕಾ ನಟನೆಯ ಎರಡು ಚಿತ್ರಕ್ಕೂ ಇದೇ ಸಂಸ್ಥೆ ಬಂಡವಾಳ ಹೂಡಿತ್ತು. ಈ ಸಂಸ್ಥೆಯ ಮೂರನೆಯ ಚಿತ್ರದಲ್ಲಿ ನಟಿಸುವ ಮೂಲಕ ಹರ್ಷಿಕಾ ಹ್ಯಾಟ್ರಿಕ್ ಹೊಡೆದಿದ್ದಾರೆ.
ಈ ಚಿತ್ರದ ಪಾತ್ರ ಮತ್ತು ಕಥೆ ಬಗ್ಗೆ ‘ವಿಜಯವಾಣಿ’ಜತೆಗೆ ಹಲವು ವಿಷಯಗಳನ್ನು ಹಂಚಿಕೊಂಡ ಹರ್ಷಿಕಾ, ‘ಈ ಹಿಂದಿನ ನನ್ನ ಎರಡು ಸಿನಿಮಾಗಳು ರೊಮ್ಯಾಂಟಿಕ್ ಲವ್ ಸ್ಟೋರಿ ಕಥಾಹಂದರ ಹೊಂದಿದ್ದವು. ಆದರೆ, ‘ಸನಮ್ ಮೇರೆ ಹಮ್ರಾಝ್’ ಥ್ರಿಲ್ಲರ್ ಶೈಲಿಯದ್ದಾಗಿರ ಲಿದೆ. ಲಂಡನ್ನಲ್ಲಿ ಅದ್ದೂರಿ ವೆಚ್ಚದಲ್ಲಿಯೇ ಶೂಟಿಂಗ್ ನಡೆಯುತ್ತಿದೆ. ಚಿಂಟು ಪಾಂಡೆ ಈ ಚಿತ್ರದ ನಿರ್ದೇಶಕರು. ನನ್ನಗಿಲ್ಲಿ ಆಗರ್ಭ ಶ್ರೀಮಂತ ಕುಟುಂಬದ ಮಗಳ ಪಾತ್ರ. ಬ್ರಿಟಿಷ್ ರಾಣಿಯ ರೀತಿಯ ಡ್ರೆಸ್ ಧರಿಸುವ ಅವಕಾಶವೂ ಈ ಸಿನಿಮಾದಲ್ಲಿ ನನಗೆ ಸಿಕ್ಕಿದೆ. ಒಟ್ಟಿನಲ್ಲಿ ಕಮರ್ಷಿಯಲ್ ಅಂಶಗಳಿಂದ ಕೂಡಿರುವ ಚಿತ್ರವಾಗಿರಲಿದೆ’ ಎಂದು ಹೇಳಿದ್ದಾರೆ.
ಜ. 31ರವರೆಗೂ ಶಾಲೆಗಳಿಗೆ ರಜೆ; 1ರಿಂದ 9ರ ವರೆಗಿನ ತರಗತಿಗಳಿಗಷ್ಟೇ ಅನ್ವಯ: ಬಿಎಂಸಿ ಘೋಷಣೆ