ನವದೆಹಲಿ: ಕೇಂದ್ರ ಆರೋಗ್ಯ ಸಚಿವ ಡಾ. ಹರ್ಷವರ್ಧನ್ ಅವರ ತಾಯಿ ಇಂದು ಬೆಳಗ್ಗೆ ನಿಧನರಾಗಿದ್ದಾರೆ. ಬೆಳಗ್ಗೆ ಹರ್ಷವರ್ಧನ್ ಅವರೇ ಟ್ವೀಟ್ ಮಾಡಿ, ತಮ್ಮ ತಾಯಿ ಮೃತಪಟ್ಟ ಸುದ್ದಿಯನ್ನು ತಿಳಿಸಿದ್ದರು.
ಹಾಗೇ ತಮ್ಮ ತಾಯಿಯ ಕಣ್ಣುಗಳನ್ನು ದೆಹಲಿಯ ಏಮ್ಸ್ ಆಸ್ಪತ್ರೆಗೆ ನೀಡಿರುವುದಾಗಿ ಸಚಿವರು ತಿಳಿಸಿದ್ದಾರೆ. ಅಮ್ಮನ ಇಚ್ಛೆಯಂತೆ ಅವರ ನೇತ್ರದಾನ ಮಾಡುತ್ತಿದ್ದೇನೆ ಎಂದಿದ್ದಾರೆ.
ನನ್ನ ತಾಯಿ ನಿಧನರಾದ ತಕ್ಷಣ ಅವರ ಕಣ್ಣುಗಳನ್ನು ಏಮ್ಸ್ಗೆ ಒಪ್ಪಿಸಲಾಗಿದೆ ಎಂದಿದ್ದಾರೆ. ಇಂದು ಬೆಳಗ್ಗೆ ತಾಯಿಯನ್ನು ಕಳೆದುಕೊಂಡ ಸಚಿವರು, ನನಗೆ ನನ್ನ ತಾಯಿಯೇ ಮಾರ್ಗದರ್ಶಕರಾಗಿದ್ದರು. ಅವರದ್ದು ಉನ್ನತ ವ್ಯಕ್ತಿತ್ವ ಎಂದು ಭಾವನಾತ್ಮಕ ಪೋಸ್ಟ್ ಹಾಕಿದ್ದರು. (ಏಜೆನ್ಸೀಸ್)