26/11ರ ದಾಳಿಯ ಮಾಸ್ಟರ್​ಮೈಂಡ್​ ಹಫೀಜ್​ ಸಯೀದ್,​ ಪಹಲ್ಗಾಮ್ ಭಯೋತ್ಪಾದಕ​ ದಾಳಿಯ ರೂವಾರಿ! | Pahalgam Terror Attack

Pahalgam Terror Attack : 26/11ರ ಮುಂಬೈದಾಳಿಯ ಮಾಸ್ಟರ್​ಮೈಂಡ್​ ಉಗ್ರ ಹಫೀಜ್​ ಸಯೀದ್​, ಪಹಲ್ಗಾಮ್​ನಲ್ಲಿ ಪ್ರವಾಸಿಗಾರ ಮೇಲೆ ನಡೆದ ಭಯೋತ್ಪಾದಕರ ದಾಳಿಯ ಹಿಂದಿನ ಸಂಚುಕೋರ ಎಂದು ಗುಪ್ತಚರ ಇಲಾಖೆ ಇದೀಗ ಗುರುತಿಸಿದೆ.

ಇದನ್ನೂ ಓದಿ:ಆಚಾರ್ಯ ಚಾಣಕ್ಯ ನೀತಿಯ ಪ್ರಕಾರ ಪಹಲ್ಗಾಮ್ ದಾಳಿಯ ಉಗ್ರರಿಗೆ ವಿಧಿಸುವ ಶಿಕ್ಷೆಯೇನು ಗೊತ್ತಾ? Terrorist Attack

ಇದೇ ಏ.22ರಂದು ಪಹಲ್ಗಾಮ್​ ಉಗ್ರದಾಳಿಯಲ್ಲಿ ಇಬ್ಬರು ವಿದೇಶಿಯರು ಸೇರಿದಂತೆ ಒಟ್ಟು 26 ಪ್ರವಾಸಿಗರು ಭಯೋತ್ಪಾದಕರ ಗುಂಡಿಗೆ ಬಲಿಯಾಗಿದ್ದರು. ನಿಷೇಧಿತ ಲಷ್ಕರ್-ಎ-ತೋಯಾ ಸಂಘಟನೆಯ ಅಂಗಸಂಸ್ಥೆಯಾದ ರೆಸಿಸ್ಟೆನ್ಸ್ ಫ್ರಂಟ್ ಈ ದಾಳಿಯ ಹೊಣೆಯನ್ನು ಹೊತ್ತುಕೊಂಡಿದೆ. ಎಲ್‌ಇಟಿಯ ಉನ್ನತ ಕಮಾಂಡರ್ ಸೈಫುಲ್ಲಾ ಕಸೂರಿ ಅಲಿಯಾಸ್ ಖಾಲಿದ್ ಹಾಗೂ ಪಿಒಕೆ ಮೂಲದ ಇಬ್ಬರು ಕಾರ್ಯಕರ್ತರನ್ನು ಹತ್ಯಾಕಾಂಡದ ಮಾಸ್ಟ‌ರ್ ಮೈಂಡ್‌ಗಳೆಂದು ಗುಪ್ತಚರ ಸಂಸ್ಥೆಗಳು ಗುರುತಿಸಿವೆ.

ಇದೀಗ ಸಂಘಟನೆಯನ್ನು ನಡೆಸುತ್ತಿರುವುದು ಅಥವಾ ಕಮಾಂಡ್​ ಮಾಡುತ್ತಿರುವುದು ಇದೇ ಮುಂಬೈ ದಾಳಿ ಮಾಸ್ಟರ್​ ಮೈಂಡ್​ ಉಗ್ರ ಹಫೀಜ್​ ಸಯೀದ್​ ಎಂದು ಗುಪ್ತಚರ ಇಲಾಖೆ ಪತ್ತೆ ಮಾಡಿದೆ ಎಂದು ವರದಿ ಉಲ್ಲೇಖಿಸಿದೆ.

ಇದನ್ನೂ ಓದಿ:ಮನೆಯಲ್ಲಿ ಯಾವ ಕೋಣೆಗೆ ಯಾವ ಬಣ್ಣ ಹಚ್ಚಿದರೆ ಒಳ್ಳೆಯದು; ವಾಸ್ತು ಶಾಸ್ತ್ರ ಹೇಳೋದೇನು| Vasthu tips

ಜಮ್ಮು-ಕಾಶ್ಮೀರದಲ್ಲಿ ದೀರ್ಘಕಾಲದಿಂದ ಸಕ್ರಿಯವಾಗಿರುವ ಉಗ್ರಸಂಘಟನೆಯ ಗುಂಪೊಂದು ಪತ್ತೆಯಾಗಿದೆ. ಈ ಗುಂಪು ಕೂಡ ಇತನ ನಿಯಂತ್ರಣಲ್ಲಿದೆ ಎಂದು ಬಹಿರಂಗಗೊಂಡಿದೆ. ಅಲ್ಲದೆ, ಈ ಗುಂಪು ಕಾಶ್ಮೀರ ಕಣಿವೆಯಲ್ಲಿ ಬಹಳ ಸಮಯದಿಂದ ಸಕ್ರಿಯವಾಗಿದೆ. ಸೋನಾಮಾರ್ಗ್, ಬೂಟಾ ಪತ್ರಿ ಮತ್ತು ಗಂಡರ್‌ಬಾಲ್ ಸೇರಿದಂತೆ ಈ ಪ್ರದೇಶದಾದ್ಯಂತ ಹಲವಾರು ಪ್ರಮುಖ ದಾಳಿಗಳ ಹಿಂದೆ ಈ ಗುಂಪಿನ ಹಾಗೂ ಉಗ್ರ ಹಫೀಜ್​ ಸಯೀದ್​ ಕೈವಾಡವಿದೆ ಎಂದು ಭದ್ರತಾ ಸಂಸ್ಥೆಗಳು ಬಲವಾಗಿ ನಂಬುತ್ತವೆ.

ಇದನ್ನೂ ಓದಿ:ಪಹಲ್ಗಾಮ್ ದಾಳಿ; ಮುಖ್ಯಮಂತ್ರಿ ಒಮರ್​ ಅಬ್ದುಲ್ಲಾ ಜೊತೆ ರಾಹುಲ್​ಗಾಂಧಿ ಮಾತುಕತೆ| Rahul gandhi

ಈ ಮಾಡ್ಯೂಲ್(ಉಗ್ರ ಗುಂಪು) ಅನ್ನು ಲಷ್ಕರ್ ಮುಖ್ಯಸ್ಥ ಹಫೀಜ್ ಸಯೀದ್ ಮತ್ತು ಅವನ ಉಪ ಸೈಫುಲ್ಲಾ ನೇರವಾಗಿ ನಿಯಂತ್ರಿಸುತ್ತಾರೆ ಎಂದು ವರದಿಯಾಗಿದೆ. ಇಬ್ಬರೂ ಪಾಕಿಸ್ತಾನದಿಂದ ಕಾರ್ಯನಿರ್ವಹಿಸುತ್ತಿದ್ದಾರೆಂದು ನಂಬಲಾಗಿದೆ. ಮಾಡ್ಯೂಲ್ ಪಾಕಿಸ್ತಾನದ ಮಿಲಿಟರಿ ಮತ್ತು ಅದರ ಗುಪ್ತಚರ ಸಂಸ್ಥೆಯಾದ ಇಂಟರ್-ಸರ್ವೀಸಸ್ ಇಂಟೆಲಿಜೆನ್ಸ್ (ಐಎಸ್ಐ) ನಿಂದ ಸೈದ್ಧಾಂತಿಕ ಮಾತ್ರವಲ್ಲದೆ ಲಾಜಿಸ್ಟಿಕಲ್ ಮತ್ತು ಯುದ್ಧತಂತ್ರದ ಮಾರ್ಗದರ್ಶನವನ್ನೂ ಪಡೆಯುತ್ತದೆ ಎಂದು ಭಾರತೀಯ ಗುಪ್ತಚರ ಸಂಸ್ಥೆಗಳು ಹೇಳುತ್ತವೆ.

ಈ ಗುಂಪಿನ ಸಂಯೋಜನೆಯಲ್ಲಿ ಬಹುಪಾಲು ವಿದೇಶಿಗರು ಸೇರಿದ್ದಾರೆ. ಆದರೆ, ಕಾಶ್ಮೀರದ ಹಲವಾರು ಸ್ಥಳೀಯರು ಮತ್ತು ಭೂಗತ ಕಾರ್ಮಿಕರು ಅದರೊಳಗೆ ಹುದುಗಿದ್ದು, ಬೆಂಬಲ ಮತ್ತು ರಕ್ಷಣೆಯನ್ನು ಒದಗಿಸುತ್ತಾರೆ ಎಂದು ಗುಪ್ತಚರ ಇಲಾಖೆ ಬಹಿರಂಗಗೊಳಿಸಿದೆ(ಏಜೆನ್ಸೀಸ್​)

https://www.vijayavani.net/khawaja-asif-we-have-been-supporting-terrorism-for-30-years-pakistans-defense-minister-admitted-the-truth

https://www.vijayavani.net/pahalgam-attack-rahul-gandhi-talks-with-chief-minister-omar-abdullah