H-1B ವೀಸಾ ಪ್ರೋಗ್ರಾಂನಲ್ಲಿ ಇಂದಿನಿಂದ ಹೊಸ ನಿಯಮಗಳು ಜಾರಿ; ಭಾರತೀಯರಿಗೆ ಪ್ರಯೋಜನವಿದೆಯೇ?

ನವದೆಹಲಿ: ಅಮೆರಿಕದ ಎಚ್-1ಬಿ ವೀಸಾ ಪ್ರೋಗ್ರಾಂನಲ್ಲಿ ಕೆಲವು ಪ್ರಮುಖ ಬದಲಾವಣೆಗಳನ್ನು ಮಾಡಲಾಗಿದೆ. ಈ ಬದಲಾವಣೆಗಳು ಇಂದಿನಿಂದ ಅಂದರೆ ಶುಕ್ರವಾರ (ಜನವರಿ 17) ರಿಂದ ಜಾರಿಗೆ ಬಂದಿವೆ. H-1B ವೀಸಾ ಪ್ರೋಗ್ರಾಂನಲ್ಲಿನ ಬದಲಾವಣೆಗಳ ಉದ್ದೇಶವು ವಿದೇಶಿ ಪ್ರತಿಭೆಗಳ ನೇಮಕಾತಿಯಲ್ಲಿ ನ್ಯಾಯಸಮ್ಮತತೆ, ಪಾರದರ್ಶಕತೆ ಮತ್ತು ದಕ್ಷತೆಯನ್ನು ಖಚಿತಪಡಿಸುವುದು ಎಂದು ಅಮೆರಿಕ ಆಡಳಿತವು ಹೇಳುತ್ತದೆ.

ಇದನ್ನು ಓದಿ: H-1B ವೀಸಾ ಪ್ರೋಗ್ರಾಂನಲ್ಲಿ ಸುಧಾರಣೆ ಅಗತ್ಯವಿದೆ; ಎಲಾನ್​ ಮಸ್ಕ್​​ ಹೀಗೆಳಿದ್ದೇಕೆ? | Elon Musk

H-1B ವೀಸಾವು ಅಮೆರಿಕದಲ್ಲಿನ ಉದ್ಯೋಗದಾತರಿಗೆ ನಿರ್ದಿಷ್ಟ ಉದ್ಯೋಗಗಳಲ್ಲಿ ವಿದೇಶಿ ಉದ್ಯೋಗಿಗಳನ್ನು ತಾತ್ಕಾಲಿಕವಾಗಿ ನೇಮಿಸಿಕೊಳ್ಳಲು ಅನುಮತಿಸುತ್ತದೆ. ಈ ವೀಸಾಗೆ ಹೆಚ್ಚಿನ ಜ್ಞಾನದ ಅಗತ್ಯವಿದೆ. ಭಾರತೀಯ ವೃತ್ತಿಪರರು ಇದರಲ್ಲಿ ಪ್ರಮುಖ ಪಾತ್ರವನ್ನು ಹೊಂದಿದ್ದಾರೆ. 2023ರಲ್ಲಿ 3,86,000 H-1B ವೀಸಾಗಳಲ್ಲಿ ಶೇಕಡಾ 72.3ರಷ್ಟು ಭಾರತೀಯರಿಗೆ ನೀಡಲಾಗಿದೆ. ಇದರರ್ಥ ವೀಸಾ ಪ್ರೋಗ್ರಾಂಗೆ ಪರಿಚಯಿಸಲಾದ ಸುಧಾರಣೆಗಳಿಂದ ಭಾರತೀಯ ಉದ್ಯೋಗಾಂಕ್ಷಿಗಳು ಹೆಚ್ಚಿನ ಲಾಭವನ್ನು ಪಡೆಯಲಿದ್ದಾರೆ.

H-1B ವೀಸಾ ಪ್ರೋಗ್ರಾಂನಲ್ಲಿನ ಪ್ರಮುಖ ಸುಧಾರಣೆಗಳು

• ಈಗ ಪದವಿ ಮತ್ತು ಉದ್ಯೋಗದ ನಡುವೆ ಸರಿಯಾದ ಸಂಬಂಧವಿರಬೇಕು. ಈ ತಿದ್ದುಪಡಿಯು ವೀಸಾ ಅರ್ಜಿ ಪ್ರಕ್ರಿಯೆಯನ್ನು ಸ್ವಚ್ಛವಾಗಿ ಮತ್ತು ಹೆಚ್ಚು ಹೊಂದಿಕೊಳ್ಳುವಂತೆ ಮಾಡುತ್ತದೆ.
• ಎಫ್-1 ವೀಸಾದಲ್ಲಿ ಅಮೆರಿಕದಲ್ಲಿ ಓದುತ್ತಿರುವ ವಿದ್ಯಾರ್ಥಿಗಳಿಗೆ H-1B ವೀಸಾಗೆ ವರ್ಗಾವಣೆ ಪ್ರಕ್ರಿಯೆಯು ಸುಲಭವಾಗಿದೆ. ಅವರ H-1B ಅರ್ಜಿಯು ಬಾಕಿ ಉಳಿದಿರುವಾಗ, ಅವರ F-1 ವೀಸಾವನ್ನು ಸ್ವಯಂಚಾಲಿತವಾಗಿ ಏಪ್ರಿಲ್ 1 ರವರೆಗೆ ವಿಸ್ತರಿಸಲಾಗುತ್ತದೆ.
• ಲಾಭೋದ್ದೇಶವಿಲ್ಲದ ಮತ್ತು ಸರ್ಕಾರಿ ಸಂಶೋಧನಾ ಸಂಸ್ಥೆಗಳು H-1B ವೀಸಾ ಕ್ಯಾಪ್‌ನಿಂದ ವಿನಾಯಿತಿ ಪಡೆಯಲು ಅರ್ಹವಾಗಿರುತ್ತವೆ. ಅವರ ಪ್ರಾಥಮಿಕ ಗಮನವು ಸಂಶೋಧನೆಯಲ್ಲದಿದ್ದರೂ ಸಹ ಸಂಶೋಧನೆ ಸಂಬಂಧಿತ ಕ್ಷೇತ್ರಗಳಲ್ಲಿ ಕೆಲಸ ಮಾಡುವ ಫಲಾನುಭವಿಗಳಿಗೆ ಇದು ಪ್ರಮುಖ ಬದಲಾವಣೆಯಾಗಿದೆ.
• ವೀಸಾ ಹೊಂದಿರುವವರಿಗೆ ಕಾನೂನುಬದ್ಧ 'ವಿಶೇಷ ಉದ್ಯೋಗ' ಲಭ್ಯವಿದೆ ಎಂದು ಉದ್ಯೋಗದಾತರು ಪ್ರಮಾಣೀಕರಿಸಬೇಕು. ಪ್ರಕ್ರಿಯೆಯ ಪಾರದರ್ಶಕತೆ ಮತ್ತು ಸಮಗ್ರತೆಯನ್ನು ಖಾತ್ರಿಪಡಿಸುವ, ಕೆಲಸದ ನೈಜತೆಯನ್ನು ಪರಿಶೀಲಿಸಲು DHS ದಾಖಲೆಗಳನ್ನು ವಿನಂತಿಸಬಹುದು.

ಭಾರತೀಯ ವೃತ್ತಿಪರರಿಗೆ ಆಗುವ ಉಪಯೋಗವೇನು?

ಈ ಸುಧಾರಣೆಗಳು ಭಾರತೀಯ ವೃತ್ತಿಪರರಿಗೆ ಅನೇಕ ಸಾಧ್ಯತೆಗಳನ್ನು ತೆರೆಯುತ್ತದೆ. ಭಾರತೀಯರ ಹೆಚ್ಚಿನ ಭಾಗವಹಿಸುವಿಕೆಯಿಂದಾಗಿ ಈ ಬದಲಾವಣೆಗಳು ಅವರಿಗೆ ವಿಶೇಷವಾಗಿ ತಾಂತ್ರಿಕ ಮತ್ತು ಸಂಶೋಧನಾ ಕ್ಷೇತ್ರಗಳಲ್ಲಿ ಹೆಚ್ಚು ಪ್ರಯೋಜನಕಾರಿಯಾಗಬಹುದು. F-1 ವೀಸಾದಿಂದ H-1Bಗೆ ಪರಿವರ್ತಿಸುವ ಪ್ರಕ್ರಿಯೆಯನ್ನು ಸರಳಗೊಳಿಸುವ ಮೂಲಕ ಭಾರತೀಯ ವಿದ್ಯಾರ್ಥಿಗಳು ಹೆಚ್ಚಿನ ಪರಿಹಾರವನ್ನು ಪಡೆಯುತ್ತಾರೆ.(ಏಜೆನ್ಸೀಸ್​​)

https://www.vijayavani.net/chandra-arya-joins-canadas-pm-race-speaks-in-kannada-in-parliment