ಮೀನು ಬೇಟೆ ನಿಷೇಧವಾಗಲಿ: ಉಪ್ಪಿನಂಗಡಿ ಪೇಟೆಯ ತ್ಯಾಜ್ಯ ನೀರೆಲ್ಲ ನೇತ್ರಾವತಿ ನದಿಯ ಹಿನ್ನೀರನ್ನು ಸೇರುತ್ತಿದ್ದು, ನದಿಯ ಪರಿಶುದ್ಧತೆ ಸಂಶಯಿಸುವಂತೆ ಮಾಡಿದೆ. ರೋಗರುಜಿನ ಕಾಣಿಸಿಕೊಂಡಾಗ ನದಿಯ ಹಿನ್ನೀರಿನಲ್ಲಿಯೇ ಸೊಳ್ಳೆ ಉತ್ಪಾದನೆಯಾಗುತ್ತಿದೆ ಎಂಬ ಆರೋಪ ಕೇಳಿಸಿತ್ತು. ನದಿಯಲ್ಲಿ ಮೀನುಗಳಿರುವುದರಿಂದ ಸೊಳ್ಳೆ ಉತ್ಪಾದನೆ ಸಾಧ್ಯವಿಲ್ಲವೆಂದು ಆರೋಗ್ಯಾಧಿಕಾರಿ ಖಚಿತಪಡಿಸಿದ್ದರು. ನದಿಯಲ್ಲಿ ತೆಪ್ಪ, ಬೋಟಿನ ಮೂಲಕ ಮೀನುಗಾರಿಕೆ ಮಾಡುವುದರಿಂದ ಮೀನುಗಳ ಸಂಖ್ಯೆ ಕರಗುತ್ತಿದ್ದು, ನದಿಯ ಪರಿಶುದ್ಧತೆಗೆ ತೊಡಕಾಗಬಹುದಾಗಿದೆ. ಈ ನಿಟ್ಟಿನಲ್ಲಿ ಕೆಲ ಸಮಯದವರೆಗೆ ನದಿಯಲ್ಲಿ ಮೀನುಗಾರಿಕೆ ನಿಷೇಧಿಸಬೇಕೆಂದು ನೆಲ ಜಲ ಸಂರಕ್ಷಣೆ ಮುಂದಾಳು ಕೈಲಾರ್ ರಾಜಗೋಪಾಲ ಭಟ್ ಅಗ್ರಹಿಸಿದ್ದಾರೆ.
