ಬೆಂಗಳೂರು: ಗೂಗಲ್ ಕಾಲಕಾಲಕ್ಕೆ ನಕ್ಷೆ(Map)ಗೆ ಹೊಸ ವೈಶಿಷ್ಟ್ಯಗಳನ್ನು ಸೇರಿಸುತ್ತಲೇ ಇರುತ್ತದೆ. ಇದು ಸ್ಥಳದ ಇತಿಹಾಸ, ಟೈಮ್‌ಲೈನ್ ರಚನೆ ಮತ್ತು ಬ್ಲೂ ಡಾಟ್ ವೈಶಿಷ್ಟ್ಯವನ್ನು ಸಹ ಹೊಂದಿದೆ. ಬಳಕೆದಾರರ ಪ್ರಸ್ತುತ ಸ್ಥಳದ ಬಗ್ಗೆಯೂ ಮಾಹಿತಿಯನ್ನು ನೀಡುತ್ತದೆ. ಗೂಗಲ್, ಈಗ ಬಳಕೆದಾರರು ಯಾವುದೇ ಸ್ಥಳದ ಇತ್ತೀಚಿನ ಚಟುವಟಿಕೆಯ ಬಗ್ಗೆ ಮಾಹಿತಿಯನ್ನು ಪಡೆಯಲು ಸಹ ಅನುವು ಮಾಡಿಕೊಡುತ್ತಿದೆ. ಹಾಗೆಯೇ ಭೇಟಿ ಕೊಟ್ಟ ಪ್ಲೇಸ್ಗಳ ಬಗ್ಗೆ ಡಿಲೀಟ್ ಮಾಡುವ ಆಯ್ಕೆ ಸಹ ನೀಡುತ್ತಿದೆ.
ಉದಾಹರಣೆಗೆ, ನೀವು ಗೂಗಲ್ ಮ್ಯಾಪ್ ಸಹಾಯದಿಂದ ಒಂದು ಸ್ಥಳಕ್ಕೆ ಹೋಗಿದ್ದರೆ, ಅಲ್ಲಿನ ನಿಮ್ಮ ಎಲ್ಲಾ ಚಟುವಟಿಕೆಗಳ ಬಗ್ಗೆ ತಿಳಿಸಲಿದೆ. ನಂತರ ಅದನ್ನು ಡಿಲೀಟ್ ಮಾಡುವ ಆಯ್ಕೆಯನ್ನು ಸಹ ನಿಮಗೆ ನೀಡಲಾಗುವುದು. ಆದರೆ, ಈ ಆಯ್ಕೆಯು ಇದೀಗ ಲಭ್ಯವಿಲ್ಲ. ಈ ಕುರಿತು ಕೆಲಸ ಮಾಡಲಾಗುತ್ತಿದ್ದು, ಇನ್ನು ಕೆಲವೇ ದಿನಗಳಲ್ಲಿ ಈ ಆಯ್ಕೆಯು ಬಳಕೆದಾರರಿಗೆ ಲಭ್ಯವಾಗಲಿದೆ.
ಅಷ್ಟೇ ಅಲ್ಲ, ಸ್ಥಳದ ಇತಿಹಾಸದ ವೈಶಿಷ್ಟ್ಯವನ್ನು ಬಳಸಲು ಸಾಧ್ಯವಾಗುವ ಬಳಕೆದಾರರಿಗೆ, ಗೂಗಲ್ನಿಂದ ಟೈಮ್‌ಲೈನ್ ಅನ್ನು ಸಂಗ್ರಹಿಸುವ ವೈಶಿಷ್ಟ್ಯವನ್ನು ಸಹ ನೀಡಲಾಗುತ್ತದೆ.
ಹಾಗೆಯೇ ಟೆಕ್ ದೈತ್ಯ, ಸ್ಥಳದ ಇತಿಹಾಸವನ್ನು ಉಳಿಸುವ ಸಮಯವನ್ನು ಸಹ ಬದಲಾಯಿಸಿದೆ. ಅಂದರೆ ನೀವು ಸಾಧನದಲ್ಲಿ ಮೊದಲ ಬಾರಿಗೆ ಈ ವೈಶಿಷ್ಟ್ಯವನ್ನು ಆನ್ ಮಾಡಿದಾಗ, ಅದನ್ನು 90 ದಿನಗಳವರೆಗೆ ಸಂಗ್ರಹಿಸಲಾಗುತ್ತದೆ. ಆದರೆ ಮೊದಲು ಇದು 18 ತಿಂಗಳುಗಳು ಅಥವಾ ಸುಮಾರು 548 ದಿನಗಳವರೆಗೆ ಲಭ್ಯವಿತ್ತು. ಆದರೆ ಬಳಕೆದಾರರಿಗೆ ಅದನ್ನು ಮುಂದಕ್ಕೆ ತೆಗೆದುಕೊಳ್ಳುವ ಆಯ್ಕೆಯನ್ನು ಸಹ ನೀಡಲಾಗುತ್ತದೆ. ಅವನು ಅದನ್ನು ತನ್ನ ಇಚ್ಛೆಯಂತೆ ಬದಲಾಯಿಸಬಹುದು.
ವ್ಯಕ್ತಿಯ ಸ್ಥಳವನ್ನು ತಿಳಿಸುವ ನೀಲಿ ಚುಕ್ಕೆ ವೈಶಿಷ್ಟ್ಯದಲ್ಲಿಯೂ ಬದಲಾವಣೆಗಳನ್ನು ಮಾಡಲಾಗುವುದು. ಬಳಕೆದಾರರು ಇದರಲ್ಲಿ ಹಲವು ಹೊಸ ವೈಶಿಷ್ಟ್ಯಗಳನ್ನು ಪಡೆಯಲಿದ್ದಾರೆ. Google Map ಸಹಾಯದಿಂದ, ನೀವು ಯಾವುದೇ ಸ್ಥಳದ ಇತಿಹಾಸವನ್ನು ಹುಡುಕಬಹುದು. ಈ ಸಂಬಂಧ ಬಳಕೆದಾರರಿಗೆ ಸೂಚನೆಗಳನ್ನೂ ನೀಡಲಾಗುವುದು ಎಂದು ಗೂಗಲ್ ಹೇಳಿದೆ. ಒಮ್ಮೆ ನೀವು ಈ ಅಪ್ಡೇಟ್ಸ್ ಪಡೆದರೆ, ನೀವು ಅದನ್ನು ಬಳಸಲು ಸಾಧ್ಯವಾಗುತ್ತದೆ. ಇವು 2024 ರಲ್ಲಿ Android ಅಥವಾ iOS ನಲ್ಲಿ ಲಭ್ಯವಾಗಲಿವೆ. ಆದ್ದರಿಂದ, ನೀವು ಅಂತಹ ಅಧಿಸೂಚನೆಗಳನ್ನು ನಿರ್ಲಕ್ಷಿಸಬಾರದು.
ಸಂಸತ್ ಭವನದಲ್ಲಿ ಸ್ಮೋಕ್ ದಾಳಿ; ಗಲಭೆಯ ಹಿಂದಿದೆ ದೊಡ್ಡ ಷಡ್ಯಂತ್ರ…ವಿಚಾರಣೆ ವೇಳೆ ಕೆಲವು ರಹಸ್ಯಗಳು ಬಹಿರಂಗ