ಹಬ್ಬಗಳ ಸಮಯದಲ್ಲಿ ಪ್ರಯಾಣಿಕರ ಸಂಖ್ಯೆಯಲ್ಲಿ ಏರಿಕೆಯನ್ನು ನಿಯಂತ್ರಿಸಲು, ರೈಲ್ವೆ ಸಚಿವಾಲಯವು ಇಂದು (ಆ.09) ಅಕ್ಟೋಬರ್ 13 ರಿಂದ 26ರ ನಡುವೆ ಪ್ರಯಾಣ ಮತ್ತು ನವೆಂಬರ್ 17 ರಿಂದ ಡಿಸೆಂಬರ್ 1 ರವರೆಗೆ ಅದೇ ರೈಲಿನಿಂದ ಹಿಂದಿರುಗಲು ಬುಕ್ ಮಾಡಿದ ಟಿಕೆಟ್ಗಳ ಮೇಲೆ ಶೇಕಡಾ 20 ರಷ್ಟು ರಿಯಾಯಿತಿ ನೀಡುವ ಯೋಜನೆಯನ್ನು ಘೋಷಿಸಿದೆ. ಜೊತೆಗೆ ಹಬ್ಬದ ಸೀಸನ್ ವೇಳೆ ಹೆಚ್ಚುವರಿ ರೈಲು ಸೇವೆಯನ್ನು ನೀಡಲಾಗುವುದೆಂಬ ಭರವಸೆಯನ್ನು ನೀಡಿದೆ. ಆಗಸ್ಟ್ 14 ರಿಂದ ಬುಕ್ ಮಾಡಿದ ಟಿಕೆಟ್ಗಳ ಮೇಲೆ ರಿಯಾಯಿತಿ ಇರುತ್ತದೆ ಮತ್ತು ರಾಜಧಾನಿ, ಶತಾಬ್ದಿ, ಡುರಾಂಟೊ ಮುಂತಾದ ಫ್ಲೆಕ್ಸಿ ದರದ ರೈಲುಗಳಲ್ಲಿ ಈ ರಿಯಾಯಿತಿ ಅನ್ವಯಿಸುವುದಿಲ್ಲ. ಈ ಯೋಜನೆಯಡಿಯಲ್ಲಿ, ಒಂದೇ ಪ್ರಯಾಣಿಕರ ಗುಂಪು ಹೋಗುವ ಮತ್ತು ವಾಪಸಾಗುವ ಪ್ರಯಾಣ ಎರಡಕ್ಕೂ ಟಿಕೆಟ್ಗಳನ್ನು ಬುಕ್ ಮಾಡಿದಾಗ ಮಾತ್ರ ರಿಯಾಯಿತಿ ಅನ್ವಯವಾಗುತ್ತದೆ.
