ಭಾರತಕ್ಕೆ ಹೋಲಿಸಿದ್ರೆ ಈ ರಾಷ್ಟ್ರಗಳಲ್ಲಿ ಚಿನ್ನದ ಬೆಲೆ ತುಂಬಾ ಕಡಿಮೆ! ಇದಕ್ಕೆ ಕಾರಣವೇನು? ಇಲ್ಲಿದೆ ಅಚ್ಚರಿ ಮಾಹಿತಿ...Gold Rates

Gold Rates : ಚಿನ್ನದ ಬೆಲೆಗಳು ಗಗನಕ್ಕೇರುತ್ತಿವೆ. ದಿನದಿಂದ ದಿನಕ್ಕೆ ದಾಖಲೆಯ ಮಟ್ಟದಲ್ಲಿ ಹೆಚ್ಚಾಗುತ್ತಿದೆ. ಭಾರತದಲ್ಲಂತೂ ಚಿನ್ನದ ಓಟವನ್ನು ತಡೆಯಲು ಯಾರಿಂದಲೂ ಸಾಧ್ಯವಾಗುತ್ತಿಲ್ಲ. ಏರುತ್ತಿರುವ ಚಿನ್ನದ ಬೆಲೆಗಳು ಜನರ ಹೃದಯ ಬಡಿತವನ್ನು ಹೆಚ್ಚಾಗುವಂತೆ ಮಾಡಿದೆ. ಸದ್ಯ ಭಾರತದಲ್ಲಿ 10 ಗ್ರಾಂ ಚಿನ್ನದ ಬೆಲೆ ಇದ್ದಕ್ಕಿದ್ದಂತೆ ಒಂದು ಲಕ್ಷ ರೂಪಾಯಿ ಸನಿಹ ತಲುಪಿದೆ. ಬೆಲೆಯನ್ನು ಕೇಳಿ ಜನರು ಭಯಭೀತರಾಗಿದ್ದಾರೆ. ಕನಿಷ್ಠ ಸ್ವಲ್ಪ ಚಿನ್ನವನ್ನಾದರೂ ಖರೀದಿಸಬಹುದೇ ಎಂದು ಆಶ್ಚರ್ಯ ಪಡುತ್ತಿದ್ದಾರೆ.

ನಮ್ಮ ದೇಶದಲ್ಲಿ ಚಿನ್ನದ ಬೆಲೆ ತುಂಬಾ ದುಬಾರಿಯಾಗಿದ್ದರೆ, ಕೆಲವು ದೇಶಗಳಲ್ಲಿ ಪರಿಸ್ಥಿತಿ ಮಾತ್ರ ವಿಭಿನ್ನವಾಗಿರುತ್ತದೆ. ಅಲ್ಲಿ, ಹಳದಿ ಲೋಹದ ಬೆಲೆಗಳು ತುಂಬಾ ಅಗ್ಗವಾಗಿವೆ. ಈಗ ಭಾರತಕ್ಕಿಂತ ಅಗ್ಗದ ಚಿನ್ನವನ್ನು ಹೊಂದಿರುವ ದೇಶಗಳು ಯಾವುವು ಎಂಬುದನ್ನು ನಾವೀಗ ತಿಳಿಯೋಣ.

* ಇಂಗ್ಲೆಂಡ್‌ನಲ್ಲಿ ಪ್ರತಿ 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ 70,000 ರೂ. ಇದೆ. ಇದಕ್ಕೆ ಕಾರಣವೆಂದರೆ, ಇಂಗ್ಲೆಂಡ್‌ನಲ್ಲಿ ಚಿನ್ನದ ಮಾರುಕಟ್ಟೆ ಹೆಚ್ಚು ಸ್ಪರ್ಧಾತ್ಮಕವಾಗಿದೆ. ಭಾರತದಲ್ಲಿ ವಿಧಿಸಲಾದ 3% ಜಿಎಸ್​ಟಿ ಮತ್ತು ಆಮದು ಸುಂಕಗಳಿಗೆ ಹೋಲಿಸಿದರೆ ಇಲ್ಲಿ ಕಡಿಮೆ ತೆರಿಗೆಗಳಿವೆ.

* ಕೆನಡಾದಲ್ಲಿ 24 ಕ್ಯಾರೆಟ್ ಚಿನ್ನದ 10 ಗ್ರಾಂ ಬೆಲೆ ಸುಮಾರು 72,000 ರೂಪಾಯಿ ಇದೆ. ಅದಕ್ಕೆ ಕಾರಣ, ಕಡಿಮೆ ತೆರಿಗೆಗಳು ಮತ್ತು ಚಿನ್ನದ ಉತ್ಪಾದನೆ ಹೆಚ್ಚಿರುವುದು.

ಇದನ್ನೂ ಓದಿ: 1 ಲಕ್ಷ ರೂ. ಸನಿಹದಲ್ಲಿ ಬಂಗಾರದ ಬೆಲೆ

* ಕಾಂಬೋಡಿಯಾದಲ್ಲಿ 24 ಕ್ಯಾರೆಟ್ ಚಿನ್ನದ 10 ಗ್ರಾಂ ಬೆಲೆ 72,000 ರೂಪಾಯಿ ಇದೆ. ಇದಕ್ಕೆ ಕಾರಣ ಏನೆಂದರೆ, ಕಾಂಬೋಡಿಯನ್ ಚಿನ್ನದ ಮಾರುಕಟ್ಟೆಯು ಕಡಿಮೆ ತೆರಿಗೆಗಳು ಮತ್ತು ಸುಂಕಗಳಿಂದ ಪ್ರಯೋಜನ ಪಡೆಯುತ್ತದೆ. ಕಡಿಮೆ ಬೆಲೆಗೆ ಉತ್ತಮ ಚಿನ್ನವನ್ನು ಒದಗಿಸುತ್ತದೆ.

* ದುಬೈ, ಯುಎಇನಲ್ಲಿ 24 ಕ್ಯಾರೆಟ್ 10 ಗ್ರಾಂ ಚಿನ್ನದ ಬೆಲೆ ಸುಮಾರು 78,000 ರೂಪಾಯಿ ಇದೆ. ಇದಕ್ಕೆ ಕಾರಣವೇನೆಂದರೆ ದುಬೈ ತೆರಿಗೆ ರಹಿತ ಚಿನ್ನದ ಖರೀದಿಗೆ ಹೆಸರುವಾಸಿಯಾಗಿದೆ. ಚಿನ್ನದ ಖರೀದಿಗೆ ಯಾವುದೇ ವ್ಯಾಟ್ ಅಥವಾ ಆಮದು ಸುಂಕವಿಲ್ಲ. ಭಾರತೀಯ ಪ್ರಯಾಣಿಕರಲ್ಲಿ ಪುರುಷರು 20 ಗ್ರಾಂ ಚಿನ್ನವನ್ನು ಮತ್ತು ಮಹಿಳೆಯರು 40 ಗ್ರಾಂ ಚಿನ್ನವನ್ನು ಸುಂಕ ರಹಿತವಾಗಿ ಕೊಂಡೊಯ್ಯಬಹುದು.

ಹಾಂಗ್ ಕಾಂಗ್ ದೇಶದಲ್ಲಿ 10 ಗ್ರಾಂ 24 ಕ್ಯಾರೆಟ್ ಚಿನ್ನದ ಬೆಲೆ ಸುಮಾರು 79,400 ರೂಪಾಯಿ ಇದೆ. ಇದಕ್ಕೆ ಕಾರಣವೇನೆಂದರೆ, ಹಾಂಗ್ ಕಾಂಗ್ ಕಡಿಮೆ ತೆರಿಗೆಗಳು ಮತ್ತು ಸ್ಪರ್ಧಾತ್ಮಕ ಚಿನ್ನದ ಮಾರುಕಟ್ಟೆಯಿಂದ ಪ್ರಯೋಜನ ಪಡೆಯುತ್ತದೆ. ಚಿನ್ನದ ವ್ಯಾಪಾರ ಕೇಂದ್ರಗಳಿಗೆ ಹತ್ತಿರವಿದೆ ಮತ್ತು ಕಡಿಮೆ ಆಮದು ಸುಂಕಗಳು ಇವೆ.

ಅಂದಹಾಗೆ, ತೆರಿಗೆ ವಿನಾಯಿತಿಗಳು, ಸ್ಪರ್ಧಾತ್ಮಕ ಮಾರುಕಟ್ಟೆಗಳು, ಕರೆನ್ಸಿ ವಿನಿಮಯ ದರಗಳು ಮತ್ತು ಕಡಿಮೆ ಆಮದು ಸುಂಕಗಳಿಂದಾಗಿ ಈ ದೇಶಗಳು ಭಾರತಕ್ಕಿಂತ ಕಡಿಮೆ ಬೆಲೆಗೆ ಚಿನ್ನವನ್ನು ನೀಡುತ್ತವೆ.

https://www.vijayavani.net/pbks-vs-rcb-why-me-he-deserves-this-virat-kohli

https://www.vijayavani.net/a-section-of-people-in-india-will-soon-lose-their-jobs-and-the-culprits-are-two-recent-developments