ಕೃಷಿ ಭೂಮಿಯಲ್ಲಿ ಗಾಜಿನ ಹಾವಳಿ

ಕೋಟ: ಕೋಟ ಗ್ರಾಮ ಪಂಚಾಯಿತಿ ಮಣೂರು ನಡುಬೆಟ್ಟು ವ್ಯಾಪ್ತಿಯ ಕೃಷಿ ಭೂಮಿ ಮದ್ಯ ಬಾಟಲಿಗಳ ಹಾವಳಿಗೆ ತುತ್ತಾಗುತ್ತಿದ್ದು, ಇದಕ್ಕೆ ಶೀಘ್ರ ಕಡಿವಾಣ ಹಾಕುವಂತೆ ರೈತರು ಆಗ್ರಹಿಸಿದ್ದಾರೆ. ರಾಷ್ಟ್ರೀಯ ಹೆದ್ದಾರಿಯ ನಡುಬೆಟ್ಟಿನಿಂದ ಮಣೂರು ಪಡುಕರೆ ಕರಾವಳಿ ರಸ್ತೆಯ ಅಕ್ಕಪಕ್ಕವಿರುವ ಕೃಷಿ ಭೂಮಿಯಲ್ಲಿ ಮದ್ಯ ಬಾಟಲಿಗಳ ಹಾವಳಿ ಜೋರಾಗಿದೆ.

ಭತ್ತ ಕಟಾವಿನ ಸಂದರ್ಭ ಮದ್ಯ ಬಾಟಲಿಗಳು ಯಂತ್ರಕ್ಕೆ ಸಿಲುಕಿ ಕೃಷಿ ಭೂಮಿ ಗಾಜುಮಯವಾಗಿದೆ. ಇದರಿಂದ ಕೆಲಸಗಾರರು ಗದ್ದೆಗೆ ಇಳಿಯಲು ಭಯಪಡಬೇಕಾಗಿದೆ. ಕೃಷಿ ಭೂಮಿಗಳಲ್ಲದೆ ನೀರಿನ ಹೊಳೆ, ಚರಂಡಿಗಳಲ್ಲಿ ಮದ್ಯ ಬಾಟಲಿಗಳ ಹಾವಳಿ ವಿಪರೀತವಾಗಿದೆ. ರಸ್ತೆ ಬದಿ ಚೀಲ ಚೀಲಗಳಲ್ಲಿ ಬಾಟಲಿಗಳನ್ನು ಇರಿಸುತ್ತಿದ್ದು, ಬಾರಿ ಆತಂಕಕ್ಕೆ ಎಡೆಮಾಡಿಕೊಟ್ಟಿದೆ. ಈ ಬಗ್ಗೆ ಸಂಬಂಧಪಟ್ಟವರಿಗೆ ದೂರು ನೀಡಿದರೂ ಯಾವುದೇ ಪ್ರಯೋಜನವಾಗಿಲ್ಲ.

https://www.vijayavani.net/mylareshwar-temple-shivaratri-celebration

https://www.vijayavani.net/goddess-shakti-for-the-protection-of-religion